১ রাজাবলী 4:30 - Chakma Bible

³⁰ পূগদেজর আর মিসরর বেক্‌ জ্ঞানী মানুচ্চুনোত্তুন্‌ শলোমনর্ জ্ঞান বেশ্এলঅ।

১ রাজাবলী 4:30 ပူးပေါင်းရင်းမြစ်များ

পত্থম 25:6

তার আর এক্কো মোগোর্ ঝি-পুয়োগুনোরেয়ো তে বাঁজি থাগদে ভালোক্কানি দান গোজ্যে। এ ঝি-পুয়োগুনোরে তে ইস্‌হাক লগে ন-রাগেইনে দূরোত্‌ পূগেদি এক্কান্‌ দেজত্‌ পাদেই দিলো।

পত্থম 29:1

পরেদি যাকোবে যাদে যাদে পূগেদি দেজ মানুচ্চুনোর জাগাত্‌ যেইনে লুমিলোগোই।

১ রাজাবলী 10:23

রাজা শলোমনে পিত্তিমীর্‌ অন্য বেক্‌ রাজাগুনোত্তুন্‌ ধনী আর জ্ঞানী ওই উদিলো।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

উপদেশক 1:16

মুই মনে মনে কলুং, “মঅ আগেদি যিগুনে যিরূশালেমত্ রাজাগিরি গুরি যেইয়োন্ সিগুনোর্ বেক্কুনোত্তুন্ মুই জ্ঞানেদি বোউত বেশ্; মর্ বোউত্ জ্ঞান আর বুদ্ধি ওইয়্যে।”

যিহিষ্কেল 25:4

সেনত্তে মুই পুগেদি দেজর্ মানুচ্চুনো আঢত্ তমারে তুলি দিম। তারা তমা দেজত্ তারারে তাম্বুল টাঙেইনে তমা ভিদিরে বজত্তি গুরিবাক্; তারা তমাত্তুন্ ফল আর দুধ হেবাক্।

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

মথি লেখ্যে গম্ হবর্ 2:1

যিহূদিয়া রেজ্যর্ বৈৎলেহম আদামত্ যীশুর জর্ম ওইয়্যে। সেক্কে রাজা এলদে হেরোদ। পূগেদি দেজত্তুন্ কয়েক্কো পন্ডিত যিরূশালেমত্ এইনে কলাক্,

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

প্রেরিত্‌ 7:22

মোশি মিসরীয়গুনোর বেক্‌ শিক্ষ্যেলোই শিক্ষিত অলঅ, আর তে কধালোই আর কামে খেমতাবলা এলঅ।

বিচের গুরিয়্যেগুন 6:33

পরেন্দি মিদিয়নীয়, অমালেকীয় আর পূগ দেজর সৈন্যগুন বেক্কুনে এগত্তর্‌ ওইনে যর্দন গাঙান্‌ পার্ ওইনে যিষ্রিয়েল-কিঝিঙোত যেইনে তাম্বুলান ফেলেলাক্‌।