১ রাজাবলী 2:23 - Chakma Bible

²³ ইয়েনর্ পরেন্দি রাজা শলোমন লগেপ্রভুর নাঙে শমক্‌ খেইনে কলদে, “এ কোজোলিগানত্তে যুনি আদোনিয়র পরাণান নেযা ন-অয় সালে লগেপ্রভু যেনে মরে সাজা দে, আর সিয়েন জদবদেগুরিনে দে।

১ রাজাবলী 2:23 ပူးပေါင်းရင်းမြစ်များ

২ শমূয়েল 19:13

তুমি মর্‌ ওইনে অমাসারে এ কধাগান কঅ, তুইয়ো কি মর্‌ এক য়েরা নয়? ইক্কেত্তুন্‌ ধুরি যোয়াবর জাগানত্‌ তুই যুনি মঅ সৈন্যদলর সেনাপতি ন-অচ্‌ সালে গোজেনে যেনে মরে সাজা দে, আর সিয়েন জদবদে গুরিনেই দে।

২ শমূয়েল 3:35

বেলান্‌ থাগদে থাগদে যেনে দায়ূদে কিজু হায় সেনত্তে মানুচ্চুনে তারে কোজোলী গরা ধুরিলাক্; মাত্তর্‌ দায়ূদে শমক্‌ হেইনে কলঅ, “বেলান্‌ ডুবিবার আগেন্দি যুনি মুই পিদে বা অন্য কিজু হাং সালে গোজেনে যেনে মরে সাজা দে আর সিয়েন জদবদে গুরি দে।”

২ শমূয়েল 3:9

দায়ূদো ইদু লগেপ্রভু শমক্‌ হেইনে এগেম্ গোজ্যেদে সেবাবোত্যে গুরিনে যুনি মুই কাম্‌ ন-গরং, অত্তাৎ শৌলর বংশত্তুন্‌ রেজ্য লোইনে দানত্তুন্‌ বের্‌-শেবা সং ইস্রায়েল আর যিহূদা উগুরে দায়ূদোর সিংহাসনান্ থিদেবর্ ন-গরং সালে গোজেনে যেনে অব্‌নেররে সাজা দে আর সিয়েন জদবদে দে।

১ রাজাবলী 19:2

বেক্‌ কধানি শুনিনে ঈষেবলে মানুচ্‌ দিইনে এলিয়রে কোই পাদেল, “এযেত্যে কেল্যে এ সময়ান ভিদিরে তর্‌ দজাগান্‌ যুনি তারার্‌ একজন ধোক্ক্যেন্ ন-গরঙ্‌ সালে দেবেদাগুনে যেনে মরে সাজা দুয়োন্‌ আর সিয়েন্‌ জদবদে গুরি দুয়োন।”

১ রাজাবলী 20:10

বিন্‌হদদে সেক্কে আহাব ইদু এ হবরান্‌ পাদেল, “মর্‌ বেক্‌ মানুচ্চুনোরে এক মুঠ্‌ গুরিনে দিবার্‌ ধোক্ক্যেন্ ধূল্যেয়ো যুনি শমরিয়াত্‌ থায় সালে দেবেদাগুনে যেনে মরে সাজা দুয়োন্‌ আর সিয়েন্‌ অমকদ গুরিনে দুয়োন্‌।”

২ রাজাবলী 6:31

তে কলদে, “এচ্ছে যুনি শাফটর্‌ পূয়ো ইলীশায়র মাধাবো তা কানা উগুরে থায় সালে গোজেনে যেনে মরে সাজা দে, আর সিয়েন্‌ জদবদে গুরি দে!”

গীতসংহিতা 140:9

যিগুনে মরে ঘিরিনে ধোজ্যন্ তারার মুয়োনি যেদক্কানি অন্যেয় গোজ্যে সিয়েনি তারা মাঢা উগুরে পোড়োক্।

গীতসংহিতা 64:8

তারার জিলান্‌দোই তারা নিজোর দজাগান্ ডাগি আনিবাক্; তারারে চেইনে বেক্কুনে ঈচ্ গুরিনে মাঢা লাড়েবাক্।

গম্ উপদেজ্ 20:2

রাজার রাগ্‌কান সিংহ গুজুরোনি ধোক্ক্যেন্; তারে যে রাগ্ তুলি দে তে নিজো পরানানরে দজাত্ ফেলায়।

উপদেশক 10:12

জ্ঞানী মান্‌জ্যর মুয়োর্ কধাত্ দোয়্যে থায়, মাত্তর্ ভুলো তা মুয়োর্ কধালোই নিজোরে ভস্ত গরে।

লূকে লেখ্যে গম্ হবর্ 19:22

সেক্কে তে তারে কলঅ, তুই পাজি চাগর্ ! তঅ মুয়ো কধালোই মুই তর্ বিচের্ গুরিম্। তুই দঅ কোই পারচ্, মুই আঘাত্যে মানুচ্; যিয়েন্ ন-থুবাং সিয়েন লোই থাং আর যিয়েন ন-লাগাং সিয়েন্ কাবং।

রূত 1:17

তুই যিয়েনত্‌ মুরিবে মুইয়ো সিয়েনত্‌ মুরিম্‌ আর সিয়েনত্‌ যেনে মর্‌ গোর্‌ অয়। এক মরণ বাদে আর অন্য কিজুয়ে যুনি আমারে ফারক্‌ গরে সালে লগেপ্রভু যেনে মরে সাজা দে আর সিয়েন জদবদে দে।”

১ শমূয়েল 14:44

শৌল কলঅ, “অয় যোনাথন, তত্তুনোই মরা পুড়িবো। গোজেনে যেন তরে শাস্তি দে, হামাক্কায় শাস্তি দে।”