১ রাজাবলী 16:1 - Chakma Bible

¹ সেক্কে বাশার বিরুদ্ধে হনানির পূঅ যেহূর ইদু লগেপ্রভুর এ কধাগান ফগদাং অলঅ,

১ রাজাবলী 16:1 ပူးပေါင်းရင်းမြစ်များ

১ রাজাবলী 15:33

যিহূদার রাজা আসার রাজাগিরির তিন বজরত্‌ পুরো ইস্রায়েল দেজর্‌ উগুরে অহিয়োর পূঅ বাশা তির্সাত্‌ রাজাগিরি গরা আরাম্ভ গুরিলো। তে চোব্বিশ বজর্‌ রাজাগিরি গুরিলো।

১ রাজাবলী 16:7

হনানির পূঅ ভাববাদী যেহূর মাধ্যমে বাশা আর তার্‌ বংশগুনোর্‌ বিরুদ্ধে লগেপ্রভুর কধানি ফগদাঙ্‌ ওইয়্যে, কিত্তেই যারবিয়ামর্‌ বংশগুনো ধোক্ক্যেন্ তে লগেপ্রভুর চোগোত্‌ যিয়েনি বজঙ্‌ সিয়েনি গুরিনে লগেপ্রভুরে বেজার্ গোজ্যে আর যারবিয়ামর্‌ বংশবোরে ভস্ত গুরি দিয়্যে।

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

২ বংশধর 19:2

সেক্কে হনানির পুয়ো দর্শক যেহূ নিগিলিনে তাইদু যেইনে কলঅ, “পাজিগুনোরে বল্‌ দেনা আর যিগুনে লগেপ্রভুরে ঘিনান্‌ তারারে কোচ্‌পানা কি তর্‌ উজিত্‌ ওইয়্যে? ইয়েনত্তে লগেপ্রভুর রাগ্‌কান্‌ তঅ উগুরে লামি এচ্ছ্যে।

২ বংশধর 20:34

যিহোশাফটর অন্য কামর্‌ কধানি পৌইল্যাত্তুন্‌ ধুরি থুম্‌ সং হনানির পুয়ো যেহূ লেখ্যে; সিয়েনি “ইস্রায়েলর রাজাগুনোর বিজগ” নাঙে বোইবোত্‌ পাহ্ যায়।

যিরমিয় 32:18

তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;