১ রাজাবলী 2:22 - Chakma Bible

²² জোবত্‌ রাজা শলোমনে তা মাবোরে কলঅ, “আদোনিয়ত্তে কিত্তে তুই শূনেমীয়া অবীশগরে চর্‌? তুই তাত্তেই রেজ্যগান্‌অ দঅ চেই পারিদে, কিত্যে তে মর্‌ দাঙর্‌ ভেই; অয়, তাত্তে, ধর্মগুরু অবিয়াথরত্তে আর সরূয়ার পূঅ যোয়াবত্তেয়ো সিয়েনি চেই পারিদে।”

১ রাজাবলী 2:22 ပူးပေါင်းရင်းမြစ်များ

২ শমূয়েল 12:8

তঅ গিরোজর্‌ বেক্কানি মুই তরে দুয়োং আর তা মোক্কুনোরেয়ো মুই তইদু গোজেই দুয়োং। ইস্রায়েল আর যিহূদার বেক্‌ গুট্টিগুনোর্‌ ভারান্ মুই তরে দুয়োং। ইয়েনি যুনি তর্‌ পক্ষেন্দি যদেষ্ট নঅ অদঅ সালে মুই তরে আরঅ ভালোক্কানি দিদুং।

২ শমূয়েল 16:21

জোবত্‌ অহীথোফলে কলঅ, “রাজঘরর্‌ দেগাশুনো গুরিবাত্তে তঅ বাপ্পো তার যিদুক্কুন দ্বিতীয় ঘর মোগোরে ফেলে যেইয়্যে তুই তারা সমারে কিয়্যেন্দি মিজা। সালে ইস্রায়েলর বেক্কুনে হবর্‌ পেবাক্‌, তুই নিজোরে তঅ বাব ইদু ঘিনাইদে মানুচ্‌ ইজেবে গোজ্যচ্‌। সেক্কে তঅ লগে বেক্‌ মানুচ্চুনে জদবদে গুরি তঅ পক্ষেন্দি থেবাক্।”

১ রাজাবলী 1:11

সেক্কে নাথন শলোমনর্ মা বৎশেবারে কলঅ, “আমা গিরোজ্‌ দায়ূদে হবর্ ন-পেইয়্যেগুরি হগীতোর পূঅ আদোনিয় যে রাজা ওইয়্যে সিয়েন কি তুই ন-শুনোচ্‌?

১ রাজাবলী 2:15

সেক্কে তে কলঅ, “তুই দঅ হবর্‌ পাজ্‌ রেজ্যগান মর্ এলঅ। বেক্‌ ইস্রায়েলীয়গুনে মনে গোজ্যন্দে মুই রাজা ওম্‌। মাত্তর্‌ অবস্থাগান বুদুলি যেইনে রেজ্যগান মর্‌ ভেইয়োর্‌ আঢত্‌ যেইয়্যে, কিত্যে ইয়েন লগেপ্রভুর ইত্তুন্‌ তে পেইয়্যে।

১ বংশধর 3:2

তিন লম্বর পুয়ো অবশালোম, যিবের্‌ মাবো এলদে গশূর রাজা তল্‌ময় ঝি মাখা; চের্‌ লম্বর পুয়ো আদোনিয়, যিবের্‌ মাবো এলদে হগীত;

১ বংশধর 3:5

আর সিদু অম্মীয়েল ঝি বৎশেবার পেদত্‌ তার্‌ চের্‌জন পুয়োর্‌ জর্ম ওইয়্যে। তারা অলাক্‌ শিমিয়, শোবব, নাথন আর শলোমন।

মথি লেখ্যে গম্ হবর্ 20:22

জোবত্ যীশু পুয়োগুনোরে কলঅ, “তুমি কি পুযোর্ গরর্ সিয়েন্ ন-জান। যে দুঘোর্ গলজত্ মুই হেবাত্তে যাঙর্ সিবেত্ কি তুমি হেই পারিবা?” তারা জোবত্ কলাক্, “পারিবোং।”

মার্ক 10:38

যীশু তারারে কলঅ, “তুমি কি চর্ সিয়েন ন-জান। যে দুঘোর্ গলজত্ মুই হেবাত্তে যাঙর্ সিবেত্ কি তুমি হেই পারিবা? মুই যে পধেদি বাপ্তিস্ম লবাত্তে যাঙর্ তুমি কি বাপ্তিষ্ম লোই পারিবা?”

যাকোব 4:3

তুমি মাগিনেয়ো ন-পঅ, কিয়া তুমি ভান্ন্যেই উদ্দেশ্যে মাগি থাগঅ, যেন তমার কামনা-বাসনা ঈল্ অয়।