১ রাজাবলী 20:9 - Chakma Bible

⁹ সেনত্তে আহাবে বিন্‌হদদর মানুচ্চুনোরে কলঅ, “মঅ গিরোজ্‌ মহারাজারে কবা, তার্‌ পত্তম্‌ দাবি অনুসারে মুই বেক্কানি গুরিম্‌, মাত্তর্‌ দ্বিলম্বর্‌ দাবিগান্‌ মুই পূরোণ গুরি ন-পারিম্‌।” মানুচ্চুনে সেক্কে সে জোব্‌পান্‌দোই বিন্‌হদদ ইদু গেলাক্‌।

১ রাজাবলী 20:9 ပူးပေါင်းရင်းမြစ်များ

১ রাজাবলী 15:18

লগেপ্রভুর ঘরত্‌ আর নিজোর্‌ রাজঘর ভান্ডালত্‌ যেদক্কানি সোনা আর রূবো এলঅ আসা সিয়েনি বেক্কানি নিগিলেই নেযেল। সিয়েনি তার্‌ কামগুরিয়্যেগুনোর্‌ আঢত্‌ দিইনে অরামর রাজা বিনহদদ ইদু পাধেই দিলো। বিনহদদ অলদে টব্রিম্মোণর পূঅ হিষিয়োণর নাদিন্‌। তে সেক্কে দামেস্কত্‌ রাজাগিরি গুরিদো। আসা তারে কোই পাদেল,

১ রাজাবলী 20:10

বিন্‌হদদে সেক্কে আহাব ইদু এ হবরান্‌ পাদেল, “মর্‌ বেক্‌ মানুচ্চুনোরে এক মুঠ্‌ গুরিনে দিবার্‌ ধোক্ক্যেন্ ধূল্যেয়ো যুনি শমরিয়াত্‌ থায় সালে দেবেদাগুনে যেনে মরে সাজা দুয়োন্‌ আর সিয়েন্‌ অমকদ গুরিনে দুয়োন্‌।”

১ রাজাবলী 20:8

জোবত্‌ বুড়ো নেতাগুনে আর বেক্‌ মানুচ্চুনে কলাক্‌, “তা কধানি ন-শুনিবা বা তা দাবিগানিয়ো ন-মানিবা।”