১ রাজাবলী 6:4 - Chakma Bible

⁴ ঘরানর্‌ দেবাল ভিদিরে তে জানালা ধোক্ক্যেন গুরিনে কানা কানা জাল ধোক্ক্যেন্‌ জাগা বানেল।

১ রাজাবলী 6:4 ပူးပေါင်းရင်းမြစ်များ

১ রাজাবলী 6:3

তবনা-ঘরর্‌ আজল্‌ গুদিবোর্‌ মুজুঙেন্দি যে আজ্‌চালাগান এলঅ সিয়েন্‌ ঘরানর পাদাজ্যে মাপ মজিম্ কুড়ি আত্‌ পাদাজ্যে আর ঘরানর মুজুঙেত্তুন্‌ সিয়েনর লাম্বান্দি এলদে দশ আত্।

১ রাজাবলী 7:4

ঘরর্ চেরোকিত্তে দেবালত্‌ মুজুঙো-মুজুঙি তিন সুর জানালা দিয়্যে অলঅ।

পরমগীত 2:9

মর্ পরাণ্যে যেন কৃষ্ণসার বা উরিঙো ছঅ ধোক্ক্যেন্। উই চাহ্, তে আমা দেবাল পিজেদি থিয়্যেই আঘে, তে জানালাদি রিনি চাহ্‌‌‌‌‌‌‌‌র, ‌ জালি ভিদিরেদি ইজিরে দের্। ‌‌‌‌‌‌‌

যিহিষ্কেল 40:16

গুদিগুনোর্ বারেদি দেবালত্ আর খুদো দ্বিবের্ কায়কুরে দেবালানত্ জালি দিয়্যে জানালা এলঅ, আর গেদো শেজদি যে গুদিবো এলঅ সিয়েনর্ দেবালানত্অ সেবাবোত্যে এলঅ; এবাবোত্যেগুরি গেদোর্ দেবালানিত্ সেবাবোত্যে জানালা এলঅ। ইয়েনি বাদেয়ো খুদো দ্বিবেত্ খাজোর্ গাজ্ খোদাই গোজ্যে এলঅ।

যিহিষ্কেল 41:26

বারান্দার জালি দিয়্যে জানালানির্ দ্বিকিত্তেদি আর ফ্রেমানিত্ খাজোর্ গাজ নক্‌‌শা গোজ্যে এলঅ। ইগুন বাদেয়ো উবোসনা-ঘরর বীমুনোত্ আর কায়কুরে গুদিগুনোত্অ খাজোর্ গাজ নক্‌‌শা গোজ্যে এলঅ।