১ রাজাবলী 6:9 - Chakma Bible

⁹ এবাবোত্যেগুরি তে তবনা-ঘরান বানেয়্যে আর সিয়েন থুেম্‌অ গোজ্যে। তে এরস গাজ তক্তা আর টেগেন্‌দোই সিয়েনর্‌ দোন্দোমাগান্ দিয়্যে।

১ রাজাবলী 6:9 ပူးပေါင်းရင်းမြစ်များ

১ রাজাবলী 6:10

তবনা-ঘরর্‌ তিন কিত্তেন্দি সে ঘরানত্‌ তে কয়েক্কো গুদি বানেয়্যে। সে গুদিগুনোর এক ইক্কো লাম্বান্দি এলদে পাচ্ আত্‌ আর এরস গাজর টেগেন্দোই ঘরর্‌ দোন্‌দোমাগান বানা ওইয়্যে। সে টেগেনুনোর্‌ ইক্কো মাধা তবনা-ঘরর্‌ দেবাল থাগ উগুরে রাগা ওইয়্যে।

১ রাজাবলী 6:14

শলোমনে তবনা-ঘরান বানেইনে এধোক্ক্যেনগুরি থুম্ গুরিলো।

১ রাজাবলী 6:38

সল্লা মজিম্ তবনা-ঘরানর বেক্‌ কামানি এগার বজরর্‌ বূল মাজত, অত্তাৎ আস্‌তো মাজত্‌ শেজ্ ওইয়্যে। এ তবনা-ঘরান বানাদে শলোমনর্ সাত বজর সময় লাক্ক্যে।

১ রাজাবলী 6:8

তলে তালার সুমিবার পথ্‌তান্‌ এলদে তবনা-ঘরর দোগিণেদি; সিয়োত্তুন্‌ এক্কান সিড়ি দ্বিতালাত্‌ আর সে পরেন্দি তিন তালাত্‌ উঠ্যেগোই।

১ রাজাবলী 7:51

এবাবোত্যেগুরি রাজা শলোমনে লগেপ্রভুর ঘরর বেক্‌ কামানি থুম্ গুরিলো। সে পরেন্দি তে তা বাপ্পো দায়ূদে যেদক্কানি পযাপিরা লগেপ্রভুর নাঙে যুদো গুরি রাগেয়্যে সিয়েনি আনিলো। সিয়েনি অলদে সনা, রূবো আর নানান বাবোত্যে পিলে। সিয়েনি তে লগেপ্রভুর ঘরর ধনভান্ডালত্‌ থোই দিলো।

১ রাজাবলী 9:25

লগেপ্রভুর নাঙে শলোমনে যে ডালিঘরান্‌ বানেয়্যে সিয়েনত্‌ তে বজরে তিনবার পুজ্যে-উৎসর্ব আর উদোলোলি-উৎসর্বর অনুষ্ঠান গুরিদো। সে সমারে তে লগেপ্রভুর মুজুঙোত্‌ আগর্‌বাট্টিঅ জালেদ। সালে দেগা যাত্তে, শলোমনে তবনা-ঘরর্‌ বেক্‌ কামানি থুম্‌ গোজ্যে।

যাত্রা 40:33

ডালিপূজো আর থেবার-তাম্বুলানর চেরোকিত্তে তে পর্দাগান্‌ বিজেইনে উদোনর্ বেবস্থা গুরিলো আর সিয়েনর্‌ দোরানত্‌ পর্দাগান্ দিলো। ইঙিরিনে মোশি তার্‌ কামানি থুম্‌ গুরিলো।

পরমগীত 1:17

এরস গাজ্‌ আমা ঘরর্ ধার্‌বো, আর বেরস গাজ্ আমা ঘর ছালানর্ বীমুন।