১ রাজাবলী 3:9 - Chakma Bible

⁹ সেনত্তে তঅ মানুচ্চুনোরে শাজন্ গুরিবাত্তে আর কুবোন্‌ ঠিগ্ বা কুবোন্‌ ভুল সিয়েনি জানিবাত্তে তুই তঅ চাগর্‌বোর্‌ মনানত্‌ বুঝিবার খেমতা দে; কিত্যে কার সাধ্য আঘে তর্‌ এ দাঙর্‌ জাদ্‌তোরে শাজন্ গরে?”

১ রাজাবলী 3:9 ပူးပေါင်းရင်းမြစ်များ

২ শমূয়েল 14:17

“ইক্কিনে তঅ চাগরানিবো মুই কঙর্‌, মঅ মহারাজর কধাগানে যেনে মরে শান্তি দে, কিত্যে গম্‌-বজং বিচের গুরিবাত্তে মঅ গিরোজ্‌ মহারাজে গোজেনর এক্কো দূতো ধোক্ক্যেন্‌। তঅ গোজেন লগেপ্রভু তঅ সমারে থোক্‌।”

১ রাজাবলী 10:24

গোজেনে শলোমনর্‌ মনানত্‌ যে জ্ঞানান্‌ দিয়্যে সে জ্ঞানবলা কধা বাত্তানি শুনিবাত্তে পিত্তিমীর বেক্‌ দেজর্‌ মানুচ্চুনে তা লগে দেগা গুরিবাত্তে চেট্ট্যা গুরিদাক্‌।

১ রাজাবলী 3:10

শলোমন ইয়েনই চেইয়্যে দেগিনে লগেপ্রভু হুজি অলঅ।

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

১ বংশধর 22:12

লগেপ্রভু তঅ উগুরে যেক্কেনে ইস্রায়েলর শাজন্ গুরিবার্ ভারান্‌ দিবো সেক্কে যেনে তে তরে বুদ্ধি-বিবেচনা আর বুঝিবার বলান্‌ দে যেনে তুই তর্‌ গোজেন লগেপ্রভুর রীদি-সুদোম মানিনে চলি পারচ্‌।

১ বংশধর 29:19

মর্ পুয়ো শলোমনরে এধোক্ক্যেন উজুউস্যে মান্‌জ্য মন দান গুরিচ্‌ যেনে তে তঅ উগুমানি, তঅ কধানি আর তঅ সুদোমানি পালেই পারে আর মুই যে পাক্কা ঘরান্‌ বানেবার্‌ যুক্কোল গোজ্যং সিয়েন্‌ বানেই পারে।”

২ বংশধর 1:10

মরে জ্ঞান আর বুদ্ধি দে যেনে মুই মর্‌ কামানি পালেই পারং, কিত্তে কার সাধ্য আঘে তর্‌ এ দাঙর্‌ জাদ্‌তোরে শাজন্ গুরি পারন্‌?”

গীতসংহিতা 119:144

তর্ বেক কধানি উমরত্তে সত্য; মরে সিয়েনি বুঝোনার খেমতাগান দে যেনে মুই বাঁজি থেই পারং।

গীতসংহিতা 119:34

মরে বুঝোনা খেমতাগান দে, যেনে মুই তর্ উগুম মজিম চলি পারং আর মন দিইনে সিয়েনি পালেই পারং।

গীতসংহিতা 119:73

তঅ আঢ্‌তানে মরে বানেয়্যে; মরে বুঝোনা খেমতাগান দে যেনে তর্ বেক উগুমানি মুই জানি পারং।

গম্ উপদেজ্ 14:8

বিচেরবুদ্ধি মজিম্ চলানা অলঅ উজিয়ার মান্‌জ্যর জ্ঞান, মাত্তর্ ছলনাগান অলঅ ভুল্ মান্‌জ্যর বুদ্ধি।

গম্ উপদেজ্ 16:16

সনাত্তুন্ বেশ্ জ্ঞান পানা কত্তমান্ গম্! আর রূবোত্তুন বেশ্ বিচের বুদ্ধি পানা কত্তমান্ গম!

গম্ উপদেজ্ 20:12

শুনিবাত্তে কানানি আর চেবাত্তে চোগ্- লগেপ্রভু এ দ্বিয়েন বানেই দিয়্যে।

উপদেশক 7:11

জ্ঞানান্ সোম্বোত্তি পাইদ্যে ধোক্ক্যেন্ গম্ জিনিস; সিয়েন্ জেদা মানুচ্চুনোরে ভালেদি গরে।

উপদেশক 7:19

দশজন শাজন্‌গুরিয়্যে শঅরানরে যেত্তমান্ দরমর গুরিবাক্ জ্ঞানানে এক্কো জ্ঞানী মান্‌জ্যরে তাত্তুনো বেশ্ দরমর গরে।

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

যিরমিয় 45:5

সালে তুই কেধোক্ক্যেন গুরি নিজোত্তে গুণোর্ গুণোর্ পৌইদ্যেনে আজা গরর্? সিয়েনি ন-গুরিচ্। মনত্ রাগেচ্, বেক্ মানুচ্চুনো উগুরে মুই দযাগান্ আনিম, মাত্তর্ তুই যিদু যেদে সাৎ মুই তরে পরাণে বাঁজেই রাগেম। মুই লগেপ্রভু এ কধাগান কঙর্।’ ”

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

মথি লেখ্যে গম্ হবর্ 3:11

মনান্ ফিরেয়ো বিলি মুই তমারে পানিত্ বাপ্তিষ্ম দুয়োঙর্, মাত্তর্ মঅ পরেদি যিবে এজের্ তে মত্তুন্অ বেশ্ খেমতাবলা। মুই তার জদানি বুয়োবার্ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

মথি লেখ্যে গম্ হবর্ 3:14

মাত্তর্ যোহনে তারে এ কধাগান কোইনে মানা গুরিবাত্তে চেট্ট্যা গুরিলো, “মত্তুন্ বরং তইধু বাপ্তিষ্ম লনা দরকার; আর তুই উগুদোগুরি এজত্তে মইধু!”

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

ইফিষীয় 5:17

সেনত্যে কং, তুমি বুদ্ধি-নেইয়্যে ন-ওইয়ো, বরং প্রভুর আওজ্‌‌‍চান কি সিয়েন বুঝি লঅ।

ফিলিপীয় 1:10

সালে যিয়েন ঘেচ্চ্যেক গুরিনে বেক্কানিত্তুন্ গম সিয়েন তুমি বুঝিনে বেঈ লোই পারিবা। ইয়েন্দোই তুমি যীশু খ্রীষ্টর্ মাধ্যমে গম্ জিংকানির্ ফলে ভর্‌পুনোং ওইনে খ্রীষ্টর্ এবার দিন্নো সং খাটি আর থুদো নেইয়্যে থেই পারিবা; আর ইয়েন্দোই গোজেনর্ বাঈনী আর নাঙ্ গিনেনা অবঅ।

ইব্রীয় 5:14

যিগুনোর্ বয়চ্ ওইয়্যে বানা সিগুনে দরঅ হানা হেই পারন্, অত্তাৎ গোজেন কধানির্ আঘাত্যে শিক্ষ্যেনি বুঝি পারন্। বোউত্ অভ্যেজর্ কারনে তারা গম্-ভান্ন্যেই বিচের গুরিবাত্যে শিক্ক্যন্।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।