Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




১ রাজাবলী 11:5 - Chakma Bible

5 তে সীদোনীয়গুনোর দেবী অষ্টোরতর্ আর অম্মোনীয়গুনোর জঘন্য দেবেদা মিল্‌কমরে সেবা গরা ধুরিলো।

အခန်းကိုကြည့်ပါ။ ကော်ပီ




১ রাজাবলী 11:5
14 ပူးပေါင်းရင်းမြစ်များ  

মুই ইয়েন গুরিম, কিত্তেই সে দশছুয়ো গুট্টিয়ে মরে ছাড়িনে সীদোনীয়গুনোর দেবী অষ্টোরতর্, মোয়াবর দেবেদা কমোশর আর অম্মোনীয়গুনোর দেবেদা মিল্‌কমর পূজো গোজ্যন্‌। শলোমনর্ বাপ্পো দায়ূদে যেধোক্কেন্‌ গুরিদো তারা সেধোক্কেন্‌ ন-গরন্‌। তারা মঅ পধেন্দি ন-আঢন, মঅ চোগেন্দি যিয়েনি ঠিগ সিয়েনি ন-গরন্‌ আর মঅ সুদোমানি আর নিদ্দেশ্‌ছানি ন-পালান।


লগেপ্রভুর চোগোত্‌ যিয়েনি ভান্ন্যেই শলোমনে সিয়েনই গুরিলো। তা বাপ্পো দায়ূদে যেবাবাত্যে লগেপ্রভুরে গমেডালে ভোক্তি গুরিদো তে সেধোক্কেন্‌ ন-গুরিদো।


যিরূশালেমর পূগেন্দি মুড়ো উগুরে তে মোয়াবর জঘন্য দেবেদা কমোশ আর অম্মোনীয়গুনোর জঘন্য দেবেদা মোলকর্‌ নাঙে পূজোর্‌ অজল জাগায়ান বানেল।


যিরূশালেম পূগেন্দি ভস্তর্ মুড়োবোর্‌ দোগিণেন্দি যিদুক্কুন্‌ পূজোর অজল্‌ জাগা এলঅ সিয়েনি তে অসিজি গুরিলো। ইস্রায়েল রাজা শলোমন সীদোনীয়গুনোর জঘন্য দেবী অষ্টোরতত্তেই, মোয়াবর জঘন্য দেবেদা কমোশত্তেই আর অম্মোনর মানুচ্চুনোর জঘন্য দেবেদা মোলকত্তেই এ অজল্‌ জাগায়ানি বানেয়্যে।


কনজনে এক্কানা চিদেয়ো ন-গরন্; কারর্ জ্ঞান বা বুদ্ধি নেই যে কয়, “মুই ইয়েনর্ এক কট্টালোই আগুন জ্বালেয়োং, সিয়েনর্ আঙারাগুনো উগুরে রুটি সেক্কোং আর য়েরা অদ্দেক্ পুড়ি হেইয়োং। সালে কি ইয়েনর্ বাদ্‌বাগি কট্টাগান্‌দোই মুই ঈচ্ গরেদে জিনিস বানেম? গাজ তক্তাগানরে কি মুই মাদিত্ পড়িনে জু জু জানেম?” ‍‌‍


তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।


যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।


সে পরেন্দি ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই আরঅ সিয়েনি গরা ধুরিলাক্‌। তারা বাল দেবেদাগুনোরে আর অষ্টারোৎ দেবীগুনোর আহ্‌ অরামীয়, সীদোনীয়, মোয়াবীয়, অম্মোনীয় আর পলেষ্টীয়গুনোর দেব-দেবেদাগুনোরে পূজো গরা ধুরিলাক্‌। ইঙিরিনে ইস্রায়েলীয়গুনে লগেপ্রভুরে ছাড়ি গেলাক্‌ আর তারে সেবা ন-গুরিলাক্‌।


লগেপ্রভুর চোগোত্‌ যিয়েনি ভাজ্‌ন্যেই তারা সিয়েনিই গুরিদাক্‌। তারা বাল দেবেদাগুনোরে পূজো গুরিদাক্‌।


এধোক্কেন্‌ গুরিনে তারা লগেপ্রভুরে বাদ দিইনে বাল দেবেদার আর অষ্টারোৎ দেবীর পূজো গুরিদাক্‌।


সেক্কে তমার পূরোণি মানুচ্চুনে লগেপ্রভুর ইদু কানাকুদি গুরিনে কলাক্, আমি পাপ গোজ্যেই; আমি লগেপ্রভুরে বাদ দিইনে বাল দেবেদাগুনোরে আর অষ্টারোৎ দেবীগুনোরে পূজো গোজ্যেই; ইক্কিনে তুই শত্রুগুনোর আঢত্তুন আমারে রোক্ষে গর্‌, আমি তরই সেবা গুরিবোং।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