১ রাজাবলী 13:18 - Chakma Bible

¹⁸ জোবত্‌ সে ভাববাদীবো কলঅ, “মুই তঅ ধোক্কেন্‌ ইক্কো ভাববাদী। লগেপ্রভুর কধামজিম্‌ ইক্কো স্বর্গদূতে মরে কোইয়্যেদে যেনে মুই তরে মঅ ঘরত্‌ ফিরেই নেযাং যেনে তুই হানা আর পানি হেই পারচ্‌।” মাত্তর্‌ তে তারে মিজে কধা কলঅ।

১ রাজাবলী 13:18 ပူးပေါင်းရင်းမြစ်များ

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

মথি লেখ্যে গম্ হবর্ 7:15

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

গণাণা 22:35

লগেপ্রভুর দূত্‌তো বিলিয়মরে কলঅ, “তুই উই মানুচ্চুনো সমারে যাহ্, মাত্তর্‌ মুই তরে যিয়েনি কবাত্তে কোম্‌ তুই বানা সিয়েনি কবে।” বিলিয়মে সেক্কে বালাকে পাদেয়্যে নেতাগুনো সমারে গেলঅ।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

যিহিষ্কেল 13:22

যে গম্ মানুচ্চুনোরে মুই দুঘ্ ন-দুয়োং, মিজে কধা কোইনে তুমি তারারে আশানেইয়্যে ন গোজ্য আর পাজি মানুচ্চুনোরে তুমি উচ্চোমি দুয়ো যেনে তারা পরাণানি বাজেবাত্তে ভান্ন্যেই পধত্তুন্ ন-ফিরোন্।

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

যিরমিয় 23:17

যিগুনে মরে ঈচ্ গরন তারা ইধু সেই ভাববাদীগুনে এ কধাগান কন, ‘লগেপ্রভু কোইয়্যেদে, তমার শান্তি অবঅ’; আর যিগুনে নিজোর মন একগেয়েমীলোই চলন তারা তারারে কন, ‘তমার কনঅ দযা ন-অবঅ।’

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 5:12

তারা লগেপ্রভুর পৌইদ্যেনে মিজে কধা কদন্। তারা কদন, “তে কিচ্চু ন-গুরিবো। আমার কনঅ খেতি ন-অবঅ; আমি কনদিন্‌অ যুদ্ধো বা ভাদড়াত্ ন-দেগিবোং।

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

বিচের গুরিয়্যেগুন 13:3

লগেপ্রভুর দূত্তো তা মোক্কোরে দেগা দিইনে কলঅ, “তুই ভাঝ্‌ বিলিনে তর্‌ কনঅ ঝি-পূঅ ন-অন্‌, মাত্তর্‌ তুই পিদিলী অবে আর তর্‌ এক্কো পূঅ অবঅ।

গালাতীয় 1:8

মাত্তর্ যে গম হবরান্ আমি তমা ইধু প্রচার গোজ্জ্যেই সিয়েনত্তুন্ যুদো কনঅ গম্ হবর্ যুনি তমা ইধু প্রচার গরা অয়, সিয়েন আমি নিজে গুরিই বা কনঅ স্বর্গদূতে গরে, মাত্তর্ তা উগুরে অভিশাব্ পোড়োক্।

১ তীমথিয় 4:1

পবিত্র আত্মাগানে গমেডালে কোইয়্যেদে, ভবিচ্চ্যদে কুদুক্কুন মানুচ্‌ খ্রীষ্টীয় ধর্ম-বিশ্বেজত্তুন্ সুরি যেবাক্ আর ছলনাগুরিয়্যে আত্মা আর ভান্ন্যেই আত্মাগুনোর্ শিক্ষ্যে ইন্দি মনানি দিবাক্।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

