১ রাজাবলী 3:1 - Chakma Bible

¹ শলোমন মিসরর রাজা ফরৌণর ঝিবোরে মোক্‌ লোইনে তা লগে দাংগুত্ব গরানাগান্ থিদেবর্ গুরিলো। শলোমনর্ রাজঘর, লগেপ্রভুর ঘর আর যিরূশালেমর চেরোকিত্তে দেবাল্লোই ঘিজ্যে থুম্‌ ন-অনা সং তে তা মোক্কোরে দায়ূদ-শঅরত্‌ রাগেল।

১ রাজাবলী 3:1 ပူးပေါင်းရင်းမြစ်များ

২ শমূয়েল 5:7

মাত্তর্‌ দায়ূদে সিয়োনর তাম্বুলানি কারি নেযেল; সেনত্তে সিয়েনরে দায়ূদ-শঅর কুয়ো অয়।

১ রাজাবলী 11:1

রাজা শলোমনে ফরৌণর ঝিবো বাদে আরঅ ভালোক্কুন্ বিদেশী মিলেরে কোচ্‌পেদঅ। তারা জাদে অলাক্কে মোয়াবীয়, অম্মোনীয়, ইদোমীয়, সীদোনীয় আর হিত্তীয়।

১ রাজাবলী 2:10

ইয়েনর্ পরেন্দি দায়ূদে তার পূরোণি মানেইয়ুনোর ইদু গেলগোই আর তারে দায়ূদ-শঅরত্‌ গোর্ দিয়্যে অলঅ।

১ রাজাবলী 6:1

মিসর দেজত্তুন্‌ ইস্রায়েলীয়গুনে নিঘিলি এজানার পরেন্দি চেরশঅ আশি বজর সং ইস্রায়েলীয়গুনো উগুরে শলোমনর্ রাজাগিরির চের্‌ বজরত্‌ সিব মাজত্‌, অত্তাৎ দ্বিমাজত্‌ শলোমনে লগেপ্রভুর ঘরান তুলোনা আরাম্ভ গুরিলো।

১ রাজাবলী 7:1

রাজঘরান বানাদে শলোমনর্ তের বজর্ লাগিলো।

১ রাজাবলী 7:8

যে ঘরানত্‌ তে বজত্তি গুরিবো সিয়েন বিচের-কুটিরোর পিজেন্দি এক বাবোত্যে গুরি বানা অলঅ। ফরৌণর যে মিলেবোরে তে লোইয়্যে তাত্তেই সেধোক্ক্যেন্‌ গুরি আর এক্কান ঘর বানেল।

১ রাজাবলী 9:1

এধোক্ক্যেনগুরি শলোমনে লগেপ্রভুর ঘর, রাজঘর আর নিজোর্‌ আওজ্ মজিম্‌ যেদক্কানি কাম্‌ গুরিবাত্তে চেইয়্যে সিয়েনি থুম্‌ গুরিলো।

১ রাজাবলী 9:10

লগেপ্রভুর ঘর আর রাজঘরান্‌ বানাদে শলোমনর্ কুড়ি বজর সময় লাক্ক্যে।

১ রাজাবলী 9:24

ফরৌণর ঝিবো দায়ূদ-শঅরান্‌ ছাড়িনে তাত্তেই শলোমনর্ বানেয়্যে রাজঘরত্‌ এজানার পরেন্দি শলোমনে মিল্লো ঘরান বানেল।

১ বংশধর 11:7

ইয়েনর্ পরেন্দি দায়ূদে সে তাম্বুালনত্‌ বজত্তি গরা ধুরিলো; সেনত্তে সিয়েনরে দায়ূদ-শঅর্‌ কুয়া অদঅ।

২ বংশধর 18:1

যিহোশাফটর বোউত্‌ ধন-সোম্বোত্তি আর সর্মান এলঅ। তে বৌ নেযানার মাধ্যমে আহাবর লগে দাংগুত্ব গুরিলো।

২ বংশধর 8:11

শলোমনে ফরৌণ ঝিবোত্তে যে ঘরান্‌ বানেয়্যে তে দায়ূদ-শঅরত্তুন্‌ তারে আনিলো। তে কলঅ, “মঅ মোক্কো ইস্রায়েলর রাজা দায়ূদোর রাজঘরত্‌ ন-থেবঅ, কিত্যে যেদক্কানি জাগাত্‌ লগেপ্রভুর সুন্দুক্কো আনা ওইয়্যে সিয়েনি পবিত্র।”

ইষ্রা 5:11

জোবত্ তারা আমারে কলাক্, “আমি স্বর্গ আর পিত্‌থিমীর্ গোজেনর্ দাস। আমি সেই উবোসনা-ঘরান আরঅ বানের্ যিয়েন ইস্রায়েলর এক্কো দাঙর্ রাজা ভালোক্ দিন আগেদি বানেইনে থুম্ গোজ্যে।

ইষ্রা 9:14

আমি কি আরঅ তর্ উগুমানি অমান্য গুরিনে সেই জঘন্য কাম গোজ্যে মানুচ্চুুনো সমারে বৌ বেপারে কধা কবং? সিয়েন গুরিলে দঅ তুই আমা উগুরে এমন রাগ গুরিবে যিয়েনত্যে তুমি আমারে ভস্ত গুরি ফেলেবে আর আমারে কাররে বাঁজি থেবাত্যে ন দিবে।

দ্বি’লম্বর বিররণ 23:8

তমা ভিদিরে বজত্তি গরানার পরেন্দি তিন আজুত্তুন ধুরিনে ইগুনে লগেপ্রভুর মানুচ্চুনোর সমাজত্ মিজেই পারিবাক্‌।