১ রাজাবলী 2:12 - Chakma Bible

¹² পরেন্দি শলোমনে তা বাবঅ সিংহাসনত্‌ বুজিলো আরঅ তার রাজাগিরি দরমর গুরিনে থিদেবর্ অলঅ।

১ রাজাবলী 2:12 ပူးပေါင်းရင်းမြစ်များ

২ শমূয়েল 7:29

ইক্কিনে তুই হুজি ওইনে তঅ চাগর্‌বোর্ বংশবোরে বর্ দে যেনে সে বংশবো জিংকানিবর্‌ তর্‌ মুজুঙোত্‌ থায়। ও প্রভু লগেপ্রভু, তুই নিজে সে কধানি কোইয়োচ্‌ আর তঅ বর্ দেনায় তর্‌ এ চাগর্‌বোর্‌ বংশবো জিংকানিবর্‌ বর্ থেবঅ।”

১ রাজাবলী 1:13

তুই ইক্কিনে রাজা দায়ূদো ইদু যেইনে কঅ, ‘মর্‌ গিরোজ্‌ মহারাজ, তর্‌ চাগরানিবোর্‌ ইদু কি তুই ইয়েন কোইনে শমক্‌ ন-গরচ্, তর্‌ পরেন্দি হামাক্কায় তর্‌ পূঅ শলোমনই রাজা অবঅ আর তেয়ই তর্‌ সিংহাসনত্‌ বুজিবো। সালে কিত্তে আদোনিয় রাজা ওইয়্যে।’

১ রাজাবলী 1:30

ইস্রায়েলর গোজেন লগেপ্রভুর নাঙে যে শমক্তান্‌ মুই তইদু গোজ্যং এচ্চ্যে মুই হামাক্কায় সিয়েন পালেম্‌। তর্‌ পূঅ শলোমনে মর্‌ পরেন্দি রাজা অবঅ আর তেয়ই মর্‌ জাগাত্‌ সিংহাসনত্‌ বুজিবো।”

১ রাজাবলী 1:35

ইয়েনর্ পরেন্দি তুমি তার পিচ্ছো পিচ্ছো ফিরি এবা। তে এইনে মর্‌ সিংহাসনত্‌ বুজিবো আর মঅ জাগানত্‌ রাজাগিরি গুরিবো। মুই তারে ইস্রায়েল আর যিহূদার শাজন্‌গুরিয়্যে নেযেলুং।”

১ রাজাবলী 1:46

ইয়েনবাদেয়ো শলোমনে রাজ-সিংহাসনত্‌অ বোস্যে, আর রাজার কামগুরিয়্যেগুনে আমার গিরোজ্‌ রাজা দায়ূদোরে তারার ভালেদি জানেইনে কদন্‌, ‘তর্‌ গোজেনে তর্‌ নাঙত্তুন্‌অ বেশ্‌ শলোমনর্ নাঙান্‌ দাঙর্‌ গোরোক্‌ আর তর্‌ রেজ্যগানত্তুন্‌অ বেশ্‌ তার রেজ্যগান আরঅ বাঈনী গরে পারা ওক্।’ রাজা বিচ্ছোনান উগুরেই উবোত্‌ পুন্দুরি ওইনে গোজেনরে তার ভোক্তি জানেইনে কলদে, ‘ইস্রায়েলর গোজেন লগেপ্রভুর বাঈনী ওক্‌। মর্‌ সিংহাসনর অধিকারিবোরে এচ্চ্যে তে মরে চেবাত্তে দিলো।’”

১ রাজাবলী 2:46

ইয়েনর্ পরেন্দি রাজা যিহোয়াদার পূঅ বনায়রে উগুম দিলো আর বনায় যেইনে শিমিয়িরে মারে ফেলেল। এধোক্ক্যেনগুরি শলোমনর্ আঢত্‌ রেজ্যগান দরমরগুরি থিদেবর্ অলঅ।

১ বংশধর 23:1

দায়ূদে যেক্কে লুম্বুর বুড়ো ওই গেলঅ সেক্কে তা পুয়ো শলোমনরে তে ইস্রায়েল উগুরে রাজা বানেল।

২ বংশধর 1:1

দায়ূদোর পুয়ো শলোমনে তার্‌ রেজ্যগান্‌ বেশ্ দরমরগুরিনে নিজোর্‌ অধীনোত্‌ রাগেল, কিত্তে তা গোজেন লগেপ্রভু তা লগে এলঅ‌ আর তারে খুব দাঙর্‌ গুরিলো।

গীতসংহিতা 132:12

তর্ পুয়োগুনে যুনি মঅ থিদেবর্ গোজ্যে সুদোমানি পালান্ আর মঅ কধানি মানন্ যিয়েনি মুই তারারে শিগেম, সালে তারার পুয়োগুনোরে জনমভুরি তঅ সিংহাসনত্ বুজিবাত্তে দিয়্যে অবঅ।”