১ রাজাবলী 11:18 - Chakma Bible

¹⁸ তারা মিদিয়নত্তুন্‌ আঢা মারিনে পারণত্‌ যেইয়োন আর পরেন্দি সিয়োত্তুন্‌ কিজু মানুচ্‌ নেযেইনে তারা মিসরর্‌ রাজা ফরৌণর ইদু যেইয়োন্‌। ফরৌণ হদদরে ঘর, জাগা-জোমি আর হানা-দানা দিলো।

১ রাজাবলী 11:18 ပူးပေါင်းရင်းမြစ်များ

পত্থম 21:21

পারণ নাঙে এক্কান ধূল্যেচর-চাগালাত্‌ তে বজত্তি গরা ধুরিলো। মিসর দেজ এক্কো মিলে লগে তা মাবো তারে মেলা গুরি দিলো।

পত্থম 25:2

সিবে পেদত্‌ সিম্রণ, যক্‌ষণ, মদান, মিদিয়ন, যিশ্‌বক আর শূহর জর্ম ওইয়্যে।

পত্থম 25:4

ঐফা, এফর, হনোক, অবীদ আর ইল্‌দায়া এলাক মিদিয়ন ঝি-পুয়ো। ইগুন বেক্কুনে এলাক কটূর ঝি-পুয়ো আর তা ঝি-পুয়োগুনোর বংশ।

১ রাজাবলী 11:17

মাত্তর্‌ হদদে তা বাবর্‌ কয়েক্কো ইদোমীয় কামগুরিয়্যেগুনো সমারে মিসরত্‌ ধেই গেলঅ। সে অক্তত্‌ তে চিগোন্‌ এলঅ।

১ রাজাবলী 11:19

ফরৌণে হদদর উগুরে অমকদ হুজি ওইয়্যে, ফরৌণ মোক্কো রাণী তহ্‌পনেষর বোন্নো সমারে তারে জড়া বানি দিলো।

যাত্রা 2:15

ফরৌণে এ ঘটনাগান্‌ হবর্ পেইনে মোশিরে মারে ফেলেবাত্তে চেট্টা গরা ধরল। মাত্তর্‌ মোশি ফরৌণ কায়-কুরেত্তুন্‌ ধেই যেইনে মিদিয়ন দেজত্‌ বজত্তি গুরিবাত্তে গেলঅ। সিধু যেইনে তে এক্কো কূয়ো পারত্‌ বোই রলঅ।

হবক্‌‌‌‌কূক 3:3

গোজেনে তৈমনত্তুন্ এজের্, সেই সুদ্ধো-সাংগ মানুচ্চো পারণ মুড়োবোত্তুন্ এজের্। তার্ মহিমাগান আগাজত্ সং লুমেগোই; পিত্‌থিমীগানে তার্ নাঙ্‌‌গিনেনালোই ভরা।

গণাণা 10:12

সেক্কে ইস্রায়েলীয়গুনে সিনাই ধূল্যেচর চাগালাগান ফেলেইনে নিগিলি গেলাক্। সেই মেঘ্‌কান পারণ ধূল্যেচর চাগালাত্‌‌ এইনে সোজা ওইনে ন-থিয়্যেনা সং তারা যাহ্ ধুরিলাক।

গণাণা 22:4

তারা মিদিয়নীয় বুড়ো নেতাগুনোরে কলাক্, “গোরুগুনে যেধোক্ক্যেনগুরি মাদর্‌ ঘাস পুঝিসারি খেই নেযান্‌ এই দল্লো সেধোক্ক্যেনগুরি আমা চেরোকিত্তে বেক্কানি পুঝিসারি খেই নেযেবাক্।” সেনত্তে মোয়াবর সেক্কে রাজাবো সিপ্পোরর পুয়ো বালাকে বিয়োরর পুয়ো বিলিয়মরে ডাগি আনিবাত্তে মানুচ্‌ পাদেই দিলো। বিলিয়মে সেক্কে ইউফ্রেটিস গাঙর্‌ কায়-কুরে তার নিজোর্‌ মানুচ্চুনোর্‌ দেজত্‌ পথোর শঅরত্‌ এলাক্। বালাকে কোই পাদেল, “মিসর দেজত্তুন্‌ একদল মানুচ্‌ নিগিলি এচ্চ্যন্। তারা গোদা দেজ্‌চান্‌ ছাগি নেযেয়োন্‌ আর মর্‌ মুজুঙোত্ বজত্তি গোজ্জ্যন।

গণাণা 25:14

যে ইস্রায়েলীয় মিলেবোরে সেই মিদিয়নীয় মিলেবো সমারে মারে ফেলা ওইয়্যে তা নাঙান্‌ এলদে সিম্রি। তে অলদে শালূর পূঅ আর শিমিয়োন-গুট্টির এক্কো বংশর নেতা।

গণাণা 25:18

কিত্যে পিয়োরর্‌ দেবেদা পূজো আর কস্‌বীর বেপারান্‌দোই বুদ্ধি খাদেইনে তমারে ভুল্‌ পদথ্‌ নেযেইনে তারা তমার্‌ শত্রু ওইয়োন। তুই দঅ জানচ্‌, এই কস্‌বী এলদে তারার্‌ কুদুম্মো আর এক্কো মিদিয়নীয় সর্দারর ঝি। পিয়োরর্‌ বাল দেবেদা পূজোনার্‌ কারনে যেক্কে তমা ইদু ভানা দেগা দিয়্যে সেক্কে সেই মিলেবোরে মারে ফেলা ওইয়্যে।”

গণাণা 25:6

সেক্কে মোশি আর ইস্রায়েলীয়গুনে বেক্কুনে যেক্কে মিলন-তাম্বুলো ইদু কানাকাদি গত্তন্‌ সেই সময়োত্‌ এক্কো ইস্রায়েলীয় তারার্‌ চোগো মুজুঙোন্দি এক্কো মিদিয়নীয় মিলেরে তা গোর‌্‌বোর্‌ মানুচ্চুনো ভিদিরে নেযেল।

দ্বি’লম্বর বিররণ 1:1

মোশি যর্দন গাঙর্‌ পূগেন্দি ধূল্যেচর-চাগালাত্, অত্তাৎ অরাবাতত্‌ বেক্‌ ইস্রায়েলীয়গুনো ইদু বালক্কানি কধা কোইয়্যে। তে যিয়েনত্‌ সেদক্কানি কধা কোইয়্যে সেই জাগায়ান এলদে সূফর মুজুঙোন্দি। সিয়েনর্‌ এক কিত্তেন্দি এলদে পারণ আর আরেক কিত্তেন্দি এলদে তোফল, লাবন, হৎসেরোৎ আহ্‌ দীষাহব।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।