১ রাজাবলী 4:31 - Chakma Bible

³¹ বেক্‌ মানুচ্চুনোত্তুন্‌, এন্‌ কি, ইষ্রাহীয় এথন আর মাহোলর পূঅ হেমন, কল্‌কোল আর দর্দারত্তুন্‌অ তে বেশ্‌ জ্ঞানবলা এলঅ। তার নাঙান কায়-কুরে বেক্‌ জাদ্‌তুনো ইদু ছিদি পুরিলো।

১ রাজাবলী 4:31 ပူးပေါင်းရင်းမြစ်များ

১ বংশধর 15:19

পিদোল করতাল বাজেবার্‌ ভারান্‌ পড়িলোদে গানগেইয়্যে হেমন, আসফ আর এথনর্ উগুরে।

১ বংশধর 2:6

সেরহ পুয়োগুনে অলাক্‌ শিম্রি, এথন, হেমন, কল্‌কোল আর দারা। ইগুনে বেক্কুনে পাচজন এলাক্।

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

লূকে লেখ্যে গম্ হবর্ 11:31

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে; আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

মথি লেখ্যে গম্ হবর্ 12:42

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে। আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

১ বংশধর 6:33

এ সেবা-কামত্‌ যিদুক্কুন্‌ মান্‌জ্যে আর তারা বংশধরুন নেযা ওইয়্যে তারা অলাক্‌: কহাতীয়গুনো ভিদিরে এলদে গানগেইয়্যে হেমনে। হেমন অলদে যোয়েলর পুয়ো, যোয়েল শমূয়েল পুয়ো,

কলসীয় 2:3

খ্রীষ্ট ভিদিরে বেক্‌ জ্ঞানানি আর বুদ্ধিগানি লুগেইয়্যে আঘে।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

গীতসংহিতা 88:1

ও লগেপ্রভু, মর্ উদ্ধোর গুরিয়্যে গোজেন, মুই দিনে-রেদে তইদু কানঙর্।

২ বংশধর 9:23

গোজেনে শলোমন মনানত্‌ যে জ্ঞানান্‌ দিয়্যে সে জ্ঞানবলা কধানি শুনিবাত্তে পিত্‌থিমীর্‌ বেক্‌ দেজর্‌ রাজাগুনে তা লগে দেগা গুরিবাত্তে চেট্ট্যা গুরিদাক্‌।

১ বংশধর 15:17

সেনত্তে লেবীয়গুনে যোয়েল পুয়ো হেমনরে আর তা বংশর মানুচ্চুনো ভিদিরেত্তুন্‌ বেরিখিয় পুয়ো আসফরে আর তারা গুট্টির-ভেই মরারীয়গুনো ভিদিরেত্তুন্‌ কূশায়া পুয়ো এথনরে ঠিগ্ গুরিলো।

১ রাজাবলী 10:6

তে রাজারে কলঅ, “মঅ নিজোর দেজত্‌ থাগদে তর্‌ কামানি আর জ্ঞানর পৌইদ্যেনে যে হবর্‌ শুন্ন্যং সিয়েনি সত্য।

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

১ রাজাবলী 5:7

শলোমনত্তুন্‌ এ হবরান্‌ পেইনে হীরমে অমকদ হুজি ওইনে কলঅ, “এচ্যে লগেপ্রভুর বাঈনী ওক্‌, কিত্তেই এ দাঙর্‌ জাদ্‌তো উগুরে রাজাগিরি গুরিবাত্তে দায়ূদোরে তে এন্‌ ইক্কো জ্ঞানী পূঅ দান গোজ্যে।”

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।