১ রাজাবলী 3:6 - Chakma Bible

⁶ জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

১ রাজাবলী 3:6 ပူးပေါင်းရင်းမြစ်များ

পত্থম 24:40

তে মরে কলঅ, লগেপ্রভু, যিবেরে মুই মানং, তেয়ই তার গম্‌ দূত্তোরে তঅ সমারে পাধেই দিবো যেনে তঅ যাত্রাবো দোল্‌ অয়্‌। সেক্কে তুই মঅ বাবঅ ঘরত্‌ যেইনে মর্‌ নিজো মানুচ্চুনো ভিদিরেত্তুন্‌ এক্কো মিলেরে মর্‌ পুয়োবোত্তে বেঈ নেযেই-পারজ্‌।

২ শমূয়েল 22:21

মঅ গম্‌ কাম অনুসারে লগেপ্রভু মরে দান গুরিলো, মঅ কামর্‌ সিজি অনুসারে বক্ শিজ্ দিলো;

২ শমূয়েল 22:25

সেনত্তেই লগেপ্রভু মরে বকশিজ্ দিয়্যে তা চোগোত্‌ মঅ গম্‌ কাম অনুসারে, মর্‌ সিজি অনুসারে।

২ শমূয়েল 7:5

তুই যেইনে মঅ চাগর্‌ দায়ূদোরে কঅ, লগেপ্রভু কোইয়্যেদে, তুই কি মর্‌ থেবাত্তে এক্কান্‌ ঘর্‌ বানেবে?

১ রাজাবলী 15:5

কিত্তেই লগেপ্রভুর চোগেন্দি যিয়েন্‌ ঠিগ দায়ূদে সিয়েন গুরিদো। বানা হিত্তীয় ঊরিয়োর্‌ বেপারান্‌ বাদে তার পূরো জিংকানিগানত্‌ তে লগেপ্রভুর কনঅ উগুম অমান্য ন-গরে।

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

১ রাজাবলী 3:14

তঅ বাপ্পো দায়ূদো ধোক্ক্যেন গুরি যুনি তুই মর্‌ বেক্‌ সুদোম আর উগুমানি পালন গরচ্‌ আর মর্‌ পধেন্দি আদচ্‌ সালে মুই তরে বোউত্‌ আয়ূ দিম্‌।”

১ রাজাবলী 9:4

আর তুই, তুই যুনি তঅ বাপ্পো দায়ূদো ধোক্ক্যেন্‌ দোল্ মনে, গমেডালে মঅ মুজুঙোত্‌ আদচ্‌ আর মর্‌ বেক্‌ উগুমানি, সুদোমানি আর নিদ্দেশ্‌ছানি পালাচ্‌,

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

২ বংশধর 1:8

জোবত্‌ শলোমনে গোজেনরে কলঅ, “তুই মঅ‌ বাপ্পো দায়ূদো উগুরে দোয়্যে-মেয়্যে দেগেয়োচ্‌ আর তা জাগানত্‌ মরে রাজা বানেয়োচ্‌।

গীতসংহিতা 116:7

ও মর্ পরাণান, আরঅ এক্কানা অলর্ অ, কিত্তে লগেপ্রভু তরে বোউত্ ভালেদি গোজ্যে।

গীতসংহিতা 119:17

তর্ এ চাগর্‌বোরে ভালেদি গর্ যেনে মুই বাঁজি থাং আর তঅ কধানি পালেই পারং।

গীতসংহিতা 13:6

লগেপ্রভু মরে ভালেদি গোজ্যে, সেনত্তেই মুই তা নাঙে গীত্ গেম্।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গণাণা 12:7

মাত্তর্‌ মর্‌ চাগর্‌ মোশি সমারে মুই সিয়েন্‌ ন-গরং। তে মঅ পরিবারর্‌ বেক্‌ কামানি বিশ্বেজ্ গুরিনে গরে।

২ করিন্হীয় 9:11

তুমি বেক্কানিন্দি থাগোয়্যে অবা যাতে তুমি খুলো আঢে দান গুরি পারঅ, আর সিয়েন্দোই আমা মাধ্যমে গোজেনরে ভালেদি জানা অবঅ।

২ করিন্হীয় 9:5

সেনত্যে মুই এ ভেইয়ুনোর্ আগে তমা ইধু যেবাত্যে কোজোলি গরানা দরকার মনে গুরিলুং, যেন তুমি যে দাঙর্ দান দিবাত্যে এগেম্ গোজ্জ্য সিয়েনর্ বেবস্থা তারা আগেদি গুরিনে থোই পারন্। ইয়েন্দোই তমাত্তুন্ জোর্ গুরিনে আমার্ কিজু আদায় গরা ন-পুরিবো, বরং তুমি যিয়েন দিবা সিয়েন দান ইজেবে আগেত্তুন্ ধুরি যুক্কোল্ থেবা।