১ রাজাবলী 11:2 - Chakma Bible

² তারা সে জাদত্তুন্‌ এচ্ছোন্‌ যিগুনোর পৌইদ্যেনে লগেপ্রভু ইস্রায়েলীয়গুনোরে কোইয়্যে, “তুমি তারারে ন-লবা, কিয়া তারা হামাক্কাই তমার মনানি তারার্‌ দেব-দেবেদাগুনো ইন্দি টানি নেযেবাক্‌।” মাত্তর্‌ শলোমনে তারারে কোচ্‌পেইনে আজাবোদে ধুরি রাগেল।

১ রাজাবলী 11:2 ပူးပေါင်းရင်းမြစ်များ

পত্থম 2:24

ইয়েনত্যে মান্‌জ্যে মা-বাবরে ছাড়িনে তারা মোক্কুনো লগে এগত্তর্ ওইনে থেবাক্ আর তারা এক্কান কিয়্যে অবাক্।

পত্থম 34:3

দীণা উগুরে তার অমকদ টান্ এলঅ। তে তারে কোচ্‌পেল আর তা মুজুঙোত কোচ্‌পানার কধা কলঅ।

১ রাজাবলী 11:9

সেনে লগেপ্রভু শলোমন উগুরে অমকদ বেজার্‌ অলঅ, কিত্তেই যিবে তারে দ্বিবার দেগা দিয়্যে সে ইস্রায়েলর গোজেন লগেপ্রভুর ইত্তুন্‌ তা মনান্‌ ফিরি যেইয়্যে।

২ বংশধর 19:2

সেক্কে হনানির পুয়ো দর্শক যেহূ নিগিলিনে তাইদু যেইনে কলঅ, “পাজিগুনোরে বল্‌ দেনা আর যিগুনে লগেপ্রভুরে ঘিনান্‌ তারারে কোচ্‌পানা কি তর্‌ উজিত্‌ ওইয়্যে? ইয়েনত্তে লগেপ্রভুর রাগ্‌কান্‌ তঅ উগুরে লামি এচ্ছ্যে।

২ বংশধর 21:6

আহাব বংশর মানুচ্চুনো ধোক্ক্যেন তে ইস্রায়েলর রাজাগুনোর পধেন্দি চলিদো, কিত্তে তে আহাবর এক্কো ঝিরে লোইয়্যে। লগেপ্রভুর চোগেন্দি যিয়েন্‌ বজং তে সিয়েনই গুরিদো।

ইষ্রা 9:12

সেনত্যেই তমা ঝিগুনোরে তারার্ পুয়োগুনো সমারে বৌ ন দুয়ো বা তমা পুয়োগুনোত্যে তারার্ ঝিগুনোরে ন নেযেয়ো আর কনদিন্অ তারার্ মংগল বা ভালেদির্ চেট্ট্যা ন-গোজ্য। ইয়েন্দোই তুমি বোলী অবা আর ভূইয়োর্ গম গম জিনিস হেই পারিবা আর উমরর্ অধিকার ইজেবে দেজ্‌‌চান্ তমার্ পুয়ো-ঝিগুনোত্যে থোই যেই পারিবে।

গীতসংহিতা 139:21

ও লগেপ্রভু, যিগুনে তরে এলাফেলা গরন্ মুই কি তারারে এলাফেলা ন-গরং? যিগুনে তঅ বিরুদ্ধে কাম গরন্ মুই কি তারারে ঈচ্ ন-গরং?

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যাত্রা 34:12

উজিয়ার্‌! যে দেজত্‌ তুমি যর্‌ সেই দেজর্‌ মানুচ্চুনো লগে তুমি কনঅ‌ চুক্তি ন-গুরিবা; সিয়েন্‌ গুরিলে তারা তমা ভিদিরে এক্কো ফাল্‌ ওইনে থেবাক্‌।

যাত্রা 34:16

ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।

মালাখি 2:11

যিহূদা বেঈমানী গোজ্যে। ইস্রায়েলত্ আর যিরূশালেমত্ জঘন্য কাম্ গরা ওইয়্যে। যিহূদার মানুচ্চুনে দেবেদা পূজিয়্যে মিলেগুনোরে লোইনে লগেপ্রভু যিগুনোরে কোচ্‌‌‌পায় তারারে অসিজি গোজ্যে।

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

ফগদাং পেইয়্যে 2:4

তো তঅ বিরুদ্ধে মর্ এ কধাগান কবার্ আঘে, মঅ উগুরে পত্তমে তর্ যেবাবোত্যে কোচ্‌পানাগান এলঅ সিয়েন তুই আযেই ফেলেয়োচ্।