১ রাজাবলী 2:1 - Chakma Bible

¹ মরণর অক্তবো ঘোনেই এলে পরেন্দি দায়ূদে তার পূঅ শলোমনরে এই বেক্‌ উগুমানি কলদে,

১ রাজাবলী 2:1 ပူးပေါင်းရင်းမြစ်များ

পত্থম 47:29

মরাণার্‌ কয়েক্‌দিন আগে ইস্রায়েলে তার্‌ পুয়ো যোষেফরে ডাগিনে কলঅ, “যুনি মঅ উগুরে তর্‌ টান্‌ থায় সালে মঅ দামানাগান তলে তর্‌ আত্তান্‌ রাগেইনে মরে কধা দে, তুই মর্‌ উগুরে তঅ কামানিত্‌ বিশ্বেজ্ রাগেবে। মরে মিসরত্‌ গোর্ ন-দিস্,

২ শমূয়েল 7:12

তঅ আয়ুগান শেজ্ অনার পরেন্দি যেক্কে তুই তর্‌ পুরোণি মানুচ্চুনোর ইদু যেবে সেক্কে মুই তঅ জাগাত্‌ তঅ বংশর্‌ একজনরে, তঅ নিজো পূঅবোরে বোজেম্‌ আর তা রেজ্যগান থির্ রাগেম্।

১ রাজাবলী 1:53

ইয়েন কোইনে রাজা শলোমনে মানুচ্‌ পাধেই দিলো আর তারা যেইনে আদোনিয়রে ডালিঘরত্তুন্‌ লোই এলাক্। আদোনিয় এইনে রাজা শলোমনর্ মুজুঙোত্‌ মাদিত্‌ আদু পাড়িনে পুরিলো। শলোমনে কলঅ, “তুই নিজোর ঘরত্‌ যাহ্।”

১ বংশধর 22:6

সে পরেন্দি তে তার্‌ পুয়ো শলোমনরে ডাগিনে তা উগুরে ইস্রায়েল গোজেন লগেপ্রভুত্তে এক্কান্‌ ঘর্‌ তুলোনা কামান্‌ দিলো।

গণাণা 27:19

তুই তারে ধর্মগুরু ইলিয়াসর আর ইস্রায়েলীয়গুনো মুজুঙোত্‌ আঝিল্ গুরিনে তারা মুজুঙোত্ তারে কামর্‌ ভারান্‌ দে।

দ্বি’লম্বর বিররণ 3:28

যিহোশূয়রে কি গরা পুরিবো সিয়েন্‌ তুমি তারে কোই দুয়ো; তারে উচ্ছোমি আর সাহস দুয়ো, কিত্যে তেয়ো আগে আগে যেইনে মানুচ্চুনোরে পার্‌ গুরি নেযেব আর যে দেজ্‌ছান তুই চেবাত্তে যর্‌ সিয়েন্‌ তারারে দিইনে অধিকার্‌ গুরিবে।

দ্বি’লম্বর বিররণ 31:14

ইয়েনর্ পরেন্দি লগেপ্রভু মোশিরে কলঅ, “তর্‌ মরণর দিন্নো ঘোনেই এস্যে। যিহোশূয়রে ডাগি নেযেইনে তুই মিলন-তাম্বুলোত যাহ্। সিয়েনত্ মুই তারে তার্‌ কামর্‌ ভারান্‌ দিম্‌।” সেনত্যেই মোশি আর যিহোশূয় মিলন-তাম্বুলোত্‌ লগেপ্রভুর মুজুঙোত্‌ আঝিল্ অলাক্‌।

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

২ তীমথিয় 4:6

মরে ইক্কিনে উৎসর্ব ইজেবে ঢালি দিয়্যে অর্; মর্ মরণর্ সময় এচ্চ্যে।