১ রাজাবলী 13:6 - Chakma Bible

⁶ সেক্কে রাজা গোজেনর্‌ মানুচ্চোরে কলদে, “তুই তর্‌ গোজেন্‌ লগেপ্রভুরে কোজোলি গর্‌ আর মত্তে তবনা গর্‌ যেনে মঅ আঢ্‌তান্‌ আরঅ গম্‌ ওই যায়।” যেক্কে গোজেন মানুচ্চো লগেপ্রভুরে কোজোলি গুরিলো সেক্কে রাজার আঢ্‌তান্‌ আরঅ গম্‌ ওইনে আগঅ ধোক্কেন্‌ অলঅ।

১ রাজাবলী 13:6 ပူးပေါင်းရင်းမြစ်များ

১ রাজাবলী 13:5

সিয়েনবাদেয়ো লগেপ্রভুর কধামজিম্‌ গোজেন মানুচ্চোর্‌ কোইয়্যে চিহ্নো মজিম্ ডালিপূজোবো ফাদি গেলঅ আর সিবের্‌ ছেইয়ান্‌ পড়ি গেলঅ।

গীতসংহিতা 119:58

মুই মনান দিইনে তর্ দোয়্যে চেইয়োং; তর্ কধা মজিম্ তুই মঅ উগুরে দোয়্যে গর্।

যাত্রা 10:17

সেনত্যে দোয়্যে গুরিনে তুমি এবার ধোক্ক্যেন মঅ পাপ্পানি ক্ষেমা গরঅ। তমার গোজেন লগেপ্রভু ইধু কোজোলী গুরি দুয়ো যেনে তে মঅ উগুরেত্তুন্‌ এ মরণর্‌ ছাবাবো সোরেই নেযায়।”

যাত্রা 12:32

তমা কধা মজিম যেবার্‌ অক্তত্‌ তমা গোরু-ভেড়াছাগল ঝাক্কুন্‌অ নেযেবা, আর মরেয়ো বর্ দুয়ো।”

যাত্রা 8:28

ফরৌণে কলঅ, “তমা গোজেন লগেপ্রভুর্‌ নাঙে য়েমান্‌ উৎসর্ব গুরিবাত্তে মুই ধূল্যেচর-চাগালাত্‌ তমারে যেবাত্তে দিম্‌। মাত্তর্‌ তুমি বেশ্‌ দূরোত্‌ ন-যেবা। এবেরা তুমি মত্তে কোজোলী গরঅ।”

যাত্রা 8:4

সেই বেঙুনে তঅ উগুরে আর তঅ মানুচ্চুনো উগুরে আহ্ তর্‌ কাম্‌ গুরিয়্যেগুনো উগুরে যেইনে কিয়্যেত্‌ উদিবাক্।’ ”

যাত্রা 8:8

ফরৌণে সেক্কে মোশি আর হারোণরে ডাগি আনিনে কলঅ, “তুমি লগেপ্রভু ইধু কোজোলী গরঅ যেনে তে মত্তুন্ আর মঅ মানুচ্চুনো উগুরেত্তুন্‌ এ বেঙ ভানাগান্‌ সোরেই নেযায়্‌। সেক্কে মুই মানুচ্চুনোরে যেবাত্তে দিম যেনে তারা যেইনে লগেপ্রভুর্‌ নাঙে য়েমান্‌ উৎসর্ব গুরি পারন।”

যাত্রা 9:28

তুই লগেপ্রভু ইধু কোজোলী গর্‌। আগাজ বাজ্ আর শিল্‌ পড়ানা জদবদে ওইয়্যে। এবেরা মুই তমারে যেবাত্তে দিম। ইধু আর তমাত্তুন্‌ থাহ্ ন-পড়িবো।”

যিরমিয় 37:3

তো একদিন্যে রাজা সিদিকিয় শেলিমিয়র পুয়ো যিহূখল আর মাসেয়র পুয়ো ধর্মগুরু সফনিয়রে এ হবরান দিইনে যিরমিয় ইধু পাধেই দিলো, “তুই দোয়্যে গুরিনে আমাত্তে আমা গোজেন লগেপ্রভু ইধু তবনা গর্।”

সখরিয় 7:2

সে অক্তত্ লগেপ্রভুর আশিদ্‌বাদ চেবাত্তে বৈথেলর মানুচ্চুনে শরেৎসররে, রেগম্মেলকরে আর তারা মানুচ্চুনোরে পাধেই দিলো।

গণাণা 12:13

সেক্কে মোশি জগার পারিনে লগেপ্রভুরে ডাগিনে কলঅ, “ও গোজেন, তুই তারে গম্‌ গুরি দে।”

গণাণা 21:7

সেক্কে মানুচ্চুনে যেইনে মোশিরে কলাক্, “লগেপ্রভু আর তর্‌ বিরুদ্ধে কধা কোইনে আমি পাপ গোজ্জ্যেই। তুই ইক্কিনে লগেপ্রভুরে কোজোলী গুরিদে যেনে তে এই বেক্‌ সাপ্পুন্‌ আমা মুজুঙোত্তুন্‌ সোরেই নেযাই।” সেক্কে মোশি মানুচ্চুনোত্তে কোজোলী গুরিলো।

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

লূকে লেখ্যে গম্ হবর্ 23:34

সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।

প্রেরিত্‌ 7:60

পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

প্রেরিত্‌ 8:24

সেক্কে শিমোনে কলঅ, “তুমি প্রভু ইধু মত্যেই তবনা গরঅ যেন তুমি যিয়েন কোইয়ো সিয়েন মঅ উগুরে ন-ঘদে।”

রোমীয় 12:14

যিগুনে তমারে অত্যেচার্ গরন্ তারার্ অমংগল ন-চেইয়ো বরং মংগল চেইয়ো।

রোমীয় 12:21

ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।

১ শমূয়েল 12:19

বেক্কুনে সেক্কে শমূয়েলরে কলাক্, “তুই তর্‌ গোজেন লগেপ্রভুর ইদু তর্‌ এই চাগরুনোত্তেই তবনা গুরিচ্‌ যেনে আমি মারা ন-পুরিই, কিত্যে রাজাবো চেইনে আমি আমার অন্য বেক্‌ পাপ্পানির লগে এই পাপ্পানিয়ো মিজেয়্যেই।”

১ শমূয়েল 12:23

মুই যেনে কনদিন্অ তমাত্তে তবনা গরানা বন্ধ গুরিনে লগেপ্রভুর বিরুদ্ধে পাপ ন-গরং। মুই তমারে সৎ আর ন্যায়পদেন্দি আদিবাত্তে শিক্ষা দিম্‌।