১ রাজাবলী 5:7 - Chakma Bible

⁷ শলোমনত্তুন্‌ এ হবরান্‌ পেইনে হীরমে অমকদ হুজি ওইনে কলঅ, “এচ্যে লগেপ্রভুর বাঈনী ওক্‌, কিত্তেই এ দাঙর্‌ জাদ্‌তো উগুরে রাজাগিরি গুরিবাত্তে দায়ূদোরে তে এন্‌ ইক্কো জ্ঞানী পূঅ দান গোজ্যে।”

১ রাজাবলী 5:7 ပူးပေါင်းရင်းမြစ်များ

পত্থম 33:5

পরেদি এষৌ মুয়োন্‌ তুলিনে সে বেক্‌ মিলেগুন্‌ আর পুয়ো-ঝিগুনোরে দেগিনে পুযোর্‌ গুরিলো, “তঅ লগে ইগুন্‌ কন্না?” যাকোবে কলঅ, “গোজেনে দোয়্যে গুরি তঅ চাগর্‌বোরে এ পুয়ো-ঝিগুন দিলো।”

১ রাজাবলী 10:9

তর্‌ গোজেন লগেপ্রভুর বাঈনী ওক্‌, যিবে তঅ উগুরে হুজি ওইনে তরে ইস্রায়েলর সিংহাসনত্‌ বোজেয়্যে। ইস্রায়েলীয়গুনোরে তে জিংকানিবর্‌ কোচ্‌পায় বিলিনে তে দোল্‌বিচের্‌ আর ন্যায় রোক্ষ্যে গুরিবাত্তে তরে রাজা বানেয়্যে।”

১ রাজাবলী 3:9

সেনত্তে তঅ মানুচ্চুনোরে শাজন্ গুরিবাত্তে আর কুবোন্‌ ঠিগ্ বা কুবোন্‌ ভুল সিয়েনি জানিবাত্তে তুই তঅ চাগর্‌বোর্‌ মনানত্‌ বুঝিবার খেমতা দে; কিত্যে কার সাধ্য আঘে তর্‌ এ দাঙর্‌ জাদ্‌তোরে শাজন্ গরে?”

১ রাজাবলী 4:7

বেক্‌ ইস্রায়েল উগুরে শলোমনে বারজন শাজন্‌‌গুরিয়্যে নেযেল। তারা রাজা আর রাজাগিরিত্তে হানা-দানার যুক্কোল্ দিদাদ্। তারাত্তুন বজরে এক মাস গুরিনে হানার্‌ যুক্কোল দিয়্যে পুরিদো।

১ রাজাবলী 5:6

“সেনত্তেই তুই উগুম্ গর্‌ যেনে মত্তে লেবানন দেজর্‌ এরস গাজ্‌ছুন কাবা অয়। মঅ মানুচ্চুনে হামাক্কায় তঅ মানুচ্চুনো লগে থেবাক্‌ আর তুই যে বেতনুন্‌ ঠিগ্ গুরি দিবে মুই সে বেতনুন্ তঅ মানুচ্চুনোরে দিম্‌। তুই দঅ হবর্ পাজ্, গাজ্‌ কাবেদে কামত্‌ সীদোনীয়গুনো ধোক্ক্যেন কাবিল মানুচ্‌ আমা ইদু কনজন নেই।”

১ রাজাবলী 5:8

হীরম শলোমনরে এ হবরান্‌ পাদেল, “তর্‌ পাদেয়্যে হবরান্‌ মুই পেইয়োং। এরস আর বেরস গাজ পৌইদ্যেনে তর্‌ বেক্‌ আওজ্‌ছানি মুই পুরেই দিম্‌।

গীতসংহিতা 137:6

যুনি মুই তরে ইদোত্ ন-রাগাং, যুনি যিরূশালেমরে মুই বেগত্তুন্ বেশ্ রঙ্গ-ফুত্তির জিনিস বিলিনে মনে ন-গরং, তো মঅ জিলানে যেন মঅ তাগারাত্ বাজে।

গম্ উপদেজ্ 10:1

শলোমনর্ গম্ উপদেজ্। জ্ঞানীবলা পুয়ো বাবরে হুজি গরে, মাত্তর্ ভুল-বেদমা পুয়ো মাগুনো জিংকানিত্ দুগ্ আনন্।

গম্ উপদেজ্ 13:1

জ্ঞানীবলা পুয়ো বাব শাজন্ মানে, মাত্তর্ ঠাট্টা-ঈচ্ গুরিয়্যেবো সংশোধনত্ কান্ ন-পাদে।

গম্ উপদেজ্ 15:20

জ্ঞানী পুয়ো বাবর্ জিংকানিত্ হুজি আনে, মাত্তর্ জ্ঞাননেইয়্যে মান্‌জ্যে মাবোরে ঈচ্ গরে।

গম্ উপদেজ্ 23:24

গোজেন ভক্তবোর্ বাব্‌পো বোউত্ হুজি অয়; জ্ঞানীবলা পুয়োবোর বাব্‌পো তা পুয়োবোলোই সুগি অয়।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।