১ রাজাবলী 18:3 - Chakma Bible

³ আহাবে ওবদিয়রে ডাগিনে পাদেল। রাজঘরর্‌ দেগাশুনোর্‌ ভারান্‌ ওবদিয়োর্‌ উগুরে এলঅ। লগেপ্রভুর উগুরে ওবদিয়োর্‌ ভোক্তিবলা বিশ্বেজ্ অমকদ এলঅ।

১ রাজাবলী 18:3 ပူးပေါင်းရင်းမြစ်များ

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

পত্থম 24:10

ইয়েন পরেদি সে চাগর্‌বো তা গিরোজ উটো ঝাগত্তুন্‌ দোশ্‌ছুয়ো উট নেযেল। পরেদি গিরোজর্ বেক্‌ পযাপিরানিত্তুন্‌ কিজু কিজু নেযেইনে তে অরাম-নহরয়িম দেজ ইন্দি যাহ্ ধুরিলো। সে জাগানর্‌ যে শঅরানত্‌ নাহোরে বজত্তি গুরিদো তে সিদু গেলঅ।

পত্থম 24:2

ঘরর্‌ বেগত্তুন্‌ পূরোণ গাবুর্‌বো উগুরে তার বেক্কানির ভারান্‌ এলঅ তারে তে একদিনে কলঅ, “তঅ আত্‌থান্‌ মঅ দামানাগানিত্‌ তলে রাগা।

পত্থম 39:9

এ ঘরত্‌ মঅ উগুরে আর কনজন্‌ নেই। তুই তার্‌ মোক্‌, সেনত্তে বানা তরে বাদে আর বেক্কুনোরে তে মঅ তলেদি রাগেয়্যে। এ অবস্থাত্‌ মুই কিঙিরিনে এদক্‌ দাঙর্‌ এক্কান্‌ জঘন্য কাম্‌ গুরিনে গোজেন মুজুঙোত্ পাব্‌ গুরি পারং?”

পত্থম 41:40

সেনত্তে রাজঘরর্‌ বেক ভারান তত্তুন লঅ পড়িবো। তঅ মুয়োর্‌ উগুম্‌ মানিনে মর্‌ বেক্‌ মানুচ্চুনে চুলিবাক্। বানা রাজা ইজেবে মুই তঅ উগুরে থেম্।”

পত্থম 42:18

তিন দিনোত্‌ যোষেফে তারারে কলঅ, “মুই যিয়েন কঙর্ সিয়েন্‌ গরঅ আর পরানান্‌ রোক্ষ্যে গরঅ, কিত্তে মুই গোজেনরে দরাং।

১ রাজাবলী 16:9

সিম্রি নাঙে তার্‌ ইক্কো সেনাপতি তা বিরুদ্ধে কুজুরোমি গুরিলো। এলার্‌ যেদক্কানি রথ এলঅ তার্‌ অদ্দেক্‌ ভারান্‌ এলদে সিম্রির উগুরে। এলা এ সময়োত্‌ অর্সার ঘরত্‌ মাত্তল্‌ অবাত্তে মদ হার্‌। এ অর্সার উগুরে তির্সার রাজঘরর্‌ দেগাশুনোর্‌ ভারান্‌ এলঅ।

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

১ রাজাবলী 18:2

সেনত্তে এলিয় আহাবরে দেগা দিবাত্তে গেলঅ। সেক্কে শমরিয়াত্‌ অমকদ ভাদরাত্‌ চলের্‌।

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

নহিমিয় 5:15

মাত্তর্‌ মঅ আগেন্দি যিদুক্কুন্‌ শাজন্‌গুরিয়্যে এলাক্‌ তারা মানুচ্চুনোর্‌ উগুরে অমকদ গুয়োর্‌ বুদি চাপি দুয়োন্‌ আর হানা-দানা আর আংগুর-রস বাদেয়ো তারাত্তুন্‌ পাচশঅ কুড়ি গ্রাম রূবো নিদাক্‌। তারার্‌ চাগর্‌-বাগরুনেয়ো মানুচ্চুনোর্‌ উগুরে চেলা চোদেদাক্‌। মাত্তর্‌ গোজেনর উগুরে ভোক্তিপূর্ণ দর্‌ থানাই মুই সেধোক্কেন্‌ কাম্‌ ন-গরঙ্‌,

নহিমিয় 7:2

মর্‌ ভেই হনানি আর তাম্বুলোর্‌ সেনাপতি হনানিয়রে মুই যিরূশালেমর কাম ভারান্‌ দিলুঙ্‌, কিত্যে হনানিয় গম্‌ মানুচ্‌ এলঅ আর গোজেনরে বেক্কুনোত্তুন্‌ বেশ্‌ ভোক্তিগুরিনে দোরেদ।

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

গীতসংহিতা 112:1

লগেপ্রভুরে নাঙ্ গিনে ওক্। যে লগেপ্রভুরে ভোক্তিপূর্ণ দরায় আরে তা উগুমে যে অমকদ হুজি অয় সিবে বর্ পেইয়্যে।

গম্ উপদেজ্ 14:26

লগেপ্রভু উগুরে ভোক্তিবলা দরত্তুন্ দোল্ আজা এজে আর তা ঝি-পুয়োগুনোত্তে আশ্রয়র জাগা থায়।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

মথি লেখ্যে গম্ হবর্ 25:17

যে দ্বি আজার্ দীনার্ পেলঅ তেয়ো সেবাবোত্যেগুরি আরঅ দ্বি আজার্ দীনার্ লাভ্ গুরিলো।

প্রেরিত্‌ 10:2

যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।