১ রাজাবলী 4:34 - Chakma Bible

³⁴ পিত্‌তিমীর্ যিদুক্কুন্‌ রাজায় শলোমন জ্ঞান বিষয়ে শুন্যন্‌ তারা তার জ্ঞানবলা কধা শুনিবাত্তে মানুচ্চুনোরে পাধেই দিদাক্। এধোক্ক্যেনগুরি পত্তি জাদর্‌ মানুচ্চুনে তাইদু এদাক্।

১ রাজাবলী 4:34 ပူးပေါင်းရင်းမြစ်များ

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

১ রাজাবলী 4:33

তে লেবাননর এরস গাজত্তুন্‌ আরাম্ভ গুরিনে দেবাল কিয়্যেত্তুন্‌ উঠ্যে হিস্যোপ গাজ সং বেক্‌ গাজছুনোর্‌ কধা কোইয়্যে। তে য়েমান, পেখ্‌, বুগকোই-আদি বেড়েইয়্যে প্রাণী আর মাছ কধা কোইয়্যে।

২ বংশধর 9:1

শিবা দেজর্‌ রাণী শলোমনর্ সুনাঙ্‌ শুনিনে তারে আগাত্যে প্রশ্ন পুযোর্‌ গুরিনে পোরোক্ষ্যে গুরিবাত্তে যিরূশালেমত্‌ এলঅ। তে ভালোক্কুন্‌ মানুচ্‌ আর উট লোইনে শলোমন ইদু লুমিলো। উদো পিদোত্‌ এলদে তুম্বাজ্‌ মজলা, ভালোক্কানি সোনা আর মণি-মুক্তো। তে শলোমন ইদু এইনে তা মনত্‌ যিয়েনি যিয়েনি এলঅ সিয়েনি বেক্কানি তারে কলঅ।

২ বংশধর 9:23

গোজেনে শলোমন মনানত্‌ যে জ্ঞানান্‌ দিয়্যে সে জ্ঞানবলা কধানি শুনিবাত্তে পিত্‌থিমীর্‌ বেক্‌ দেজর্‌ রাজাগুনে তা লগে দেগা গুরিবাত্তে চেট্ট্যা গুরিদাক্‌।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”