১ রাজাবলী 11:4 - Chakma Bible4 শলোমনর্ বুড়ো বয়জত্ তা মোক্কুনে তা মনান্ দেব-দেবেদাগুনোর ইন্দি টানি নেযেয়োন্। সিয়েনত্তে তা বাপ্পো দায়ূদো ধোক্কেন্ তা মনত্ তার গোজেন লগেপ্রভু উগুরে এদক্ ভোক্তি ন-এলঅ। အခန်းကိုကြည့်ပါ။ |
১ রাজাবলী 11:4
26 ပူးပေါင်းရင်းမြစ်များ
মুই ইয়েন গুরিম, কিত্তেই সে দশছুয়ো গুট্টিয়ে মরে ছাড়িনে সীদোনীয়গুনোর দেবী অষ্টোরতর্, মোয়াবর দেবেদা কমোশর আর অম্মোনীয়গুনোর দেবেদা মিল্কমর পূজো গোজ্যন্। শলোমনর্ বাপ্পো দায়ূদে যেধোক্কেন্ গুরিদো তারা সেধোক্কেন্ ন-গরন্। তারা মঅ পধেন্দি ন-আঢন, মঅ চোগেন্দি যিয়েনি ঠিগ সিয়েনি ন-গরন্ আর মঅ সুদোমানি আর নিদ্দেশ্ছানি ন-পালান।
ইন্দি যিহূদা দেজত্ শলোমন পূঅবো রহবিয়ামে রাজাগিরি গোজ্যে। তে যেক্কে রাজা ওইয়্যে সেক্কে তার বয়স অলদে একচোল্লিশ বজর্। ইস্রায়েলর গুট্টিগুনোর্ বেক্ জাগানির্ ভিদিরেত্তুন্ যে শঅরান্ লগেপ্রভু নিজোর্ থেবারঘর্ ইজেবে বেই লোইয়্যে সে যিরূশালেম শঅরত্ রহবিয়ামে সতর বজর্ রাজাগিরি গোজ্যে। তা মাবোর্ নাঙান্ এলদে নয়মা; তে জাদন্দি এলদে ইক্কো অম্মোনীয়।
“আর তুই, মর্ পুয়োবো শলোমন, তুই তঅ বাপ্পো গোজেনরে মুজুঙোত্ রাগেইনে চলিবে আর তঅ মনান্ ঠিগ্ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্ মনানি গমেডালে চায় আর চিদে গরানার্ পত্তিজন উদ্দেশ্যগানি বুঝে। তাহ্ আওজ্সানি জানিবাত্তে চেলে তুই সিয়েনি জানি পারিবে, মাত্তর্ যুনি তুই তারে ছাড়ি যাচ্ সালে তেয়ো তরে উমরত্তে এলাফেলা গুরিবো।
ကြော်ငြာတွေ