১ রাজাবলী 5:3 - Chakma Bible

³ মঅ বাপ্পো দায়ূদো বিরুদ্ধে চেরোকিত্তেত্তুন্‌ যুদ্ধো ওইয়্যে, সেনত্তেই যেদকদিন সং লগেপ্রভু তা শত্রুগুনোরে তা টেঙ তলে ন-আনিলো সেদকদিন তে তার্‌ গোজেন লগেপ্রভুর নাঙে কনঅ উবোসনা-ঘর বানেই ন-পারিলো। তুই দঅ এ কধানি হবর্‌ পাজ্‌।

১ রাজাবলী 5:3 ပူးပေါင်းရင်းမြစ်များ

১ রাজাবলী 8:19

মাত্তর্‌ ঘরান্‌ তুই ন-বানেবে, বানেবদে তঅ পুঅবো, যে তর্‌ নিজোর পূঅ। তেয়ই মত্তে সে ঘরান বানেব।

১ বংশধর 22:8

মাত্তর্‌ লগেপ্রভুর এ কধাগান মরে জানা অলঅ, তুই বোউত্‌ লো ঝোরেয়োচ্‌ আর বোউত্‌ যুদ্ধোয়ো গোজ্যস্‌। তুই মত্তে ঘর্‌ ন-বানেবে, কিত্তে মঅ চোগো মুজুঙোত্‌ তুই পিত্‌থিমীত্‌ বোউত্‌ লো ঝোরেয়োচ্‌।

১ বংশধর 28:2

পরেন্দি রাজা দায়ূদে থিয়্যেইনে তারারে কলঅ, মর্‌ ভেইয়ূন আর মর্‌ মানুচ্চুন্‌, মঅ কধাগান্‌ গমেডালে শুনো। লগেপ্রভুর সুদোম-সুন্দুক্কোত্তে, অত্তাৎ আমা গোজেন টেঙ্‌ থবার্‌ জাগানত্তে এক্কান্‌ থিদেবর্ গোজ্যে ঘর্‌ বানেবার্‌ আওজ্ মঅ মনত্‌ এলঅ, আর মুই সিয়েন্‌ বানেবার্‌ যুক্কোলঅ গোজ্যং।

১ বংশধর 28:3

মাত্তর্‌ গোজেনে মরে কলঅ, মত্তে তুই ঘর্‌ ন-বানেবে, কিত্তে তুই এক্কো যোদ্ধা আর তুই লো ঝোরেয়োচ্‌।

২ বংশধর 9:4

তে আরঅ দেগিলোদে তা টেবিলোর্‌ হানাগানি, তার্‌ কামগুরিয়্যেগুনোর্‌ থেবার জাগায়ানি, দোল্‌ কাবড়-চুগোড়্‌ উজ্যে তার্‌ সেবাগুরিয়্যেগুনোরে, তার্‌ পানীয় ভাগ গুরিদিয়্যেগুনোরে আর সে সিড়িগান, সে সিড়ি গানন্দি তে লগেপ্রভুর ঘরত্‌ উদিদোগোই। ইয়েনি দেগিনে তে আমক্‌ ওই গেলঅ।

নহিমিয় 5:17

ইগুনে বাদেয়ো যিহূদী আর দাঙর্‌ পোজিশনর্‌ কামগুরিয়্যেগুনো ভিদিরেত্তুন্‌ দেড়শঅ্‌জন আর কায়-কুরে জাত্‌তুনোর ভিদিরেত্তুন্‌ যিগুনে আমা ইদু এদাক্‌ তারা মঅ লগে হানা-দানা গুরিদাক্‌।

নহিমিয় 5:18

পত্তি দিন এক্কো বলদ্‌গোরু, ছবুয়ো বেঈ লোইয়্যে ভেড়া আর কয়েক্কো পেখ্‌ মত্তেই রানা অদঅ, আর পত্তি দশ দিন পরেন্দি বোস্তোমান্‌ গুরিনে নানান্‌ বাবোত্যে আংগুর-রস মরে দিয়্যে অদঅ। মাত্তর্‌ মুই কনদিনঅ শাজন্‌গুরিয়্যেগুনোর্‌ পাইদে হানা জিনিসছানি দাবি ন-গরঙ্‌, কিত্যে এ দাবিগানি মানুচ্চুনো উগুরে অমকদ দাঙর্‌ বুদি ধোক্কেন্‌ এলঅ।

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 8:6

তঅ আঢে বানেবার শাজন্ ভারান তুই তা আঢত্ দুয়োচ্ আর তা টেঙ তলাত্ রাগেয়োচ্ ইয়েনি বেক্কানি-

মালাখি 4:3

সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।

১ করিন্হীয় 15:25

গোজেনে যেদক্ বিলোন সং খ্রীষ্টর্ বেক্‌ শত্রুগুনোরে তার্ টেঙ তলাত্ ন থবঅ সেদক্ বিলোন সং খ্রীষ্টর্ রাজাগিরি গরা পরিবো।

ইফিষীয় 1:22

গোজেনে বেক্কানি খ্রীষ্ট টেঙ তলে থোইয়্যে আর তারে বেক্কানির্ অধিকার দিয়্যে, আর তারে মন্ডলীর্ মাঢা ইজেবে নেযা ওইয়্যে।

দ্বি’লম্বর বিররণ 14:5

উরিং, কৃষ্ণসার, চিতি-উরিং, ঝার্‌বো ছাগল, পিজেন্দি-ধুব্‌ বাবোত্যে উরিং, ধুব্‌ উরিং আর মুড়োত্‌ থেইয়্যে ভেড়া।

যিহোশূয় 10:24

তারা যেক্কে সে রাজাগুনোরে যিহোশূয় ইদু আনিলাক সেক্কে তে বেক্‌ ইস্রায়েলীয়গুনোরে ডাগিলো আর তা লগে যে সেনাপতিগুনে যুদ্ধোত্‌ যেইয়োন তারারে কলঅ‌, “তুমি ইদু এইনে সে রাজাগুনোর গত্তনাত্‌ তমা টেঙানি রাগঅ।” সেক্কে তারা উজেই যেইনে সে রাজাগুনোর গত্তনা উগুরে তারার টেঙানি রাগেলাক্‌।