১ রাজাবলী 5:1 - Chakma Bible

¹ সোরের রাজা হীরমে যেক্কে শুনিলো, শলোমনরে তা বাবঅ জাগানত্‌ রাজপদথ্‌ অভিষেগ গরা ওইয়্যে সেক্কে তা মানুচ্চুনোরে তে শলোমনর্ ইদু পাদেল, কিত্তেই দায়ূদ লগে তার সমাজ্যের মিল্ এলঅ।

১ রাজাবলী 5:1 ပူးပေါင်းရင်းမြစ်များ

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

২ শমূয়েল 5:11

সোরের রাজা হীরমে দায়ূদো ইদু কয়েক্কো মানুচ্‌ পাদেল আর তারা লগে এরস তক্তা, তক্তা মিস্ত্রি আর রাজমিস্ত্রি পাধেই দিলো। তারা দায়ূদোত্তে এক্কান রাজঘর বানেই দিলাক্।

২ শমূয়েল 8:10

দায়ূদে হদদেষরর লগে যুদ্ধোত্‌ জিত্যে বিলিনে তারে ভালেদি জানেবাত্তে তয়ি তার পূঅ যোরামরে রাজা দায়ূদো ইদু পাধেই দিলো। এ হদদেষরর লগে তয়ির বোউত্‌ যুদ্ধো ওইয়্যে। যোরাম দায়ূদোত্তে লগে গুরিনে সোনা, রূবো আর পিদোলর জিনিস অানিলো।

১ রাজাবলী 10:25

যিগুনে এদাক্‌ তারা বেক্কুনে কিজু না কিজু বক্‌শিজ্ আনিদাক্‌। সিগুনো ভিদিরে এলদে সোনা-রূবোর পিলে, কাবড়-চুগোড়, আত্যের্, তুম্বাজ্‌ মজলা, ঘোড়া আর খচ্চর। বজরকে বজর্‌ এবাবোত্যেগুরি আনিদাক্।

১ রাজাবলী 5:10

এবাবোত্যেগুরি হীরমে শলোমনর্ চেইয়্যেদে ধোক্কেন্‌ বেক্‌ এরস ও বেরস গাজ্ দিলো,

১ রাজাবলী 5:13

রাজা শলোমনে পুরো ইস্রায়েলত্তুন্‌ ত্রিশ আজার মান্‌জ্যরে কাম গত্তে বাধ্য গুরিলো।

১ বংশধর 14:1

পরেন্দি সোরর রাজা হীরম দায়ূদো ইদু কয়েক্কো মানুচ্‌ পাধেই দিলো। তারা সমারে পাদেল দায়ূদোত্তে রাজঘর বানেবার্‌ আজাই এরস তক্তা, রাজমিস্ত্রি আর গাজ মিস্ত্রি।

২ বংশধর 17:11

কয়েক্কো পলেষ্টীয় কর্‌ ইজেবে যিহোশাফট ইদু বক্‌শিজ্‌ আর রূবো লোই এলাক্‌ আর আরবীয়গুনে লোই এলাক্‌ সাত আজার সাতশঅ ভেড়া আর সাত আজার সাতশঅ ছাগল।

২ বংশধর 2:3

শলোমনে সোরর রাজা হীরমরে এ হবরান্‌ পাদেল, মঅ বাপ্পো দায়ূদে থেবাত্তে এক্কান্‌ রাজঘর বানেবাত্তে তুই যেধোক্ক্যেন্‌ তারে এরস গাজ্‌সোই পাদেয়োচ্‌ সেধোক্ক্যেন্‌ মত্তেয়ো এরস গাজ্‌ পাধেই দে।

২ বংশধর 9:26

তে ইউফ্রেটিস গাঙত্তুন্‌ পলেষ্টীয়গুনোর্‌ দেজ্‌ছান আর মিসরর দুযি সং বেক্‌ রাজাগুনো উগুরে রাজাগিরি গুরিদো।

ইষ্রা 4:20

খেমতাবলা রাজাগুনে ‍যিরূশালেমত্তুন্ ধুরি ইউফ্রেটিস গাঙর্ পোজিম্ পারর্ বেক জাগায়ানিত্ রাজাগিরি গুরি এচ্চ্যন্ আর সিদুগোর্ মানুচ্চুনে তারার্ খাজনা, কর্‌ আর শুল্ক দুয়োন্।

