১ রাজাবলী 21:3 - Chakma Bible

³ জোবত্‌ নাবোতে কলঅ, “মঅ বাপ-দাদাত্তুন্‌ পেইয়্যে সোম্বোত্তিগানি যে মুই তরে দি দিম্‌ লগেপ্রভু যেনে সিয়েন্‌ অবাত্তে ন-দে।”

১ রাজাবলী 21:3 ပူးပေါင်းရင်းမြစ်များ

পত্থম 44:17

মাত্তর্‌ যোষেফে কলঅ, “এ কামান্‌ মুই কনদিনঅ গুরি ন-পারং। যিবে ইধু সেই কদরাবো পাহ্ যেইয়্যে বানা তেয়ই মর্‌ চাগর্‌ অবঅ। তুমি চিদে ন-গুরিনে তমা বাপ্পো ইধু ফিরি যঅ।”

পত্থম 44:7

মাত্তর্‌ তারা তারে কলাক্, “বাবু, তুই এ কধাগান্‌ কিত্তেই কোইয়োচ্? তঅ চাগরুনে এবাবোত্যে কাম্‌ কনদিনঅ ন-গুরিবাক্।

১ বংশধর 11:19

তে কলদে, “ও গোজেন, মুই যে এ পানিগান্‌ হেম্‌ সে কধাগান বাদ দে। এ মানুচ্চুনে, যিগুনে তারা পরাণর রিক্‌সোত্‌ নেযেয়োন্‌ তারার্‌ লো-গান্‌ কি মুই হেম্‌?” তারা তারার্‌ পরাণর রিক্‌সোত্‌ যেইনে সে পানিগান আন্যন্‌ বিলিনে দায়ূদে সিয়েন্‌ হেবাত্তে রাজী ন-অলঅ। সে তিন্নো নাঙ-গোজ্যে বীরো কামানি এলদে এধোক্ক্যেন।

ইয়োব 27:5

তমা কধানি যে ঠিগ্ সিয়েনে কনদিন্‌অ মুই মানি ন-নেযেম; মর্ মরণ দিন্নো সং মুই কোম্বে, মুই সত্য কধা কোইয়োং।

যিহিষ্কেল 46:18

মানুচ্চুনোরে ধাবেই দিইনে শাজন্‌গুরিয়্যেবো তারার্ কনঅ সোম্বোত্তি গজক্ গুরি ন-পারিবো। তে বানা তার্ নিজো সোম্বোত্তিত্তুন্ তা পুয়োগুনোরে দি পারিবো যেনে মঅ মানুচ্চুনো ভিদিরেত্তুন্ কনজনে তার সোম্বোত্তির্ গিরোজ্ অনাগান্ ন-আরান্।’”

লেবীয় 25:23

উমরত্তে কারঅ‌ ভূই বেজানা ন-চলিবো, কিত্যে বেক্‌ ভূইয়ানি মর্‌ আরঅ মঅ মুজুঙোত্ তুমি সিয়েনত্‌ পরবাস্যে ওইনে বজত্তি গুরিবা।

গণাণা 36:7

ইস্রায়েলীয়গুনোর্‌ সোম্বোত্তিগানি এক গুট্টিত্তুন্‌ অন্য গুট্টিত্‌ যেই ন-পারিবো। পত্তি ইস্রায়েলীয়ত্তুনোই তার্‌ পুরোণি মানুচ্চুনোত্তুন পেইয়্যে গুট্টির্‌ সোম্বোত্তিগানি ধুরি রাগা পুরিবো।

গণাণা 36:9

কনঅ সোম্বোত্তি এক গুট্টিত্তুন্‌ অন্য গুট্টিত্‌ যেই ন-পারিবো। ইস্রায়েলীয়গুনোর্‌ পত্তি গুট্টিত্তুনই তার্‌ পেইয়্যে সোম্বোত্তিগানি ধুরি রাগা পুরিবো।”

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 3:4

খামাক্কায় নয়। বেক্‌ মানুচ্চুন মিজে মাদিলেয়ো গোজেনে নিত্য সত্যবাদী। পবিত্র বোইবোত্ লেগা আঘে, “সেনত্তে তর্ রাইয়ান্ ঠিগ্, তঅ বিচেরান্ দোল্।”

রোমীয় 3:6

গোজেনে যুনি অন্যেয় গরে সালে তে কেধোক্ক্যেন্ গুরি মান্‌‌জ্যর্ বিচের্ গরে?

