১ রাজাবলী 7:21 - Chakma Bible

²¹ হীরামে সে দ্বিবে পিদলর্ থুনি তবনা-ঘরর্‌ আজ্‌চালাত্‌ বোজেই দিলো। দোগিণে যিবে রাগেল সিবের নাঙান্‌ দিয়্যে অলঅ যাখীন (যিয়েনর্ ভেদ্‌‌তান্ “যিবে থিদেবর্ গরে”) আর উত্তোরেন্দি যিবে রাগেল সিবের নাঙান্‌ দিয়্যে অলঅ বোয়স (যিয়েনর্ ভেদ্‌তান্ “তা ভিদিরে বল্”)।

১ রাজাবলী 7:21 ပူးပေါင်းရင်းမြစ်များ

২ শমূয়েল 7:12

তঅ আয়ুগান শেজ্ অনার পরেন্দি যেক্কে তুই তর্‌ পুরোণি মানুচ্চুনোর ইদু যেবে সেক্কে মুই তঅ জাগাত্‌ তঅ বংশর্‌ একজনরে, তঅ নিজো পূঅবোরে বোজেম্‌ আর তা রেজ্যগান থির্ রাগেম্।

১ রাজাবলী 6:3

তবনা-ঘরর্‌ আজল্‌ গুদিবোর্‌ মুজুঙেন্দি যে আজ্‌চালাগান এলঅ সিয়েন্‌ ঘরানর পাদাজ্যে মাপ মজিম্ কুড়ি আত্‌ পাদাজ্যে আর ঘরানর মুজুঙেত্তুন্‌ সিয়েনর লাম্বান্দি এলদে দশ আত্।

১ রাজাবলী 7:12

আজ্‌চালা সুদ্ধো লগেপ্রভুর ঘর ভিদিরে উদোন ধোক্ক্যেন রাজঘরর্‌ দাঙর্‌ উদোনর চেরোকিত্তে দেবালানি দোল্‌ গুরি কাবিনে তিন সুর পাত্তর্‌ আর এরস গাজর এক সুর দাদঅ তক্তালোই বানা ওইয়্যে।

১ রাজাবলী 7:22

লিলি ফুলো ধোক্কেন্‌ পিদলর মাঢা দ্বিবে সে থুনি দ্বিবে উগুরে বোজেয়্যে এলঅ। এধোক্ক্যেন্‌গুরি সে থুনি বানানার কামানি থুম্ গরা অলঅ।

২ বংশধর 3:17

সে খুদো দ্বিবে তবনা-ঘর মুজুঙোত্‌ দোগিণেন্দি এক্কো আর উত্তোরেন্দি আর এক্কো উজু গুরিনে দিয়্যে অলঅ। যিবের দোগিণেন্দি এলঅ সিবের্‌ নাঙান্‌ তে দিলোদে যাখীন (যিয়েনর্ ভেদ্‌তান্ “তে থিবিদে গোজ্যে”) আর যিবে উত্তোরেন্দি এলঅ সিবের্‌ নাঙান্‌ দিলোদে বোয়স (যিয়েনর্ ভেদ্‌তান্ “তা ভিদিরেই বল্‌”)।

২ বংশধর 4:13

সে শিগোলানিত্তে চেরশত্‌ ডালোম-খুদোবো উগুরে মাঢাবোর্‌ গুল্‌ গুরি কট্টাবো সাজেবাত্তে পত্তি সুর্‌ শিগলত্তে দ্বিসুর্ ডালোম;

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।

রূত 2:19

তা শুড়ীবো তারে পুজোর্ গুরিলো, “তুই এচ্চ্যে কুত্তুন্‌ কুড়েয়োচ্‌, কুদু কাম্‌ গোজ্যচ্‌? যে তঅ উগুরে খিয়েল্ রাগেয়্যে গোজেনে তারে বর্ দুয়োক্।” সেক্কে রূতে কা ভূইয়োত্‌ কাম গোজ্যে সিয়েন তা শুড়ীবোরে জানেল। তে কলঅ, “মুই যার ক্ষেদত্‌ কাম গোজ্যং তার নাঙান্‌ বোয়স।”

রূত 4:21

সল্‌মোনর পূঅ বোয়স; বোয়সর পূঅ ওবেদ;