১ রাজাবলী 18:5 - Chakma Bible

⁵ ওবদিয় এজানার্‌ পরেন্দি আহাবে তারে কলঅ, “তুই দেজর্‌ বেক্‌ উইফুত্তুনো ইদু আর কিজিঙানি ইদু যাহ্। ঘোড়া আর খচ্চরুনোর্‌ পরাণান্‌ রোক্ষ্যে গুরিবাত্তে অয়ত কিজু ঘাস পাহ্ যেবঅ। সেক্কে আমাত্তুন্‌ কনঅ য়েমানরে মারে ফেলা ন-পুরিবো।”

১ রাজাবলী 18:5 ပူးပေါင်းရင်းမြစ်များ

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

১ রাজাবলী 18:6

তারা দ্বিজনে ঘুরি চেবাত্তে দেজ্‌ছান ভাগ গুরি নেযেলাক্‌। আহাবে নিজে এককিত্তেন্দি গেলঅ আর ওবদিয় গেলঅ অন্যকিত্তেন্দি।

গীতসংহিতা 104:14

তুই য়েমান পালত্যেই ঘাস আর মান্‌জ্যর্ চাষত্তে গুলোগুলি গাজ জোর্মেবাত্তে দুয়োচ্, যেন ভূইয়োত্তুন্ তে তার খোরাক্কুন পায়-

যিরমিয় 14:3

মুরুব্বীগুনে পানিত্তে তারার চাগরুনোরে পাদান; তারা পানি জাগাত্ এইনে পানি ন-পেইনে সুদো কুম্‌‌বোই ফিরি যান; তারা লাজে আর আশা আরেইনে ওইনে মাঢাগুন নাঢি রাগান্।

যোয়েল 1:18

কিবাবোত্যেগুরি গোরু-ভেড়াগুনে ফবাদন্! গোরু পালুনে ঘুরি বেড়াদন্, কিত্যেই তারার্ চরিনে হেবার জাগা নেই; ভেড়া পালুনেয়ো দুঘ্ পাদন্।

যোয়েল 1:20

এন্ কি, ঝার্‌বো য়েমানুনেয়ো তইধু কানদন্, কিত্যে পানি গঙারান্ শুগেই যেইয়্যে আর চরি হেবার জাগায়ানি আগুনে গিলি ফেল্যে।

যোয়েল 2:22

ও মাদর্ য়েমানুন, তুমি ন-দোরেয়ো, কিত্যে চরি বেড়েবার মাদ্‌‌‌‌‌তুন য়্যাল্ ওই উঠ্যে। গাজে গাজে ফল ধোজ্যন্; ডোমোর্ গাজ আর আংগুর লুদিগানিয়ে বোউত্ ফল দের্।

আমোষ 4:8

পানিত্তে মানুচ্চুনে দুলোদে দুলোদে আদামে আদামে গেলাক্ মাত্তর্ যগাজ্যে পানি হেই ন-পেলাক্; তো তুমি মইধু ফিরি ন-এলা।

হবক্‌‌‌‌কূক 3:17

যুনিও ডোমোর্ গাজত্ বোল্ ন-পড়িবাক্ আর আংগুর লুদিত্ ন-থেবাক্ কনঅ আংগুর, যুনিও জলপাই গাজত্ ফল ন-ধুরিবাক্ আর খেদত্ ন-জোর্মেবাক্ হেবাত্তে কনঅ শোজ্য, যুনিও ভেড়ার ঘরত্ ন-থেবাক্ ভেড়া আর গোরু ঘরত্ ন-থেবাক্ গোরু,