রোমীয় 6:15

মাত্তর্ রীদি-সুদোমর্ অধীনোত্ ন-থেইনে দোয়্যের্ অধীনোত্ ওইয়্যেই বিলি কি আমি পাপ গুরিবোং? খামাক্কায় নয়।

রোমীয় 6:2

খামাক্কায় নয়। পাপর্ দাবী দাওয়া ইধু দঅ আমি মোজ্জ্যেই; সালে কেধোক্ক্যেন গুরি আমি আর পাপর্ পধেদি চলিবং?

রোমীয় 7:13

সালে যিয়েন উপকারি সিয়েন্দোই কি মর্ মরণ অলঅ? কনদিন্‌অ নয়, বরং যিয়েন উপকারি সিয়েন্দোই পাপ্পানে মর্ মরণ্ ঘোদেল, যেন পাপ যে সত্যই পাপ সিয়েন বুঝো যায়। পাপ যে কত্তমান্ জঘন্য সিয়েন উগুম্বোই ধরা পড়ে।

রোমীয় 7:7

সালে কি আমি কবং যে, রীদি-সুদোম বজং? খামাক্কায় নয়; বরং এ কধাগান্ ঠিগ্ যে, রীদি-সুদোম ন-থেলে পাপ্‌পান্ কি সিয়েন মুই হবর্ ন-পেদুং। “লুভ্ ন-গোজ্জ্য,” রীতি-সুদোমে যুনি এ কধাগান্ ন-কদঅ সালে লুভ্ কি সিয়েন্ মুই কোই ন-পাত্তুং।

১ করিন্হীয় 6:15

তুমি কি কোই ন-পারঅ যে, তমা কিয়্যেগান খ্রীষ্ট কিয়্যেগানর্ ভাগ্? সালে মুই কি খ্রীষ্ট কিয়্যেগান ভাগ্‌কান্দোই বেশ্যে কিয়্যেগান সমারে এগত্তর্ গুরিম? কনদিনঅ নয়।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

যিহোশূয় 22:29

“আমার্‌ গোজেন লগেপ্রভুর থেবার-তাম্বুলোর্‌ মুজুঙোত্‌ যে পূজোবো আঘে সিবে বাদে পুজ্যে-উৎসর্ব, শস্য-উৎসর্ব আর অন্য এ্যমান-উৎসর্ব গুরিবাত্তে অন্য কনঅ পূজো বানেইনে আমি যে লগেপ্রভুর বিরুদ্ধে উল্লোমি ওইনে তার্‌ পথ্‌তানত্তুন্‌ এচ্চ্যে সুরি যেবং সিয়েন আমার কায়-কুরেত্তুন দূরোত্‌ থোক্‌।”

যিহোশূয় 24:16

জোবত্‌ মানুচ্চুনে কলাক্‌, “লগেপ্রভুরে ছাড়িনে দেব-দেবেদারে পূজো গরানা যেন আমার্‌ মাধ্যমে কনদিন্‌ ন-অয়।

১ শমূয়েল 12:23

মুই যেনে কনদিন্অ তমাত্তে তবনা গরানা বন্ধ গুরিনে লগেপ্রভুর বিরুদ্ধে পাপ ন-গরং। মুই তমারে সৎ আর ন্যায়পদেন্দি আদিবাত্তে শিক্ষা দিম্‌।

১ শমূয়েল 24:6

তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”