গীতসংহিতা 45:12

সোর শঅরর মানুচ্চুনে বক্‌‌শিষ্‌‌সোই এবাক্; তাগোয়্যে মানুচ্চুনে তর্ দোয়্যে চেবাক্।

গীতসংহিতা 72:8

তা রেজ্যগানর দুযিগান্ সাগরত্তুন সাগর সং, ইউফ্রটিস্ গাঙত্তুন্ পিত্‌থিমীর শেজ্ দুযি সং ওক্।

গীতসংহিতা 80:12

কিত্তে তার রোক্ষ্যে-দেবালান্ তুই ভাঙি দিলে, যিয়েনত্যে যিগুনে তা কায়-কুরেন্দি যান তারা সেই গুলোগুন ছিনোন্?

যাত্রা 34:24

দেজ ভিদিরে বেক্‌ জাদ্‌তুনোরে মুই তমা মুজুঙোত্তুন্‌ ধাবেই দিম্‌ আর তমার দেজর্‌ দুযিবো বাড়েই দিম্‌। বজরে তিনবার্‌ গুরি যেক্কে তুমি তমার্‌ গোজেন লগেপ্রভুর্‌ মুজুঙোত্‌ আঝিল্ অবাত্তে যেবা সেক্কে কনজনে তমা জাগা-জোমিগানি উগুরে লুভ্‌ ন-গুরিবাক্‌।

যিশাইয় 23:1

সোর পৌইদ্যেনে লগেপ্রভুর কধাগান ইয়েন: ও দাঙর্ দাঙর্ তর্শীশ-জাহাজ্‌ছানি, আবিলেচ্ গর, কিত্তে সোর ভস্ত ওই যেইয়্যে; সিয়েনত্ ঘরঅ নেই, বন্দর্‌অ নেই। সাইপ্রাস দ্বিবোত্তুন্ তুমি এ হবরান্ পেইয়ো।

যিহিষ্কেল 19:11

তার ডেলাগুন এলাক্ দরমর, শাজন্‌গুরিয়্যেবোর রাজলুদিক্ অবার্ যগাজ্যে। সেই গাজ্‌‌সো অজল্ ওইনে যেন মেঘত্ লুমিলো; সেনত্তে তা পাদালোই-ভরা ডেলাগুন সহজে চোগোত্ পড়িলো।

আমোষ 1:9

লগেপ্রভু কত্তে, “সোরর তিনেন্ পাপ, এন্ কি, চেরান্ পাপর্ কারনে মুই হামাক্কায় তারে সাজা দিম, কিত্যে ভেইয়ো লগে ভেইয়োর্ চুক্তি এলাফেলা গুরিনে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

গণাণা 24:7

বুয়োদে গুয়োড় কুমোত্তুন্‌ পানি উগুরি পরিবো, তারার্‌ বিঝিগুনে বোউত্‌ পানি পেবাক্। তারার্‌ রাজাবো অবঅ অগাগরত্তুন্‌ বেশ্‌ দাঙর্‌, তারার্‌ রেজ্যগান্‌ মহিমায় বোউত্‌ অজলত্ থেবঅ।

লূকে লেখ্যে গম্ হবর্ 7:5

কিয়া তে আমা মানুচ্চুনোরে কোচ্‌পায় আর আমা সমাজ-ঘরানি তেয়ই বানেই দিয়্যে।”

দ্বি’লম্বর বিররণ 20:11

যুনি সেক্কে তারা রাজী ওইনে তারার্‌ গেট্টো খুলি দুয়োন সালে সিদুগোর্ বেক্‌ মানুচ্চুনে তমার অধীনোত্‌ অবাক্‌ আর তমাত্তে কাম্‌ গুরিবার বাধ্য থেবাক।

১ শমূয়েল 10:27

মাত্তর্‌ কয়েক্কো বাজে মান্‌জে কলাক্, “এই মানুচ্চো কেধোক্ক্যেনগুরি আমারে রোক্ষ্যে গুরিবো?” তারা তারে ঈচ্ গুরিলাক আর কনঅ বক্‌শিজ্ ন-দিলাক্। মাত্তর্‌ শৌলে মুয়োন বন্ধ গুরি রলঅ।