১ রাজাবলী 5:9 - Chakma Bible

⁹ মঅ মানুচ্চুনে সিয়েনি লেবাননত্তুন্‌ লামেইনে সাগরত্‌ আনিবাক্‌। সে পরেন্দি তারা তক্তানিলোই ভের্‌বো বানেইনে সাগরত্‌ ভাজেইনে তর্‌ ঠিগ্ গোজ্যে জাগানত্‌ নেযেবাক্। সিয়েনত্‌ তারা সিয়েনি খুলি ফেলেবাক্‌ আর সেক্কে তুই সিয়েনি নেযেই পারিবে। মুই চাং যেনে তুই মর্‌ রাজঘরর্‌ মানুচ্চুনোত্তে হানা যুগেই দুয়োচ্‌।”

১ রাজাবলী 5:9 ပူးပေါင်းရင်းမြစ်များ

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

১ রাজাবলী 4:20

যিহূদা আর ইস্রায়েলর মানচ্চুন অলাক্কে সাগর পার ধূল্যেচর ধোক্কেন্‌ গুণি ন-পুড়েইয়্যে।

১ রাজাবলী 5:10

এবাবোত্যেগুরি হীরমে শলোমনর্ চেইয়্যেদে ধোক্কেন্‌ বেক্‌ এরস ও বেরস গাজ্ দিলো,

১ রাজাবলী 5:8

হীরম শলোমনরে এ হবরান্‌ পাদেল, “তর্‌ পাদেয়্যে হবরান্‌ মুই পেইয়োং। এরস আর বেরস গাজ পৌইদ্যেনে তর্‌ বেক্‌ আওজ্‌ছানি মুই পুরেই দিম্‌।

১ রাজাবলী 9:27

শলোমন মানুচ্চুনোর লগে নোকোত্‌ কাম গুরিবাত্তে হীরমে তার কয়েকজন কাবিদ্যং নাবিক পাধেই দিলো।

২ বংশধর 1:15

রাজা যিরূশালেমত্‌ সোনা আর রূবোগানরে গুরিলো পাত্তর ধোক্ক্যেন সয়-সাগর্‌ আর এরস গাজ্‌সোরে গুরিলো তলেন্দি মুড়োমুড়ি চাগালাত্‌ এনেবাদে উঠ্যে ভালোক্কুন ডুমুর গাজঅ‌ ধোক্ক্যেন।

২ বংশধর 2:16

আমি লেবাননত্তুন্‌ তর্‌ দরকার মজিম্‌ বেক্‌ গাজ্‌ছুন কাবিনে একলগে বানিনে বড়্‌ সাগরত্‌ ভাজেইনে যাফো সং নেযেবং। সে পরেন্দি তুই সিগুন্‌ যিরূশালেমত্‌ তুলি নেযেবে।”

২ বংশধর 9:22

রাজা শলোমনে পিত্‌থিমীর অন্য বেক্‌ রাজাগুনোত্তুন্‌ তাগোয়্যে আর জ্ঞানী ওই উদিলো।

ইষ্রা 3:7

তারা রাজমিস্ত্রি আর গাজমিস্ত্রিরে টেঙা দিলাক্ আর সীদোন আর সোরর মানুচ্চুনোরে হানা, আংগুর-রস আর তেল দিলাক্ যেনে তারা পারস্যের রাজা কোরসের অনুমতি মজিম্ লেবাননত্তুন্ যাফো সং বড় গাঙ পধেদি এরস গাজ আনি পারিদাক্।

ইয়োব 32:8

সত্যি মান্‌জ্য ভিদিরে আত্মা আঘে, আর বেগত্তুন্ খেমতাবলা গোজেনর নিজেসে তারে বুঝিবার বল্ দিয়্যে।

উপদেশক 1:16

মুই মনে মনে কলুং, “মঅ আগেদি যিগুনে যিরূশালেমত্ রাজাগিরি গুরি যেইয়োন্ সিগুনোর্ বেক্কুনোত্তুন্ মুই জ্ঞানেদি বোউত বেশ্; মর্ বোউত্ জ্ঞান আর বুদ্ধি ওইয়্যে।”

যিহিষ্কেল 27:17

যিহূদা আর ইস্রায়েলে তঅ লগে বেবসা গুরিদো; তারা তঅ পযাপিরানির বদলে মিন্নীতের গম, হানার জিনিস, মধু, তেল আর তুম্বাজ মজলা দিদাক্।

প্রেরিত্‌ 12:20

সে সময়োত্ হেরোদে সোর আর সীদোন শঅর মানুচ্চুনো উগুরে রাগে আগুন অলঅ। সেক্কে সিধুগো মানুচ্চুনে এক সমারে মিলিনে হেরোদ লগে দেগা গুরিবাত্যে গেলাক্। বাস্ত নাঙে রাজার্ ঘুমাইদ্যে ঘরর্ বিশ্বেজি চাগর্‌বোরে নিজোর্ পক্ষে আনিনে তারা রাজা লগে এক্কান মিট্‌মাট গুরিবাত্তে চেলাক্, কিয়া রাজা হেরোদ দেজত্তুন্ তারার্ দেজত্ হানা এদঅ।

দ্বি’লম্বর বিররণ 3:25

যর্দন পার্‌ ওই যেইনে সেই অমহদ দোল্‌ দেজ্‌ছান, অত্তাৎ সে মুড়োমুড়ির্‌ দেজ্‌ছান আর লেবাননান মরে চেবাত্তে দে।