১ রাজাবলী 19:9 - Chakma Bible

⁹ সিদু ইক্কো গাদঅ ভিদিরে সুমিনে তে রেত্তো কাদেল। সিয়েনত্‌ এলিয়োর্‌ ইদু লগেপ্রভু আঝিল্ ওইনে কলঅ, “এলিয়, তুই ইয়েনত্‌ কি গরর্‌?”

১ রাজাবলী 19:9 ပူးပေါင်းရင်းမြစ်များ

পত্থম 16:8

স্বর্গদূত্তো কলঅ, সারীর চাগরানী হাগার্‌, তুই কুত্তুন্‌ এজর্‌ আর কুধু যেবে? জোবত্‌ হাগারে কলঅ, “মুই মঅ গিরোজর্ মোক্‌ সারীর কায়-কুরেত্তুন্‌ ধেই যাঙর্‌।”

পত্থম 3:9

লগেপ্রভু গোজেনে আদমরে ডাগিনে কলঅ, “তুই কুদু?”

১ রাজাবলী 19:13

এলিয় সিয়েন শুনিনে তা কিয়্যের্‌ কাবড়ানদোই মুয়োন্‌ নাঢিলো আর বারেন্দি যেইনে গাত্তো ইদু থিয়্যেল। সে পরেন্দি তে এ কধাগান শুনিলো, “এলিয়, তুই ইয়েনত্‌ কি গরর্‌?”

যিরমিয় 2:18

ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিরমিয় 9:2

হায়, ধূল্যেচর-চাগালাত্ যেইয়্যেগুনোর থেবার জাগান ধোক্ক্যেন মর্ যুনি এক্কান জাগা থেদঅ! সালে মঅ মানুচ্চুনোরে ছাড়িনে মুই সিয়েনত্ যেই পারিদুং, কিত্তে তারা বেক্কুনে সিনেলী আর বেঈমানর দল।

যোনা 4:5

সেক্কে যোনা শঅর বারেদি যেইনে পূগেদি এক্কান জাগাত্ ছাল্ বানেইনে তা ছাবানত্ বুজি রলঅ। শঅরর্ কি দযা অয় সিয়েন চেবাত্তে তে বাজ্জেই থাহ্ ধুরিলো।

ইব্রীয় 11:38

তারা ধূল্যেচড়ত্তুন্ ধূল্যেচড়ত, মুড়োত্তুন্ মুড়োত, সুরুঙোত্তুন্ সুরুঙোত আর গাঢত্তুন্ গাঢত্ ধেই ধেই বেড়েদাক্। এ মানুচ্চুনোরে জাগা দেনার্ খেমতা জগদর্ ন-এলঅ।