১ রাজাবলী 3:13 - Chakma Bible

¹³ ইয়েনিবাদে যিয়েনি তুই ন-চাজ্‌ সিয়েনিয়ো মুই তরে দিলুং। মুই তরে এন্‌ ধন-দৌলত আর সর্মান দিলুং যার ফলে জীংকানিগানত্‌ রাজাগুনোর ভিদিরে আর কনজন তর্‌ সং ন-অবাক্।

১ রাজাবলী 3:13 ပူးပေါင်းရင်းမြစ်များ

১ রাজাবলী 10:14

পত্তি বজর্‌ শলোমন ইদু যে সোনাগানি এদঅ সিয়েনির ভরান্ অলদে পেরায় ছাব্বিশ টন।

১ বংশধর 29:25

লগেপ্রভু বেক্‌ ইস্রায়েল মানুচ্চুনো চোগোত্‌ শলোমনরে অমকদ দাঙর্‌ গুরিলো আর তারে এধোক্ক্যেন রাজকীয় বার্ গরানা দান গুরিলো যিয়েন্‌ ইয়েন আগেন্দি কনঅ রাজা ন-পায়।

২ বংশধর 9:22

রাজা শলোমনে পিত্‌থিমীর অন্য বেক্‌ রাজাগুনোত্তুন্‌ তাগোয়্যে আর জ্ঞানী ওই উদিলো।

নহিমিয় 13:26

সে পরেন্দি মুই তারারে কলুঙ্‌, “ইস্রায়েলর রাজা শলোমনে এ বাবোত্যে মোগ্‌ লোইনে পাপ গোজ্যে। অন্য কনঅ জাদ ভিদিরে তা ধোক্কেন্‌ রাজা কনজন ন-এলাক্‌ আর গোজেনে তারে কোচ্‌পেদঅ আহ্‌ তারে পুরো ইস্রায়েলীয়গুনো উগুরে রাজা বানেয়্যে, মাত্তর্‌ তো তে বিদেশী মিলেগুনোর্‌ কারনে পাপ গোজ্যে।

গম্ উপদেজ্ 3:16

তার্ ডেন্ আঢেদি আঘে বোউত্ আয়ু, বাঙ্ আঢেদি আঘে ধন আর সর্মান।

গম্ উপদেজ্ 4:9

তে তঅ মাঢা উগুরে দোল্ মালাছড়া দিবো আর দোল্ মুকুট বক্‌শিজ্ দিবো।”

উপদেশক 6:2

গোজেনে কনঅ মান্‌জ্যরে এদক্ ধন, সোম্বোত্তি আর সর্মান দান গরেদে যে, তার্ চাইদ্যে ধোক্ক্যেন্ আর্ কিচ্চু ন-থায়, মাত্তর্ গোজেনে তারে সিয়েনি ভোগ্ গুরিবার খেমতা ন-দে, অন্য একজনে সিয়েনি ভোগ্ গুরিবো। ইয়েন বাহ্‌জে, ইয়েন অমকদ দুঘো কধা।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।