১ রাজাবলী 6:1 - Chakma Bible

¹ মিসর দেজত্তুন্‌ ইস্রায়েলীয়গুনে নিঘিলি এজানার পরেন্দি চেরশঅ আশি বজর সং ইস্রায়েলীয়গুনো উগুরে শলোমনর্ রাজাগিরির চের্‌ বজরত্‌ সিব মাজত্‌, অত্তাৎ দ্বিমাজত্‌ শলোমনে লগেপ্রভুর ঘরান তুলোনা আরাম্ভ গুরিলো।

১ রাজাবলী 6:1 ပူးပေါင်းရင်းမြစ်များ

১ রাজাবলী 6:2

রাজা শলোমনে লগেপ্রভুত্তে যে ঘরান্‌ বানেয়্যে সিয়েন লাম্বান্দি এলদে ষায়েট আত, পাদাজ্যে কুড়ি আত্‌ আর অজল্ ত্রিশ আত।

১ রাজাবলী 6:37

চের্‌ বজরত্‌ সিব মাজত্‌ লগেপ্রভুর ঘরর্‌ গোড়াগান গাড়া ওইয়্যে।

১ বংশধর 29:19

মর্ পুয়ো শলোমনরে এধোক্ক্যেন উজুউস্যে মান্‌জ্য মন দান গুরিচ্‌ যেনে তে তঅ উগুমানি, তঅ কধানি আর তঅ সুদোমানি পালেই পারে আর মুই যে পাক্কা ঘরান্‌ বানেবার্‌ যুক্কোল গোজ্যং সিয়েন্‌ বানেই পারে।”

১ বংশধর 6:10

যোহানন পুয়ো অসরিয়। ইবে যিরূশালেমত্‌ শলোমনর্ বানেয়্যে তবনা-ঘরত্‌ ধর্মগুরুর্‌ কাম্‌ গুরিদো।

২ বংশধর 3:3

গোজেন ঘর বানেবাত্তে তে পুরোণি মাপ ধোক্ক্যেন ষায়েট্‌ আত্‌ লাম্বা আর কুড়ি আত্‌ পাদাজ্যে গড়াগান্‌ দিলো।

ইষ্রা 5:11

জোবত্ তারা আমারে কলাক্, “আমি স্বর্গ আর পিত্‌থিমীর্ গোজেনর্ দাস। আমি সেই উবোসনা-ঘরান আরঅ বানের্ যিয়েন ইস্রায়েলর এক্কো দাঙর্ রাজা ভালোক্ দিন আগেদি বানেইনে থুম্ গোজ্যে।

গীতসংহিতা 78:69

সিয়েনত্ তার্ সুুদ্ধো-সাংগ ঘরান তে অজল্ গুরি বানেল, সিয়েন এলদে যেন দেবাবো সং; তে সিয়েন পিত্‌থিমী ধোক্ক্যেন গমেডালে থিদেবর্ গুরিলো।

যাত্রা 12:41

চেরশঅ ত্রিশ বজর্‌ শেজ অবার দিন্নোত্‌ লগেপ্রভুর বেক্‌ মানেইয়ুন সৈন্যদল ধোক্ক্যেন গুরি মিসর্‌ দেজ্‌চান ফেলেইনে নিগিলি এচ্ছোন্।

যাত্রা 12:51

লগেপ্রভু সেদিন্যেই সৈন্যদল ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনিলো।

যিহিষ্কেল 41:1

সে পরেদি তে মরে উবোসনা-ঘরর্ আজল্ গুদিবোত্ আনিনে দোরোত্ বাজু দ্বিবে মাবিলো; দ্বিকিত্তেদি বাজু পাদাজ্যে এলাক্ ছয় আত্ গুরি;

হগয় 1:8

এবেরা তুমি মুড়োত্ উদিনে তক্তা আনিনে উবোসনা-ঘর বানঅ, যেনে মুই হুজি আর সর্মানিত অং।

সখরিয় 6:15

“যিগুনে দূরোত্ আগন্ তারা এইনে লগেপ্রভুর ঘরান বানেবার কামত্ সাহায্য গুরিবাক্। সেক্কে তুমি হবর্ পেবাদে যে, বেগত্তুন খেমতাবলা লগেপ্রভুই মরে তমা ইধু পাদেয়্যে। যুনি তুমি যত্তন্ গুরিনে তমা গোজেন লগেপ্রভুর কধানি পালঅ সালেই ইয়েনি বেক্কানি অবঅ।”

গণাণা 1:1

ইস্রায়েলীয়গুনে মিসর দেজত্তুন্‌ নিগিলি এজানার্‌ পরেদি দ্বিবজরর্‌ দ্বিমাজর্‌ পত্তম দিনোত্‌ লগেপ্রভু সিনাই ধূল্যেচর চাগালাত্‌ মিলন-তাম্বুলো ভিদিরে মোশির লগে কধা কোইয়্যে। তে কলদে,

প্রেরিত্‌ 13:19

সে পরেদি তে কনান্ রেজ্যর্ সাত্তো জাদরে ভস্ত গুরিনে তা নিজো মানুচ্চুনোরে সেই দেজ উগুরে অধিকার দিয়্যে।

প্রেরিত্‌ 7:47

মাত্তর্ শলোমনে তাত্যে ঘর্ বানেয়্যে।

১ করিন্হীয় 6:19

তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

কলসীয় 2:7

খ্রীষ্ট ভিদিরে মূরোত্ পুরিনে তা ভিদিরে তুমি বাড়ি উদোনাত্ থাগঅ। তুমি শিক্ষ্যে পেইনে যিয়েন বিশ্বেজ্ গোজ্জো সিয়েন্দোই থির্ থাগঅ আর গোজেনরে নিত্য ভালেদি জানেই থাগঅ।

ইব্রীয় 11:10

কিয়া যে শঅ্‌রান্ উমরত্যে দরমর তে সেই শঅরানরে বাজ্জ্যেই রোইয়্যে। সেই শঅ্‌রানর্ নক্‌শা বানানা আর গাধেই তুলিবার কামান্ গোজেনে গোজ্জ্যে।

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।

বিচের গুরিয়্যেগুন 11:26

এচ্চ্যে তিনশত্‌ বজর ধুরিনে ইস্রায়েলীয়গুনে হিষ্‌বোনত্‌ আর অরোয়র শঅ্‌র আহ্‌ তারার কায়-কুরে আদামানি আর অর্ণোন গাঙর্‌ পাড়ত্‌ বেক্‌ আদামানিত্‌ বজত্তি গুরি এত্তন্‌। সেক্কেনে তুই সিয়েনি কিত্তেই আরঅ গজক্‌ গুরি ন-নেযাচ্‌?