১ রাজাবলী 5:8 - Chakma Bible

⁸ হীরম শলোমনরে এ হবরান্‌ পাদেল, “তর্‌ পাদেয়্যে হবরান্‌ মুই পেইয়োং। এরস আর বেরস গাজ পৌইদ্যেনে তর্‌ বেক্‌ আওজ্‌ছানি মুই পুরেই দিম্‌।

১ রাজাবলী 5:8 ပူးပေါင်းရင်းမြစ်များ

২ শমূয়েল 6:5

দায়ূদ আর ইস্রায়েল জাদর্‌ বেক্‌ মানুচ্চুনে লগেপ্রভুর মুজুঙোত্‌ দেবদারু তক্তার বানেয়্যে বেক্‌ যন্ত্রগানি আর সুরবাহার, বীণা, খঞ্জনী, ঝুম্‌ঝুমি আর করতাল বাজেইনে ফুত্তি গত্তন্‌।

১ রাজাবলী 5:7

শলোমনত্তুন্‌ এ হবরান্‌ পেইনে হীরমে অমকদ হুজি ওইনে কলঅ, “এচ্যে লগেপ্রভুর বাঈনী ওক্‌, কিত্তেই এ দাঙর্‌ জাদ্‌তো উগুরে রাজাগিরি গুরিবাত্তে দায়ূদোরে তে এন্‌ ইক্কো জ্ঞানী পূঅ দান গোজ্যে।”

১ রাজাবলী 5:9

মঅ মানুচ্চুনে সিয়েনি লেবাননত্তুন্‌ লামেইনে সাগরত্‌ আনিবাক্‌। সে পরেন্দি তারা তক্তানিলোই ভের্‌বো বানেইনে সাগরত্‌ ভাজেইনে তর্‌ ঠিগ্ গোজ্যে জাগানত্‌ নেযেবাক্। সিয়েনত্‌ তারা সিয়েনি খুলি ফেলেবাক্‌ আর সেক্কে তুই সিয়েনি নেযেই পারিবে। মুই চাং যেনে তুই মর্‌ রাজঘরর্‌ মানুচ্চুনোত্তে হানা যুগেই দুয়োচ্‌।”

১ রাজাবলী 6:15

তলেত্তুন্‌ ধুরি দোন্‌দোমা সং এরস গাজ তক্তালোই তে দেবাল ভিদিরেন্দিগান ঢাগি দিলো আর তলেন্দিগান ঢাগি দিলোদে বেরস গাজ তক্তালোই।

২ বংশধর 2:16

আমি লেবাননত্তুন্‌ তর্‌ দরকার মজিম্‌ বেক্‌ গাজ্‌ছুন কাবিনে একলগে বানিনে বড়্‌ সাগরত্‌ ভাজেইনে যাফো সং নেযেবং। সে পরেন্দি তুই সিগুন্‌ যিরূশালেমত্‌ তুলি নেযেবে।”

২ বংশধর 3:5

আজল্‌ দাঙর্‌ গুদিবো শলোমনে পত্তমে বেরস গাজ তক্তালোই ঢাগি দিলো আর সে পরেন্দি সিয়েন্‌ গম্‌ সোনালোই বেড়েই দিলো, আর সিয়েন্‌ খাজোর্‌ আর শিগল আরুক্‌কোই সাজা অলঅ।