১ রাজাবলী 2:3 - Chakma Bible

³ তর্‌ গোজেন লগেপ্রভুর আওজ্ মজিম্‌ তুই তার পধেন্দি আদিবে আর মোশির রীদি-সুদোমত্ লেগা লগেপ্রভুর বেক্‌ সুদোম, উগুম, হুকুম আর দাবিগানি মানি চলিবা। সেক্কে তুই যিয়েনি গত্তে সাৎ আর যিয়োদোই যেদে সাৎ ফোলেই পারিবে।

১ রাজাবলী 2:3 ပူးပေါင်းရင်းမြစ်များ

২ শমূয়েল 8:14

ইদোম দেজর্‌ বেক্‌ জাগানিত্‌ তে নিজো সৈন্যদলুন রাগেল আর সেক্কে ইদোমীয়গুনে তা অধীনোত্‌ অলাক্। দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

১ রাজাবলী 3:3

শলোমন লগেপ্রভুরে কোচ্‌পেদঅ, সেনত্তে তা বাপ্পো দায়ূদোর উগুম মজিম আদাউদো গুরিদো; মাত্তর্‌ তে উবোসনার উজু জাগায়ানিত্‌ য়েমান উৎসর্ব গুরিদো আর পোইরেক্‌ জালেদ।

২ রাজাবলী 18:7

লগেপ্রভু তা সমারে থেদঅ। তে যে কনঅ কাম্‌ গুরিলে ফোলেদ। আসিরিয়ার রাজা বিরুদ্ধে উল্লোমি গুরিনে তে তার তলেন্দি অস্বীগের্‌ গুরিলো।

১ বংশধর 29:19

মর্ পুয়ো শলোমনরে এধোক্ক্যেন উজুউস্যে মান্‌জ্য মন দান গুরিচ্‌ যেনে তে তঅ উগুমানি, তঅ কধানি আর তঅ সুদোমানি পালেই পারে আর মুই যে পাক্কা ঘরান্‌ বানেবার্‌ যুক্কোল গোজ্যং সিয়েন্‌ বানেই পারে।”

গীতসংহিতা 119:111

তর্ কধানি মর্ উমরর্ সোম্বোত্তি; সিয়েনি মর্ মনর্ হুজি।

গীতসংহিতা 119:138

তর্ ধার্মিক্কান্দোই আর বিশ্বেজ্‌ছান্দোই তুই তর্ সুদোমানি দুয়োচ্।

গীতসংহিতা 119:2

বর্ পেইয়্যে সেই মানুচ্চুন, যিগুনে তা কধামজিম্ চলন্ আর মনযোগ দিইনে তার আওজ্ মজিম চলন্।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

লেবীয় 8:35

তুমি যেন মারা ন-পড় সেনত্তে এচ্চ্যেত্তুন্‌ ধুরি সাত দিন সং তুমি দিন-রেদ্‌ মিলন-তাম্বুলো ভিদিরে থেবা আর লগেপ্রভু চাইদে ধোক্ক্যেন গুরি কাম্‌ গুরিবা। মুই এ উগুমান পেইয়োং।”

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

দ্বি’লম্বর বিররণ 29:8

আমি তারার দেজ্‌ছান নেযেইনে সোম্বোত্তি ইজেবে সিয়েন রূবেণীয়, গাদীয় আর মনঃশি-গুট্টির অদ্দেক মান্‌জ্যরে দিয়্যেই।

দ্বি’লম্বর বিররণ 29:9

সেনত্যে তুমি এ সুদোমর বেক্‌ উগুমানি গমেডালে মানি চলিবা যেনে বেক্‌ কামানিদই তমার ভালেদি অয়।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 4:8

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ সুদোম আর রীদি-সুদোমানি তমা ইদু এচ্ছ্যে মর্‌ দিয়্যে সুদোম ধোক্ক্যেন গমান ইন্দি সয়্‌সাগর্‌?

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

যিহোশূয় 22:5

মাত্তর্‌ যেদক্কানি উগুম্‌ আর রীদি-সুুদোম লগেপ্রভুর্‌ চাগর্‌ মোশি তমারে দি যেইয়্যে সিয়েনি পালেবাত্তে মন্‌ দুয়ো। তমা গোজেন লগেপ্রভুরে কোচ্‌পেইয়ো, তা পথ্‌তানন্দি আদঅ‌, তার্‌ বেক্‌ উগুমানি পালঅ‌, তারে আজাবোদে ধরঅ‌ আর তমার্‌ বেক্‌ মনান্‌ আর পরাণান্‌ দিইনে তার সেবা গরঅ।”

যিহোশূয় 23:6

সেনত্তেই তুমি তমার বেক্‌ বলান্‌ দিইনে মোশির রীদি-সুদোমর্ বোইয়োত্‌ যিয়েনি লেগা আঘে সিয়েনি বেক্কানি পালঅ‌; সিয়োত্তুন ইন্দি উন্দি সুরি ন-যেয়ো।

১ শমূয়েল 18:14

লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।

১ শমূয়েল 18:30

ইয়েনর্ পরেন্দি পলেষ্টীয়গুনোর সেনাপতিগুনে যুদ্ধো গুরিবাত্তে নিগিলি এজা ধুরিলাক্। যেদকবার্‌ তারা নিগিলি এলাক্ সেদকবারই শৌলর অন্য কামগুরিয়্যেগুনোত্তুন্‌ দায়ূদে বেশ্ বুদ্ধির পরিচয় দিইনে সফলতা লাভ গুরিলো। সেক্কে তার অমকদ সুনাম অলঅ।

১ শমূয়েল 18:5

শৌল দায়ূদোরে যিয়েনত্‌ পাধেদ দায়ূদে সিয়েনত্‌ যেদঅ আর বুদ্ধির পরিচয় দিইনে সফলতা লাভ গুরিদো। সেনত্যেই শৌল তারে সৈন্যদলর এক্কো সেনাপতি বানেল। সেক্কে বেক্‌ মানুচ্চুনে হুজি অলাক্ আর শৌলর কামগুরিয়্যেগুনেয়ো হুজি অলািক্।