১ রাজাবলী 2:44 - Chakma Bible

⁴⁴ শলোমন শিমিয়িরে আরঅ কলঅ, “মঅ বাপ্পো দায়ূদো উগুরে তুই যেদক্কানি অন্যেয় গোজ্যস্‌ সিয়েন দঅ তর্‌ মনানে হবর্‌ পায়। ইক্কিনে লগেপ্রভুই তরে তর্‌ অন্যেয় কামর্‌ ফল দিবো।

১ রাজাবলী 2:44 ပူးပေါင်းရင်းမြစ်များ

১ রাজাবলী 2:43

সালে কিত্তে তুই লগেপ্রভুর্ ইদু গোজ্যে এগেমান্ আর মর্‌ উগুমানি ন-পালাচ্‌?”

২ রাজাবলী 11:1

যিহূদার রাজা অহসিয়োর মা অথলিয়া যেক্কে দেগিলো, তা পুয়োবো মুরি যেইয়্যে সেক্কে তে পূরো রাজবংশবোরে ভস্ত গুরিলো।

২ রাজাবলী 11:12

সেক্কে যিহোয়াদা রাজার পুয়োবোরে নিগিলেই আনিনে তা মাদাবোত্‌ মুকুট পিনে দিইনে তা আঢত্‌ সুদোমর্‌ বইবো দিলো। তারা তারে রাজা ইজেবে অভিষেগ্ গুরিলাক্‌ আর মানুচ্চুনে আত্‌তালি দিইনে রঅ ছাড়িনে কলাক্‌, “রাজা জনম্মো বাঁজি থোক্‌।”

গীতসংহিতা 109:20

মঅ বিপক্কগুনে, যিগুনে মঅ পৌইদ্যেনে বজং কধা কন্, তারা লগেপ্রভুত্তুন্ যেন এ ফল পান।

গীতসংহিতা 7:16

তা অন্যেয়র্ ভারান্ তা নিজো মাঢাবোত্ ফিরি এজে; তে যে অত্যেচার্ গরে সিয়েন্ তা মাঢাবো উগুরে লামি এজে।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

যিহিষ্কেল 17:19

“‘মুই প্রভু লগেপ্রভু মর্ জিংকানির নাঙে কঙর্, তে মঅ নাঙে শমক্ গুরিনে সিয়েনি ঈচ্ গোজ্যে আর অধীনতার চুক্তিগান ভাঙে বিলিনে তা ফল মুই তারে দিম।

হোশেয় 4:9

যেবাবোত্যেগুরি মানুচ্চুনোরে সেবাবোত্যে ধর্মগুরুগুনোরেয়ো সাজা দিয়্যে অবঅ; তারার্ আচার-বেবহারত্তে তারারে বেক্কুনোরে মুই সাজা দিম আর তারার্ কাম মজিম্ ফল দিম।

যোহন 8:9

এ কধাগান্ শুনিনে সেই ধর্ম নেতাগুনো ভিদিরে বুড়োগুনোত্তুন্ ধুরি আরাম্ভ গুরিনে একজন একজন গুরি বেক্কুনে গেলাক্। যীশু বানা গায় গায় রলঅ আর সে মিলেবো তা মুজুঙোত্ থিয়্যেই এলঅ।

রোমীয় 2:15

ইয়েনত্ দেগা যায়, রীদি-সুদোম মজিম যিয়েন গরানা উজিত্ সিয়েন তারা মনত্ লেগা আঘে। তারার্ বিবেক্-অ সেই এক্কুই সাক্ষ্য দে। তারার্ চিন্তেগানিয়ে কনঅ কনঅ সময় তারারে দুষী গরে, আরঅ কনঅ কনঅ সময় তারা পক্ষেয়ো থায়।

১ শমূয়েল 25:39

নাবলর্ মরাণার হবর্‌ পেইনে দায়ূদে কলঅ, “লগেপ্রভুর বাঈনী ওক্‌। তে নাবলর্ বিরুদ্ধে মর্‌ পক্ষেন্দি থিয়েইয়্যে, কিত্যে নাবলে মরে অগমান গোজ্যে, আর নাবলর্ অন্যেয়ানরে নাবল উগুরে ফিরেই দিয়্যে।” পরেন্দি দায়ূদে অবীমেলকরে লবার্‌ সল্লাগান্ তাইদু মানুচ্‌ পাধেই দিলো।