১ রাজাবলী 3:12 - Chakma Bible

¹² সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

১ রাজাবলী 3:12 ပူးပေါင်းရင်းမြစ်များ

১ রাজাবলী 2:6

তুই তা লগে বুদ্ধি খাদেইনে চলিবে, মাত্তর্‌ বুড়ো বয়জত্‌ তুই তারে সুগে-শান্দিয়্যে মরণর জাগাত্‌ যেবাত্তে ন-দিবে।

১ রাজাবলী 2:9

মাত্তর্‌ ইক্কিনে তুই তারে গম্‌ বিলিনে মনে ন-গুরিবে। তুই বুদ্ধিবলা; তা উগুরে তুই কি গুরিবে সিয়েন তুই নিজেই বুঝি পারিবে। তার বুড়ো বয়জত্‌ লো-ঝরানার মাধ্যমে তারে মরণজাগাত্‌ পাধেই দিবে।”

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

১ রাজাবলী 5:12

লগেপ্রভু তার এগেম্ মজিম শলোমনরে জ্ঞান দিলো। হীরম আর শলোমনর্ দ্বিসেরে শান্তির সম্বন্ধ এলঅ আর তারা দ্বিজনে ইক্কো চুক্তি গুরিলাক্।

১ রাজাবলী 5:9

মঅ মানুচ্চুনে সিয়েনি লেবাননত্তুন্‌ লামেইনে সাগরত্‌ আনিবাক্‌। সে পরেন্দি তারা তক্তানিলোই ভের্‌বো বানেইনে সাগরত্‌ ভাজেইনে তর্‌ ঠিগ্ গোজ্যে জাগানত্‌ নেযেবাক্। সিয়েনত্‌ তারা সিয়েনি খুলি ফেলেবাক্‌ আর সেক্কে তুই সিয়েনি নেযেই পারিবে। মুই চাং যেনে তুই মর্‌ রাজঘরর্‌ মানুচ্চুনোত্তে হানা যুগেই দুয়োচ্‌।”

১ বংশধর 29:25

লগেপ্রভু বেক্‌ ইস্রায়েল মানুচ্চুনো চোগোত্‌ শলোমনরে অমকদ দাঙর্‌ গুরিলো আর তারে এধোক্ক্যেন রাজকীয় বার্ গরানা দান গুরিলো যিয়েন্‌ ইয়েন আগেন্দি কনঅ রাজা ন-পায়।

২ বংশধর 2:12

হীরমে আরঅ লিগিলো, ইস্রায়েলর গোজেন লগেপ্রভু ধন্য, যিবে আগাজ্‌ আর পিত্‌থিমীগানরে বানেয়্যে। তে রাজা দায়ূদোরে এন্‌ এক্কো জ্ঞানী পুয়ো দিয়্যে যিবের্‌ বুদ্ধি আর বুঝিবার খেমতা আঘে আর যিবে লগেপ্রভুত্তে এক্কান্‌ ঘর্‌ আর নিজোত্তে এক্কান রাজঘর বানেব।

নহিমিয় 13:26

সে পরেন্দি মুই তারারে কলুঙ্‌, “ইস্রায়েলর রাজা শলোমনে এ বাবোত্যে মোগ্‌ লোইনে পাপ গোজ্যে। অন্য কনঅ জাদ ভিদিরে তা ধোক্কেন্‌ রাজা কনজন ন-এলাক্‌ আর গোজেনে তারে কোচ্‌পেদঅ আহ্‌ তারে পুরো ইস্রায়েলীয়গুনো উগুরে রাজা বানেয়্যে, মাত্তর্‌ তো তে বিদেশী মিলেগুনোর্‌ কারনে পাপ গোজ্যে।

গীতসংহিতা 10:17

ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

উপদেশক 1:13

আগাজ তলেদি যিয়েনি গরা অয় সিয়েনি জ্ঞানদি পোরোক্ক্যে গুরিবাত্তে আর তোগেবাত্তে মুই মনান্ থির্ গুরিলুং। চেলুং, কি অমকদ দুঘ্ গোজেনে মান্‌জ্য উগুরে জাবেই দিয়্যে!

উপদেশক 1:16

মুই মনে মনে কলুং, “মঅ আগেদি যিগুনে যিরূশালেমত্ রাজাগিরি গুরি যেইয়োন্ সিগুনোর্ বেক্কুনোত্তুন্ মুই জ্ঞানেদি বোউত বেশ্; মর্ বোউত্ জ্ঞান আর বুদ্ধি ওইয়্যে।”

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

মথি লেখ্যে গম্ হবর্ 12:42

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে। আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

দ্বি’লম্বর বিররণ 34:9

নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।

কলসীয় 2:3

খ্রীষ্ট ভিদিরে বেক্‌ জ্ঞানানি আর বুদ্ধিগানি লুগেইয়্যে আঘে।