১ রাজাবলী 2:26 - Chakma Bible

²⁶ পরেন্দি রাজা ধর্মগুরু অবিয়াথররে কলঅ, “তুই অনাথোতত্‌ নিজোর জাগাত্‌ ফিরি যা। তুই মুরিবার যোগাজ্যে, মাত্তর্‌ ইক্কিনে মুই তরে মারে ন-ফেলেম, কারণ তুই তর্‌ বাবা দায়ূদোর সময়োত্‌ লগেপ্রভুর সুন্দুক্কো বুয়োই নেযেয়োচ্‌ আর মঅ বাপ্পোর বেক্‌ দুখ-কষ্টর ভাগি ওইয়োচ্‌।”

১ রাজাবলী 2:26 ပူးပေါင်းရင်းမြစ်များ

২ শমূয়েল 12:5

এ কধাগান শুনিনে দায়ূদে সে থাগোয়্যে মানুচ্চো উগুরে রাগে ফূলি উদিলো। তে নাথনরে কলঅ, “জেদা লগেপ্রভুর নাঙে কঙর্, যে মানুচ্চো এ কামান্‌ গোজ্যে তারে মারে ফেলানা উজিত্।

১ রাজাবলী 1:25

তে দঅ এচ্চ্যে যেইনে বোউত্‌ বলদ গোরু, পক্তামক্তা গোরুছঅ আর ভেড়া উৎসর্ব গুরিনে রাজার বেক্‌ পূঅগুনোরে, সেনাপতিগুনোরে আর ধর্মগুরু অবিয়াথররে বাত্যেল। ইক্কিনে তারা তা লগে খানা-দানা গত্তন্‌ আর কদন্‌, ‘রাজা আদোনিয় জিংকানিবর্‌ বাঁজোক্‌।’

১ রাজাবলী 1:7

সরূয়ার পূঅ যোয়াব আর ধর্মগুরু অবিয়াথর সমারে আদোনিয় সল্লা গুরিলো, আর তারায়ো তার পক্ষ ওইনে তারে বল্‌ দিলাক্।

১ রাজাবলী 2:35

রাজা সেক্কে যোয়াবর জাগানত্‌ যিহোয়াদার পূঅ বনায়রে সেনাপতি ইজেবে নেযা অলঅ আর অবিয়াথরর জাগাত্‌ বোজেল ধর্মগুরু সাদোকরে।

যিশাইয় 10:30

ও গল্লীমর মানুচ্চুন্, তুমি রঅ ছাড়অ। ও লয়িশার মানুচ্চুন্, তুমি কানান্ পাদ। হায়, অনাথোৎ!

যিরমিয় 1:1

এই বেক্ কধানি হিল্কিয়র পুয়ো যিরমিয় কোইয়্যেদে। তে অলদে বিন্যামীন চাগালার অনাথোৎ আদামর্ ধর্মগুরুগুনো ভিদিরে একজন।

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

লূকে লেখ্যে গম্ হবর্ 22:28

মর্ দুঘো অক্তত্ তুমি মরে ফেলেই ন-যঅ।

গালাতীয় 3:4

তুমি কি মিজে মিজে এদক্ দুঘ্ ভুগোর্? মুই আজা গরং তমার্ সেই দুঘ্ ভুগোনা অনত্তক্ ন-অয়।

১ শমূয়েল 2:32

তুই মর্‌ ঘরর্‌ তামাজা চেই পেবে। ইস্রায়েলীয়গুনোরে যেদক্‌ ভালেদি মুই গুরিদুং সাৎ তর্‌ বংশর কনজনে কনদিন্অ বুড়ো অয় সং বাঁজি ন-পারিবাক্।

১ শমূয়েল 26:16

তুই যিয়েনি গোজ্যস্‌ সিয়েনি কনমতে ঠিগ্ ন-অয়। জেদা লগেপ্রভুর নাঙে কঙর্, তুই আর তর্‌ মানুচ্চুনোর মরাণা উজিত্, কিত্যে তমার্‌ গিরোজ্‌, যিবে লগেপ্রভুর অভিষেগ্ গোজ্যে মানুচ্‌, তারে শত্রুর বিপক্ষে তুমি চুগি দিইনে ন-রাগঅ। রাজার মাদাবো ইদু তার যে সেল্‌লো আর পানির পিলেবো এলঅ সিগুন্‌ কুদু?”