১ রাজাবলী 5:12 - Chakma Bible

¹² লগেপ্রভু তার এগেম্ মজিম শলোমনরে জ্ঞান দিলো। হীরম আর শলোমনর্ দ্বিসেরে শান্তির সম্বন্ধ এলঅ আর তারা দ্বিজনে ইক্কো চুক্তি গুরিলাক্।

১ রাজাবলী 5:12 ပူးပေါင်းရင်းမြစ်များ

পত্থম 21:32

বের্‌-শেবাত্‌ এ চুক্তিবো গরানার পরেদি অবীমেলক আর তার বেগদাঙর্‌ সেনাপতি ফীখোলে তারা দেজত্‌, অত্তাৎ পলেষ্টীয়গুনো দেজত্‌ ফিরি গেলাক্।

১ রাজাবলী 15:19

“মর্ আর তঅ বাপ্পো ধোক্ক্যেন্ আয়, আমিয়ো আমা ভিদিরে এক্কান্‌ চুক্তি গুরিই। মুই তরে এ সোনা আর রূবোনি বক্‌শিজ্ দিলুং। ইস্রায়েলর্‌ রাজা বাশার সমারে তুই ইক্কিনে চুক্তিবো ভাঙ্, সেক্কে তে মর্‌ কায়-কুরেত্তুন্‌ যেবগোই।”

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

১ রাজাবলী 4:29

গোজেন শলোমনরে সাগর পার ধূল্যেকণা ধোক্ক্যেন বোউত্‌ জ্ঞান, বিচের্‌বুদ্ধি আর বুঝিবার খেমতা দান গুরিলো।

১ রাজাবলী 5:13

রাজা শলোমনে পুরো ইস্রায়েলত্তুন্‌ ত্রিশ আজার মান্‌জ্যরে কাম গত্তে বাধ্য গুরিলো।

২ বংশধর 1:12

সেনত্তে তরে জ্ঞান আর বুদ্ধি দিয়্যে অলঅ‌। ইয়েনি বাদেয়ো মুই তরে এমন্‌ ধন, সম্পদ আর সর্মান দিম্‌ যিয়েনি তঅ‌ আগেন্দি কনঅ‌ রাজার ন-এলঅ আর তঅ পরেন্দিয়ো ন-থেবঅ।”

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

গম্ উপদেজ্ 1:1

দায়ূদোর পুয়ো ইস্রায়েলর রাজা শলোমনর্ গম্ উপদেজ্।

উপদেশক 12:9

উপদেশকে নিজে জ্ঞানী এলঅ আর তে মানুচ্চুনোরেয়ো জ্ঞান পৌইদ্যেনে শিক্ষ্যে দিদো। তে ভাবি ভাবাই আর পোরোক্ষ্যে গুরিনে বোউত্ দাঘ কধানি সাজেয়্যে।

পরমগীত 1:1

ইবে বেগত্তুন্ দোল্ গান। এ গান্নো শলোমনর্।

আমোষ 1:9

লগেপ্রভু কত্তে, “সোরর তিনেন্ পাপ, এন্ কি, চেরান্ পাপর্ কারনে মুই হামাক্কায় তারে সাজা দিম, কিত্যে ভেইয়ো লগে ভেইয়োর্ চুক্তি এলাফেলা গুরিনে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।