১ রাজাবলী 17:4 - Chakma Bible

⁴ তুই সে গঙার্‌ পানিগান হেবে আর সিদু তরে হানা দিবাত্তে মুই কবাগুনোরে ঠিগ্‌ গুরি রাগেয়োঙ্‌।”

১ রাজাবলী 17:4 ပူးပေါင်းရင်းမြစ်များ

১ রাজাবলী 13:28

সে পরেন্দি তে যেইনে দেগিলোদে পথ্‌তান উগুরে কিয়্যেগান পড়ি আঘে আর তার্‌ কায়-কুরে থিয়্যেই আগেদে গাধা আর সিংহবো। সিংহবো সে মরাকিয়্যেগান ন-হায় আর গাধাবোরেয়ো আঘাত্‌ ন-গরে।

১ রাজাবলী 17:3

“তুই এ জাগায়ান্‌ ছাড়িনে পূগেন্দি যাহ্ আর যর্দনর্‌ পূগেন্দি করীৎ গঙার্‌ পানি পারত্‌ পৌল্যেই থাগ্‌।

১ রাজাবলী 17:5

সেনত্তে লগেপ্রভু এলিয়রে যিয়েনি কলঅ তে সিয়েনি গুরিলো। তে যর্দনর্‌ পূগেন্দি করীৎ গঙার্‌ পানি পারত্‌ যেইনে থাহ্ ধুরিলো।

১ রাজাবলী 17:9

“তুই ইক্কিনে সীদোনর সারিফতত্‌ যেইনে থাগ্। তরে হানা যোগেবাত্তেই মুই সিদুগোর্‌ এক রানিমিলেরে ঠিগ্‌ গুরি রাগেয়োঙ্‌।”

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

ইয়োব 38:41

সারাল্যে কবাগুনোর্ ছঅগুনে যেক্কে গোজেন ইদু কানন্ আর হানার্ অভাবে ইন্দি-উন্দি ঘুরোন্, সেক্কেনে কন্না তারারে হানা যোগেব?

গীতসংহিতা 147:9

য়েমানুনো হানাগানি তেয়ই যোগেই দে; কবাগুনো ছঅগুনে যেক্কেনে ডগরন্ সেক্কেনে তেয়ই তারারে হানা দে।

যোনা 2:1

যোনা সেই মাছ পেদত্তুন্ তার্ গোজেন লগেপ্রভু ইধু তবনা গুরিলো। তে কলঅ, ও লগেপ্রভু, মর্ দুঘোর্ সময়োত্ মুই তরে ডাগিলুং আর তুই মরে জোব্ দিলে। মরণ জাগানর্ গভিনোত্তুন্ মুই এযালত্তে ডাগিলুং আর তুই মঅ কানানিগান শুনিলে।

গণাণা 20:8

“তুই সেই লুুদিক্কো নেযা আর তুই আর তর্‌ ভেই হারোণে ইস্রায়েলীয়গুনোরে এক্কান জাগাত্‌ এগত্তর্‌ গরঅ। উই যে দাঙর্‌ পাত্তর্‌বো আঘে তুই ইস্রায়েলীয়গুনো মুজুঙোত্‌ সিবেরে কঅ আর সেক্কে সিবে পানি দিবো। ইস্রায়েলীয়গুনে আর তারার্‌ য়েমানপালুন্‌ যেনে খেই পারন্‌ সেনত্তে তুই তারাত্তে পাত্তরত্তুন্‌ পানি নিগিলেই আনিবে।”

মথি লেখ্যে গম্ হবর্ 4:11

সেক্কে শদান্নো তারে ফেলেই গেলগোই, আর স্বর্গদূত্তুনে এইনে তার্ সেবা যত্তন্ গরা ধুরিলাক্।

মথি লেখ্যে গম্ হবর্ 4:4

যীশু জোবত্ কলঅ, “পবিত্র বোইয়োত্ লেগা আঘে, মানুচ্ বানা রুটিলোই ন-বাজন্, মাত্তর্ গোজেনর্ পত্তি মুয়ো কধালোই বাজন্।”