১ রাজাবলী 16:3 - Chakma Bible

³ সেনত্তে তরে আর তর্‌ বংশবোরে মুই শেজ্‌ গুরিবাত্তে যাঙর্‌। মুই তর্‌ বংশবোরে নবাটর পূঅ যারবিয়ামর বংশ ধোক্ক্যেন্ গুরিম্‌।

১ রাজাবলী 16:3 ပူးပေါင်းရင်းမြစ်များ

১ রাজাবলী 14:10

ইয়েনত্তে মুই যারবিয়াম বংশবো উগুরে যাদিমাদি দযা আনি দিম্‌। তার্‌ বংশবোত্তুন্‌ বেক্‌ মরত্তুনোরে মুই শেজ্‌ গুরি দিম-তে চাগর্‌ ওক্‌ বা গিরোজ্‌ ওক্‌। মানুচ্চুনে যেধোক্কেন গুরিনে ঝান্দালোই ঘু-কাজান্‌ সেধোক্কেন গুরিনে মুই যারবিয়ামর্‌ বংশবোরে এক্কুবারে শেজ্‌ গুরি দিম্‌।

১ রাজাবলী 14:11

তার্‌ বংশত্‌ যিদুক্কুন্‌ মানুচ্‌ শঅরত্‌ মুরিবাক্‌ তারারে কুগুরে হেবাক্ আর যিগুনে মাদ ভিদিরে মুরিবাক্‌ তারারে পেগে হেবাক্‌। মুই লগেপ্রভু এ কধাগান কঙর্‌।

২ রাজাবলী 9:9

মুই তার্‌ বংশবোরে নবাটর পুয়ো যারবিয়ামর বংশবো ধোক্ক্যেন্‌ গুরিম আর অহিয়োর পূয়ো বাশার বংশ ধোক্ক্যেন্‌।

যিশাইয় 66:24

তারা নিগিলিনে সেই বেক্ মানুচ্চুনোর মরা কিয়্যেগানি দেগিবাক্ যিগুনে মঅ বিরুদ্ধে উল্লোমী গোজ্যন। যিদুক্কুন পুগে তারার্ মরা কিয়্যেনি হান্ সিগুনে ন-মুরিবাক্ আর যে আগুনানে তারারে পুড়ে সিয়েন ন-মুরিবো, আর তারা বেক্ মানুচ্চুনোর ঈচ্ গরেদে মানুচ্ অবাক্।”

যিরমিয় 22:19

গাধারে যেবাবোত্যেগুরি গোর্ দিয়্যে অয় সেবাবোত্যেগুরি তারে গোর্ দিয়্যে অবঅ; তারে টানিনে যিরূশালেমর গেদো বারেদি ফেলেই দিয়্যে অবঅ।”