১ রাজাবলী 15:9 - Chakma Bible

⁹ ইস্রায়েলর রাজা যারবিয়ামর রাজাগিরি গরানার্‌ কুড়ি বজরত্‌ আসা যিহূদার রাজা অলঅ।

১ রাজাবলী 15:9 ပူးပေါင်းရင်းမြစ်များ

১ রাজাবলী 15:10

তে একচোল্লিশ বজর্‌ যিরূশালেমত্‌ রাজাগিরি গোজ্যে। তা বরঙাবোর্‌ নাঙান্‌ এলদে মাখা। তে এলদে অবীশালোমর্‌ ঝি।

১ রাজাবলী 15:8

পরেন্দি অবিয়ামে তার্‌ পূরোণি মানুচ্চুনোর্‌ ইদু গেলগোই, আর দায়ূদ-শঅরত্‌ তারে গোর্ দিয়্যে অলঅ। তা জাগানত্‌ তার্‌ পূঅবো আসা রাজা অলঅ।

২ বংশধর 13:20

অবিয়র সময়োত্‌ যারবিয়ামে আর দরমর ওইনে উদি ন-পারিলো। পরেন্দি লগেপ্রভু তারে আঘাত্‌ গুরিলে তে মুরি গেলঅ।

২ বংশধর 14:1

পরেন্দি অবিয় তার্‌ পূরোণি মানুচ্চুনো ইদু গেলগোই আর তারে দায়ূদ-শঅরত্‌ গোর্ দিয়্যে অলঅ। তা জাগানত্‌ তার্‌ পুয়ো আসা রাজা অলঅ। আসার সময়োত্‌ দশ বজর সং দেজত্‌ সুঘ্-শান্দি এলঅ।

২ বংশধর 15:8

আসা বেক্‌ কধানি শুনিনে, অত্তাৎ ওদেদর পুয়ো ভাববাদী অসরিয়য় ভবিচ্চদর্‌ কধানি শুনিনে সাহস পেলঅ। তে যিহূদা আর বিন্যামীনর পুরো চাগালাত্তুন্‌ আর তার্‌ গজক্‌ গোজ্যে ইফ্রয়িমর মুড়োমুড়ি চাগালার আদাম আর শঅরানিত্তুন্‌ জঘন্য বানেয়্যে মূত্তিগুন্‌ ভস্ত গুরি দিলো। তে লগেপ্রভুর ঘরর্‌ আস্‌ছালা মুজুঙোত্‌ রাগেয়্যে লগেপ্রভুর ঢালিঘরান্‌ ঠিগ্‌ গুরিলো।