১ রাজাবলী 16:2 - Chakma Bible

² “ও বাশা, মুই তরে ধূল্যেত্তুন্‌ তুলি আনিনে মঅ মানুচ্‌ ইস্রায়েলীয়গুনোর নেতা বানেয়োং। মাত্তর্‌ তুই যারবিয়ামর্‌ পধেন্দি যর্‌ আর মঅ মানুচ্‌ ইস্রায়েলীয়গুনোরে দিইনে পাপ গোরেয়োচ্‌ আর সে পাপর্‌ কারণে মরে বেজার্ গোজ্যচ্‌।

১ রাজাবলী 16:2 ပူးပေါင်းရင်းမြစ်များ

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

১ রাজাবলী 14:7

তুই যেইনে যারবিয়ামরে এ কধাগান কঅ, ইস্রায়েলর গোজেন লগেপ্রভু কত্তে, মুই মানুচ্চুনো ভিদিরেত্তুন্‌ তরে দাঙর্‌ বানেয়োং আর মর্‌ মানুচ্‌ ইস্রায়েলীয়গুনো উগুরে নেতা বানেয়োং।

১ রাজাবলী 15:26

লগেপ্রভুর চোগোত্‌ যিয়েনি বজং তে সিয়েনি গুরিদো। তে তার্‌ বাবঅ ধোক্ক্যেন্ চলিদো, অত্তাৎ তা বাপ্পো ইস্রায়েলীয়গুনোরে দিইনে যেধোক্ক্যেন্ পাপ গোজ্যে তেয়ো সেধোক্ক্যেন্ গুরিলো।

১ রাজাবলী 15:34

তে লগেপ্রভুর্‌ চোগোত্‌ যিয়েনি বজং সিয়েনি গুরিদো। তে যারবিয়াম ধোক্ক্যেন্ চলিদো, অত্তাৎ যারবিয়ামে যেধোক্কেন ইস্রায়েলীয়গুনোরে দিইনে পাপ গুরিদো তেয়ো সেধোক্ক্যেন্ গুরিদো।

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

যিরমিয় 7:18

পুয়ো-ছাগুনে দার্‌বো কুড়োন, বাব্‌‌‍‌‍পুনে আগুন জ্বালান্ আর মিলেগুনে মোয়দ্যে মেগন্ আর আগাজ-রানির নাঙে পিধে বানান্। মরে দুঘ্ দিবাত্তে তারা দেব-দেবেদার নাঙে ঢাল্যে-উৎসর্বর অনুষ্ঠান গরন।

মথি লেখ্যে গম্ হবর্ 5:19

সেনত্তে উগুমানি ভিদিরে চিগোন্ এক্কান উগুম্অ যে কনজনে অমান্য গরে আর মান্‌‌জ্যরে সিয়েনি অমান্য গুরিবাত্তে শিক্ষ্যে দে তারে স্বর্গ-রেজ্যত্ বেগত্তুন্ চিগোন্ বিলি কুয়ো অবঅ। মাত্তর্ যে কনজনে সে উগুমানি মানে আর শিক্ষ্যে দে তারে স্বর্গ-রেজ্যত্ দাঙর্ কুয়ো অবঅ।

লূকে লেখ্যে গম্ হবর্ 1:52

সিংহাসনত্তুন্ রাজাগুনোরে তে লামেই দিয়্যে, মাত্তর্ সাধারন মানুচ্চুনোরে তুলি ধোজ্যে।

১ শমূয়েল 2:24

নাদে, নাদে, মর্‌ পূঅগুন, লগেপ্রভুর মানুচ্চুনোর যেদক্কানি কধা কুয়ো কি গত্‌‌তে শূন্যং সিয়েনি গম্‌ নয়।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।

১ শমূয়েল 26:19

মর্‌ মহারাজ, মর্‌ প্রভু, ইক্কিনে দোয়্যে গুরিনে তর্‌ চাগরবোর্‌ কধানি শুন্‌। যুনি লগেপ্রভুই তরে মর্‌ বিরুদ্ধে থিয়্যেই রাগায় সালে মর্‌ গোজ্যে উৎসর্ব তাইদু গুঝি নেযাইদে ধোক্ক্যেন্‌ ওক্। মাত্তর্‌ যুনি মান্‌জ্যে সিয়েন্‌ গুরি থান্‌ সালে তারা উগুরে যেনে লগেপ্রভুর অভিশাব লামি এজে, কিত্যে তারা এচ্চ্যে লগেপ্রভুর দিয়্যে সোম্বোত্তিত্‌ মর্‌ যে ভাক্‌কো আঘে সিয়োত্তুন্‌ মরে ধাবেই দিবার্‌ চেট্ট্যা গত্তন্‌। তারা কদন্দে, ‘আদি যঅ, দেব-দেবেদার পূজো যেইনে গরঅ।’