১ রাজাবলী 15:4 - Chakma Bible

⁴ তো দায়ূদো কধানি মনত্‌ ন-পড়িনে তা গোজেন্‌ লগেপ্রভু তারে যিরূশালেমত্‌ ইক্কো মানেক্‌ দিলো, অত্তাৎ তার সিংহাসনত্‌ বুজিবাত্তে তারে ইক্কো পূঅ দিলো আর যিরূশালেমানরে ভস্ত অনার্ আঢত্তুন্‌ রোক্ষ্যে গুরিলো,

১ রাজাবলী 15:4 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

পত্থম 26:5

কিত্তে অব্রাহামে মর্‌ বাধ্য থেইনে মর্‌ বেক্‌ দাবিগানি, সুদোমানি আর উগুমানি পালেয়্যে।”

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

১ রাজাবলী 11:12

মাত্তর্‌ তঅ বাপ্পো দায়ূদোর কধা মনত্‌ গুরিনে তঅ জিংকানিত্‌ মুই সিয়েন ন-গুরিম্‌, মাত্তর্‌ তঅ পূঅবোর্‌ আঢত্তুন্‌ মুই সিয়েনি কারি লোম্‌।

১ রাজাবলী 11:32

মাত্তর্‌ মঅ চাগর্‌বো দায়ূদোত্তে আর ইস্রায়েলর বেক্‌ গুট্টিগুনোর চাগালাত্তুন্‌ মর্‌ বেই লোইয়্যে যিরূশালেমত্তে বানা ইক্কো গুট্টি শলোমনর্ আঢত্‌ থেবঅ।

১ রাজাবলী 11:36

মর্‌ থেবারঘর্‌ ইজেবে বেঈ লোইয়্যে যিরূশালেম শঅরত্‌ যেইনে মর্‌ মুজুঙোত্‌ মঅ চাগর্‌ দায়ূদোর ইক্কো বংশ থায় সেনত্তে মুই তা পূঅবোরে ইক্কো গুট্টির্‌ ভারান্‌ দিম্‌।

২ বংশধর 21:7

তো লগেপ্রভু দায়ূদোত্তে যে সুদোমান্‌ থিদেবর্ গোজ্যে সেনত্তে তা বংশবোরে তে ভস্ত গুরিবাত্তে ন-চেলঅ। তে দায়ূদ আর তার্‌ বংশধরুনোরে উমরত্তে এক্কো চেরাগ্‌ দিবো বিলিনে এগেম্ গোজ্যে।

গীতসংহিতা 132:17

মুই সিদু দায়ূদোত্তে এক্কো খেমতাবলা বংশ তুলি দিম; মর্ অভিষেগ্ গোজ্যে মানুচ্চুনোত্তে মুই এক্কো চেরাগ্ জ্বালেবার সুদোম্ গোজ্যং।

গীতসংহিতা 18:28

তুই মর্ জিংকানি-চেরাগ্‌কো জ্বালেই রাগা; মর্ গোজেন লগেপ্রভু মর্ আন্ধারানরে পহ্‌র্ গর্।

গীতসংহিতা 87:5

আর সিয়োন পৌইদ্যেনে কুয়ো অবঅ, “নানান্ জাদর মানুচ্ সিদু জর্মেয়োন; দাঙর্ গোজেনে নিজে সিয়োনানরে তুলি ধুরিবো।”

যিশাইয় 14:32

এ জাদর্ দূত্‌তুনোরে কি জোব্ দিয়্যে যেবঅ? তারারে কুয়ো অবঅ, “লগেপ্রভু সিয়োনানরে থিদেবর্ গোজ্যে আর সিয়েন ভিদিরে অত্যেচার্ ওইয়্যে তা মানুচ্চুনে আশ্রয় পেবাক্।”

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 33:2

লগেপ্রভু কলঅ, মঅ নাঙান্ লগেপ্রভু, মুই কাম্ গরং; যে কামানি মুই গরং সিয়েনির পরিকল্পনা গরং আর সিয়েন থুম্ গরং। মুই কঙর্,

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

রোমীয় 11:28

গম্ হবর্ ইন্দিত্তুন্ তমার্ ভালেদিত্তে তারা ইক্কিনে গোজেনর্ শত্রু। মাত্তর্ গোজেনর্ বেঈ লয়দ্যে ইন্দিত্তুন্ পূরোণি মানুচ্চুনোত্তে তারা গোজেনর্ কোচ্‌‌পেইয়্যে মানুচ্।

দ্বি’লম্বর বিররণ 4:37

তে তমার পুরোণি মানুচ্চুনোরে কোচ্‌পেদঅ আর তারার্‌ পরেন্দি তারার্‌ বংশধরুনোরে বেঈ লোইয়্যে। সেনত্তে তে নিজে আঝিল্ ওইনে তার্‌ দাঙর্‌ বলান্দোই মিসর দেজত্তুন্‌ তমারে নিগিলেই আন্যে।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”