১ রাজাবলী 6:5 - Chakma Bible5 আজল্ গুদিবো আর দাঙর্ পবিত্র জাগানর্ তিন কিত্তেন্দি দেবালত্ বাস্যে তে এক্কান তিন তালা ঘর বানেল। সিয়েন ভিদিরে ভালোক্কুন্ গুদি এলাক। အခန်းကိုကြည့်ပါ။ |
১ রাজাবলী 6:5
26 ပူးပေါင်းရင်းမြစ်များ
তলে তালার গুদিগুন্ এলাক্কে পাচ্ আত্ পাদাজ্যে, দ্বিতালার গুদিগুন্ এলাক্কে ছঅ আত্ পাদাজ্যে আর তিন তালার গুদিগুন্ এলাক্কে সাত্ আত্ পাদাজ্যে, কিত্তেই তবনা-ঘরর্ দেবাল বারেন্দি কাজাকুরে কয়েক্কো থাক্ বানা ওইয়্যে। সেনত্তে সে তিন তালা ঘরান্ বানেবাত্তে তবনা-ঘরর্ দেবালত্ কনঅ টেগেন্ লাগেবার্ দরকার ন-অলঅ।
ইয়েনিবাদেয়ো আমা মোয়দ্যের্ আর শোজ্য-উৎসর্বর পত্তম্ ভাগ্কুয়ো, বেক্ গাজ্ছুনোর পত্তম ফল্লো আর নূয়ো আংগুর-রস আর তেলর্ পত্তম্ ভাগ্কুয়ো আমি আমার গোজেনর ঘরর্ ভান্ডাল-ঘরত্ ধর্মগুরুগুনোর্ ইদু আনিবোং। আর আমা ফসলর দশ ভাগর্ এক ভাগ্ লেবীয়গুনোর্ ইদু আনিবোং, কিত্যে আমা বেক্ আদামানিত্ লেবীয়গুনে দশমাংশ গুজি লন্।
ভান্ডাল-ঘরত্ যিদুক্কুন্ দান, পত্তমে তুল্যে ফসল আর দশমাংশ আনা অদঅ সিগুন্ চেইচিদিবাত্তে সে অক্তত্ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্ ফসলর ভাগ্ লোই এদাক্। যিহূদার মানুচ্চুনে হুজি মনে দিদাক্, কিত্যে সেবাগুরিয়্যে ধর্মগুরু আর লেবীয়গুনোরে কামত্ তারা হুজি এলাক্।
ကြော်ငြာတွေ