১ রাজাবলী 4:6 - Chakma Bible

⁶ অহীশার উগুরে এলদে রাজঘর দেগাশুনোর ভারান; অব্দের পূঅ অদোনীরাম উগুরে এলদে সে মানুচ্চুনোর ভারান্‌ যিগুনোরে কাম্‌ গুরিবাত্তে বাধ্য গরা ওইয়্যে।

১ রাজাবলী 4:6 ပူးပေါင်းရင်းမြစ်များ

২ শমূয়েল 20:24

যিগুনোরে কাম্‌ গুরিবাত্তে বাধ্য গরা অদঅ তারার্‌ দেগাশুনোর ভারান্ এলদে অদোরাম উগুরে; অহীলূদোর পূঅ যিহোশাফটে এলদে বিজগ্‌ লিগিয়্যে;

১ রাজাবলী 12:18

যিগুনোরে কাম্‌ গুরিবাত্তে বাধ্য গরা অদঅ তারার্‌ ভারান্‌ যিগুনো উগুরে এলঅ সে অদোরামরে রাজা রহবিয়ামে ইস্রায়েলীয়গুনোর ইদু পাধেই দিলো, মাত্তর্‌ তারা তারে পাত্তর্‌ মারিনে মারে ফেলেলাক্। সেক্কে রাজা রহবিয়ামে যাদিমাদি তার রথতানত্‌ উদিনে যিরূশালেমত্‌ ধেই গেলঅ।

১ রাজাবলী 4:5

নাথনর পূঅ অসরিয়োর উগুরে এলদে নানান্ বাবোত্যে শাজেন্‌গুরিয়্যেগুনোর ভারান্; নাথনর পূঅ সাবূদ অলদে রাজার আপন্ সল্লাদিয়্যে;

১ রাজাবলী 4:7

বেক্‌ ইস্রায়েল উগুরে শলোমনে বারজন শাজন্‌‌গুরিয়্যে নেযেল। তারা রাজা আর রাজাগিরিত্তে হানা-দানার যুক্কোল্ দিদাদ্। তারাত্তুন বজরে এক মাস গুরিনে হানার্‌ যুক্কোল দিয়্যে পুরিদো।

১ রাজাবলী 9:15

রাজা শলোমনে লগেপ্রভুর ঘরান্‌, নিজোর্‌ রাজঘরান, মিল্লো, যিরূশালেমর্‌ দেবালান্‌, হাৎসোর, মগিদ্দো আর গেষরান বানেবাত্তে ভালোক্কুন মান্‌জ্যরে কাম্‌ গুরিবাত্তে জোড়্ গোজ্যে।

২ বংশধর 10:18

যিগুনোরে কাম্‌ গুরিবাত্তে বাধ্য গরা অদঅ তারার্‌ ভারান্‌ যিগুনো উগুরে এলঅ সে অদোরামরে রাজা রহবিয়ামে ইস্রায়েলীয়গুনো ইদু পাধেই দিলো, মাত্তর্‌ তারা তারে ইদে মেলা দিইনে মারে ফেলেলাক্‌। সেক্কে রাজা রহবিয়ামে যাদিমাদি তা রথ্‌তানত্‌ উদিনে যিরূশালেমত্‌ ধেই গেলঅ।

২ বংশধর 8:8

যিগুনোরে ইস্রায়েলীয়গুনে ভস্ত ন-গরন্‌ শলোমনে তারারে চাগর্‌ ইজেবে কাম্‌ গুরিবাত্তে বাধ্য গোজ্যে। তারা এজঅ সং সে কামানি গত্তন্‌।