১ রাজাবলী 13:2 - Chakma Bible

² তে লগেপ্রভুর কধামজিম্‌ ডালিপূজোবোর্‌ বিরুদ্ধে ফগদাং গুরিলো, “ও ডালিপূজো, ও ডালিপূজো, লগেপ্রভু এ কধাগান কত্তে, ‘দায়ূদোর্‌ বংশত্‌ যোশিয় নাঙে ইক্কো পূঅর্‌ জর্ম অবঅ। পূজোর্‌ অজল্‌ জাগানিত্‌ যে ধর্মগুরুগুনে ইক্কিনে তঅ উগুরে এ্যমান্‌ উৎসর্ব গত্তন্‌ সে ধর্মগুরুগুনোরে তে তঅ উগুরে উৎসর্ব গুরিবো আর মান্‌জ্যর্‌ আড়ুন্‌অ পুড়িবো।’”

১ রাজাবলী 13:2 ပူးပေါင်းရင်းမြစ်များ

১ রাজাবলী 13:32

কিত্তেই বৈথেলর ডালিপূজোবো আর শমরিয়ার বেক্‌ আদামর্‌ পূজোর্‌ অজল্‌ জাগায়ানি মন্দিরোর্‌ বিরুদ্ধে লগেপ্রভুর্‌ কধামজিম্‌ তে যে পৌইদ্যেনে ফগদাঙ্‌ গোজ্যে সিয়েন্‌ হামাক্কাই ফলিবো।”

২ বংশধর 34:1

যোশিয় আস্‌তো বজর্‌ বয়জত্‌ রাজা ওইয়্যে আর এগত্রিশ বজর্‌ যিরূশালেমত্‌ রাজাগিরি গোজ্যে।

২ বংশধর 34:3

তার্‌ রাজাগিরির্‌ আস্‌তো বজরত্‌ তা বয়জছান্‌ কম্‌ থেলেয়ো তে তার্‌ পূরোণি মানুচ্‌ দায়ূদোর গোজেন আওজ্ মজিম্‌ আদিবাত্তে মনান্‌ ঠিগ্‌ গুরিলো। রাজাগিরির বার বজর অক্তত্‌ তে পূজোর্‌ বেক্‌ অজল্‌ জাগায়ানি, আশেরা-খুদোগুন, সাজিনে বানেয়্যে মূত্তিগুন্‌ আর ছাজিনে ঢাল্যে মূত্তিগুন্‌ যিহূদা আর যিরূশালেমত্তুন্‌ দূর্‌ গুরি দিয়্যে ধুরিলো।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 42:9

চাহ্, পুরোণি ঘটনাগানি ঘুদি যেইয়্যে আর ইক্কিনে মুই নুয়ো ঘটনাগানির্ কধা ফগদাং গুরিম; সিয়েনি ঘুদিবার আগেদি তমাইদু সিয়েনি জানাঙর্।”

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 1:2

যিহূদার রাজা আমোনর পুয়ো যোশিয়র রাজাগিরির তের বজরত্ লগেপ্রভুর কধানি যিরমিয় ইধু ফগদাং ওইয়্যে।

যিরমিয় 22:29

ও দেজ্, দেজ্, দেজ্, লগেপ্রভুর কধানি শুন।

যিহিষ্কেল 36:1

পরেদি লগেপ্রভু মরে কলঅ, ও মান্‌‌‌‌জ্যর পুয়োবো, ইস্রায়েলর মুড়ো-মুড়ি ইধু আগাম্ কধা কঅ আর প্রভু লগেপ্রভুর এই কধানি তারারে শুনিবাত্তে কঅ, শত্রুবো তারা পৌইদ্যেনে কোইয়্যেদে, বাঃ! পুরোণ অজল্ জাগায়ানি আমা গজগত্ এচ্চ্যে।

যিহিষ্কেল 36:4

সেনত্তে ও ইস্রায়েলর মুড়ো-মুড়িগুন, তুমি মঅ কধা শুনো। ও দাঙর্ দাঙর্ আর চিগোন্ চিগোন্ মুড়োগুন, খাট্যং আর কলগ্‌‌‌‌‌কানি, মানুচ্ নেইয়্যে বেক্ ভস্তর্ জাগানি আর তমা চেরোকিত্তে অন্য জাদ্‌‌‌‌‌তুনে যিগুনোরে লুদেয়্যে আর আজি এজে পারা গোজ্যন্ সেই বেক ছাড়ি যেইয়্যে শঅরানি,

যিহিষ্কেল 38:4

মুই তরে পিজেদি ঘুরিনে তর্ মাড়িগানত্ হেবা লাগেম্ আর তর্ পুরো সৈন্যদলর লগে, অত্তাৎ বেক্ ঘোড়া, দোল্ কাবড় উজ্যে বেক্ ঘোড়া চালেয়্যেগুন আর চিগোন্-দাঙর্ ঢাল আর লাম্বাছুরি সুদ্ধো এক্কো দাঙর্ দল সমারে তরে নিগিলেই আনিম।

লূকে লেখ্যে গম্ হবর্ 19:40

যীশু তারারে কলঅ, “মুই তমারে কঙর্, ইগুনে যুনি জুরো গুরি থান্ সালে পাত্তরুনে জগার্ পারি উদিবাক্।”

দ্বি’লম্বর বিররণ 32:1

ও দাঙর্‌ আগাজ্‌, মর্‌ কধানি শুনিজ্‌; ও পিত্‌থিমীগান, মর্‌ মুয়োর কধানি শুন্‌।