১ রাজাবলী 13:19

গোজেন মানুচ্চো সেক্কে তা সমারে ফিরি গেলঅ আর তা ঘরত্‌ হানা-দানা গুরিলো।

১ রাজাবলী 20:35

লগেপ্রভুর উগুমে শিচ্চ্য-ভাববাদীগুনো ভিদিরে একজনে তা সমাজ্যেবোরে কলঅ, “দোয়্যে গুরিনে মরে আঘাত্‌ গর্‌।” মানুচ্চো সেক্কে রাজী ন-অলঅ।

গম্ উপদেজ্ 12:19

সত্য কধা কোইয়্যেবোর কধানি জিংকানিবর্ এক্কুই, মাত্তর্ মিজে কধা কোইয়্যেবোর কধানি কয়েক দিনোত্তে।

গম্ উপদেজ্ 12:22

মিজেকধলোই ভরা মুয়োনরে লগেপ্রভু ঘিনাই, মাত্তর্ যে মানুচ্চুনে গমেডালে চলন্ তারা উগুরে তে হুজি অয়।

গম্ উপদেজ্ 19:5

মিজে সাক্ষিগুনে সাজা পেবাক্কে পেবাক্; যে সাক্ষিবো মিজে কধা কয় তে রেহাই ন-পেবঅ।

যিশাইয় 36:10

সিয়েন বাদে মুই কি লগেপ্রভুত্তুন্ অনুমতি ন-নিইনে এ দেজ্‌‍‍চান আক্রমন আর ভস্ত গুরিবাত্তে এচ্চ্যং? এ দেজ্‌চান বিরুদ্ধে যুদ্ধো গুরিনে সিয়েন ভস্ত গুরি ফেলেবাত্তে লগেপ্রভু নিজেই মরে কোইয়্যে।’ ”

যিরমিয় 29:31

“তুই বেক বন্দীগুনো ইধু এ হবরান পাধেই দে, নিহিলামীয় শমরিয় পৌইদ্যেনে লগেপ্রভু কোইয়্যেদে, ‘মুই শময়িয়রে ন-পাদাং, তো তে তমা ইধু নিজোরে ভাববাদী ইজেবে দেগেইনে মিজে কধালোই তমারে বিশ্বেজ্ গোরেয়্যে।

যিরমিয় 29:32

মুই হামাক্কায় নিহিলামীয় শময়িয় আর তা বংশধরুনোরে সাজা দিম। এ জাদ্‌‌‌তো ভিদিরে তার কনজন ন-থেবাক্ আর মুই মঅ মানুচ্চুনোত্তে যেদক্কানি ভালেদি গুরিম সিয়েনঅ তে ন-দেগিবো, কিত্তে তে মঅ বিরুদ্ধে উল্লোমী ফগদাং গোজ্যে। মুই লগেপ্রভু এ কধাগান কঙর্।’ ”

যিহিষ্কেল 13:8

মুই প্রভু লগেপ্রভু কঙর্, তারার্ মিজে কধানি আর মিজে দর্শনানিত্তে মুই তারা বিরুদ্ধে।

পত্থম 3:13

সেক্কে লগেপ্রভু গোজেনে সে মিলেবোরে কলঅ, “তুই ইয়ান্‌ কি গোজ্যচ্‌?” মিলেবো কলঅ, “সেই সাপ্পো মরে ছলনা গুরি ভুলেয়্যে সেনত্যে মুই সিগুন হেইয়োং।”

পত্থম 27:24

তো তে তারে আরঅ পুযোর্‌ গুরিলো, “তুই কি হামাক্কায়্‌ মর্‌ পুয়ো এষৌ?” যাকোবে কলঅ, “অয়্‌, বাবা।”

১ রাজাবলী 22:22

লগেপ্রভু পুযোর্‌ গুরিলো, ‘কেধোক্ক্যেন্ গুরি গুরিবে?’ তে কলঅ, ‘মুই যেইনে তার্‌ বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মা ওম্‌।’ লগেপ্রভু কলঅ, ‘তুই তারে ভুলেইনে নেযেই পারিবে। তুই যেইনে সিয়েন গর্‌।’