১ রাজাবলী 11:3 - Chakma Bible

³ তার্ সাতশ মোক্‌ এলাক্‌, যিগুনে এলাক্‌ রাজপরিবারর্‌ ঝি; ইগুন্‌ বাদেয়ো তার তিনশ দ্বিতীয় ঘর মোক্ এলাক্‌। তা মোক্কুনে তারে ভান্ন্যেই পধেন্দি নেযেয়োন।

১ রাজাবলী 11:3 ပူးပေါင်းရင်းမြစ်များ

২ বংশধর 11:21

রহবিয়ামে তার্‌ অন্য মোক্কুন্‌ আর দ্বিতীয় ঘর মোক্কুনোত্তুন্‌ অবশালোম ঝি মাখারে বেশ্‌ কোচ্‌পেদঅ। তার্‌ বেক্কুনে আদারবো মোক্‌ আর ষায়েট্টো দ্বিতীয় ঘর মোক্‌, আদেশছুয়ো পুয়ো আর ষায়েট্‌তো ঝি এলাক্‌।

ইষ্টের 1:18

পারস্য আর মাদিয়ার সর্মানিত মিলেগুনে রাণীর এ বেবহারর্‌ কধানি শুনিনে এচ্ছ্যে তারার্‌ নেক্কুনো সমারে সেবাবোত্যে বেবহার্‌ গুরিবাক্‌। সেক্কে অসর্মান্‌ আর কোল্‌-কোজ্যে বাড়ি যেবঅ।

উপদেশক 2:8

মুই বোউত্ সনা-রুবো আর অন্য রাজাগুনোর্ আর নানান্ রেজ্যর্ ধন-সোম্বোত্তি আনিনে থুবেলুং। মুই বোউত্ গান গেইয়্যে মিলে-মরদ আর মরদরে ফুত্তি দিয়্যে বোউত্ লাঙনি পেলুং।

উপদেশক 7:28

মুই যেক্কেনে জ্ঞানানরে তগাঙর্ মাত্তর্ ন-পাঙর্ সেক্কেনে মুই আজার্ জন ভিদিরে এক্কো খাটি মরদরে পেলুং, মাত্তর্ তারা ভিদিরেত্তুন্ এক্কো মিলেরেয়ো খাটি ন-দেগং।

পরমগীত 6:8

ষায়েটজন রাণী, আশিজন লাঙনি আর ভালোক্কুন্ গাবুজ্যে মিলে থেই পারন্,

পরমগীত 6:9

মাত্তর্ মঅ কবো, মর্ খাটি মান্‌‌জ্য ধোক্ক্যেন্ আর কনজন নেই। তে তার্ মাবোর্ বানা এক্কো ঝি, তে তারে পেদত্ ধোজ্যে তা কোচ্‌‌পানার্ ঝি। মিলেগুনে তারে দেগিনে বর্ পেইয়্যে কলাক্ আর রাণীগুনে আহ্ লাঙোনিগুনে তারে বাঈনী গুরিলাক্।

দ্বি’লম্বর বিররণ 17:17

তে যেনে ভালোক্কুন মোক্‌ ন-লয়; সেক্কে তার্‌ মনান ভান্ন্যেই পদেদি যেবঅ। তে যেনে নিজোত্তে বেশ্‌ সনা আর রূবো ন-থুবোই।

বিচের গুরিয়্যেগুন 3:6

তারা তারার্‌ মিলেগুনোরে লদাক্‌ আর নিজো ঝিগুনোরে তারার্‌ পূঅগুনো সমারে বৌ-দিদাক্‌ আহ্‌ তারার্‌ দেব-দেবেদাগুনোরে পূজো গুরিদাক্‌।

বিচের গুরিয়্যেগুন 9:5

অফ্রাতদ্ তে তার বাবঅ ঘরত্‌ যেইনে তার সত্তুরজন ভেইয়োর পত্তিজনরে, অত্তাৎ যিরুব্বালর পূঅগুনোরে পত্তিজনরে এক্কো পাত্তর উগুরে মারে ফেলেল। মাত্তর্‌ যিরুব্বালর বেগত্তুন চিগোন পূঅবো যোথমত্‌ পৌল্যেই থেইনে বাঁজিলো।