১ রাজাবলী 19:3 - Chakma Bible

³ এলিয় সেক্কে দোরেইনে তা পরাণান্‌ বাজেবাত্তে ধেই গেলঅ। তে যিহূদা-চাগালার্‌ বের্‌-শেবাত্‌ লুমিনে তা চাগর্‌বোরে সিদু রাগেল,

১ রাজাবলী 19:3 ပူးပေါင်းရင်းမြစ်များ

পত্থম 21:14

সেক্কে অব্রাহামে বেন্যেপোত্যে উদিনে কিজু হানা আর পানি ভোজ্যে এক্কো চাম থৈল্যে হাগার করত্ তুলি দিলো। সে পরেদি পুয়োবোরে তা আদত্‌ দিইনে তারে বিদেয়্‌ গুরি দিলো। সিয়েনত্তুন্‌ নিগিলেনে হাগারে বের্‌-শেবার ধূল্যেচর ভূইয়ো-চাগালাত্‌ ঘুরি ঘুরি থেলঅ।

পত্থম 21:31

সেনত্তে সে জাগাগান নাঙান্‌ অলঅ বের্‌-শেবা (যিয়েনর ভেদ্‌‌তান্ “শমত্ গোজ্যে কূয়ো”), কিত্তে ইয়োদোই তারা দ্বিজনে শমত্‌ খেইয়োন্‌।

১ রাজাবলী 4:25

শলোমনর্ জীংকানিত্‌ যিহূদা আর ইস্রায়েল, অত্তাৎ দানত্তুন্‌ বের্‌-শেবা সং বেক্কুনোর নিজোর নিজোর আংগুর গাছ আর ডোমোর গাজ্‌ এলাক্‌ আর তারা দোলেডালে বজত্তি গুরিদাক্।

যাত্রা 2:15

ফরৌণে এ ঘটনাগান্‌ হবর্ পেইনে মোশিরে মারে ফেলেবাত্তে চেট্টা গরা ধরল। মাত্তর্‌ মোশি ফরৌণ কায়-কুরেত্তুন্‌ ধেই যেইনে মিদিয়ন দেজত্‌ বজত্তি গুরিবাত্তে গেলঅ। সিধু যেইনে তে এক্কো কূয়ো পারত্‌ বোই রলঅ।

যিরমিয় 20:9

মাত্তর্ যুনি মুই কং, “মুই তা কধাগান কোই ন-দিম বা তা নাঙান ধুরিনে আর কিচ্চু ন-কোম্,” মাত্তর্ তা কধাগান মঅ মনত্ যেন জোল্‌‌জোল্যে আগুন ওইনে আড় ভিদিরে বন্ধ ওই থায়। মুই সিয়েন ভিদিরে রাগাদে রাগাদে বল্‌‌পোজ্যে ওই পড়ং; ঘেচ্চেকগুরি মুই আর সিয়েনি ভিদিরে রাগেই ন-পারং।‍‍‍

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

১ শমূয়েল 27:1

দায়ূদে মনে মনে ভাবিলো, “এই শৌলর আঢদই মত্তুন্‌ একদিন মরা পুরিবো, সেনত্যেই পলেষ্টীয়গুনোর দেজত্‌ ধেই যানাগানই মর্‌ পক্ষেন্দি বেগত্তুন্‌ গম্‌ অবঅ। সালে ইস্রায়েল দেজ ভিদিরে তে আর মরে তোগেইনে ন-বেড়েব, আর মুইয়ো তার আঢত্তুন্‌ রোক্ষ্যে পেম্‌।”

১ শমূয়েল 8:2

তার দাঙর্‌ পূঅবোর নাঙান্‌ এলঅ যোয়েল আর দ্বিলম্বর পূঅবোর নাঙান্‌ এলঅ অবিয়। তারা বের্‌-শেবাত শাজন্‌গুরিয়্যেগুনোর্ কামানি গুরিদাক্,