১ রাজাবলী 3:14 - Chakma Bible

¹⁴ তঅ বাপ্পো দায়ূদো ধোক্ক্যেন গুরি যুনি তুই মর্‌ বেক্‌ সুদোম আর উগুমানি পালন গরচ্‌ আর মর্‌ পধেন্দি আদচ্‌ সালে মুই তরে বোউত্‌ আয়ূ দিম্‌।”

১ রাজাবলী 3:14 ပူးပေါင်းရင်းမြစ်များ

১ রাজাবলী 11:34

তো মুই শলোমনর্ আঢত্তুন্‌ পুরো রেজ্যগান্‌ ন-নেযেম্‌। মঅ চাগর্‌ দায়ূদ, যিবেরে মুই বেঈ লোইয়োং আর যে মঅ উগুমানি আর সুদোমানি পালেদ তাত্তেই মুই শলোমনরে সারা জিংকানিভর্‌ রাজপদথ্‌ রাগেম্‌।

১ রাজাবলী 15:5

কিত্তেই লগেপ্রভুর চোগেন্দি যিয়েন্‌ ঠিগ দায়ূদে সিয়েন গুরিদো। বানা হিত্তীয় ঊরিয়োর্‌ বেপারান্‌ বাদে তার পূরো জিংকানিগানত্‌ তে লগেপ্রভুর কনঅ উগুম অমান্য ন-গরে।

১ রাজাবলী 3:3

শলোমন লগেপ্রভুরে কোচ্‌পেদঅ, সেনত্তে তা বাপ্পো দায়ূদোর উগুম মজিম আদাউদো গুরিদো; মাত্তর্‌ তে উবোসনার উজু জাগায়ানিত্‌ য়েমান উৎসর্ব গুরিদো আর পোইরেক্‌ জালেদ।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

১ বংশধর 28:7

যেবাবোত্যে ইক্কিনে গরা অর্‌ সেধোক্ক্যেন গুরি যুনি তে মঅ উগুমান আর নিদ্দেশ্‌ছানি পালানা পৌইদ্যেনে ঠিগ্‌ থায় সালে মুই তাহ্ রেজ্যগান্‌ উমরত্যে থিদেবর্ গুরিম্‌।

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 29:2

হিষ্কিয় তার্‌ পূরোণি মানুচ্‌ দায়ূদো ধোক্ক্যেন লগেপ্রভুর চোগেন্দি যিয়েনি গম্‌ সিয়েনি গুরিদো।

২ বংশধর 34:2

লগেপ্রভুর চোগেন্দি যিয়েনি গম্‌ তে সিয়েনি গুরিদো আর তার্‌ পূরোণি মানুচ্‌ দায়ূদোর পধেন্দি আদিদো; সে পথ্‌তানত্তুন্‌ ডেনে বা বাঙেন্দি ন-যেদঅ।

গীতসংহিতা 132:12

তর্ পুয়োগুনে যুনি মঅ থিদেবর্ গোজ্যে সুদোমানি পালান্ আর মঅ কধানি মানন্ যিয়েনি মুই তারারে শিগেম, সালে তারার পুয়োগুনোরে জনমভুরি তঅ সিংহাসনত্ বুজিবাত্তে দিয়্যে অবঅ।”

গীতসংহিতা 21:4

তে তইদু জিংকানি চেইয়্যে, আর তুই তারে সিয়েন দুয়োচ্; তুই তারে বোউত্ আয়ু দুয়োচ্।

গীতসংহিতা 21:5

তর্ দিয়্যে জিদেনাগান তার্ সর্মানান বাজ্যে; তুই তারে দুয়োচ্ বাঈনী আর মহিমাগান্।

গীতসংহিতা 91:16

বোউত্ আয়ুলোই মুই তারে হুজি গুরিম; মর্ উদ্ধোরর্ কামানি মুই তারে দেগেম।”

গম্ উপদেজ্ 3:16

তার্ ডেন্ আঢেদি আঘে বোউত্ আয়ু, বাঙ্ আঢেদি আঘে ধন আর সর্মান।

গম্ উপদেজ্ 3:2

কিত্তে সেক্কে তুই বোউত্ আয়ু পেবে আর তর্ বোউত্ ভালেদি অবঅ।

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

প্রেরিত্‌ 13:22

সে পরেদি গোজেনে শৌলরে সোরেই দিইনে দায়ূদরে রাজা বানেল। তে দায়ূদো পৌইদ্যেনে কোইয়্যেদে, মুই যিশয় পুয়ো দায়ূদো ভিদিরে মর্ মন মজিম্ মানুচ্চোরে তোগেই পেয়োং। মুই যিয়েন চাং তে সিয়েনই গুরিবো।

দ্বি’লম্বর বিররণ 25:15

তমা গোজেন লগেপ্রভু তমারে যে দেজ্‌ছান দিবাত্তে যার্‌ সিয়েনত্‌ যেনে তুমি ভালোক্‌ দিন বাঁজি থেই পার সেনত্যে তমাত্তুন্‌ ঠিগ্ আর উজিত মাবর সীল্‌ আর পিলে রাগা পুরিবো।

দ্বি’লম্বর বিররণ 5:16

তমা গোজেন লগেপ্রভুর্ উগুমানি মানিনে তুমি তমার্‌ মা-বাবরে সর্মান গুরি চলিবা। সেক্কে তমা গোজেন লগেপ্রভুর দিয়্যে দেজত্‌ তুমি ভালোক্‌ দিন বাঁজি থেবা আর তমার্‌ ভালেদি অবঅ।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।