১ রাজাবলী 11:12 - Chakma Bible

¹² মাত্তর্‌ তঅ বাপ্পো দায়ূদোর কধা মনত্‌ গুরিনে তঅ জিংকানিত্‌ মুই সিয়েন ন-গুরিম্‌, মাত্তর্‌ তঅ পূঅবোর্‌ আঢত্তুন্‌ মুই সিয়েনি কারি লোম্‌।

১ রাজাবলী 11:12 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

১ রাজাবলী 11:11

সেনত্তে লগেপ্রভু শলোমনরে কলঅ, “তর্‌ এ বেবহারত্তে আর মর্‌ দিয়্যে বেবস্থা আর সুদোম অমান্য গরানাত্তে মুই হামাক্কাই তত্তুন্‌ রেজ্যগানি কারি লোইনে তর্‌ ইক্কো চাগররে দিম্‌।

১ রাজাবলী 11:13

মাত্তর্ রেজ্যর্‌ বেক্কান মুই তাত্তুন কারি ন-নেযেম, মাত্তর্‌ মঅ চাগর্‌ দায়ূদো কধা আর মর্‌ বেঈ নেযেয়্যে যিরূশালেমর কধা মনত্‌ গুরিনে ইক্কো গুট্টি মুই তঅ পূঅবোরে দিম্‌।”

১ রাজাবলী 11:31

সে পরেন্দি তে যারবিয়ামরে কলদে, “দশছুয়ো কট্টা তুই তুলি নেযা, হিত্তেই ইস্রায়েলর গোজেন লগেপ্রভু তরে কোইয়্যেদে, ‘চাহ্, মুই শলোমনর্ আঢত্তুন্‌ রেজ্যগান কারি নেযেম্‌ আর তরে দশছুয়ো গুট্টির ভারান্‌ দিম্‌।

১ রাজাবলী 11:32

মাত্তর্‌ মঅ চাগর্‌বো দায়ূদোত্তে আর ইস্রায়েলর বেক্‌ গুট্টিগুনোর চাগালাত্তুন্‌ মর্‌ বেই লোইয়্যে যিরূশালেমত্তে বানা ইক্কো গুট্টি শলোমনর্ আঢত্‌ থেবঅ।

১ রাজাবলী 11:34

তো মুই শলোমনর্ আঢত্তুন্‌ পুরো রেজ্যগান্‌ ন-নেযেম্‌। মঅ চাগর্‌ দায়ূদ, যিবেরে মুই বেঈ লোইয়োং আর যে মঅ উগুমানি আর সুদোমানি পালেদ তাত্তেই মুই শলোমনরে সারা জিংকানিভর্‌ রাজপদথ্‌ রাগেম্‌।

১ রাজাবলী 11:35

মুই তা পূঅবোর্‌ আঢত্তুন্‌ রেজ্যগান কারি নেযেইনে তঅ আঢত্‌ দশছুয়ো গুট্টির্‌ ভারান্‌ দিম।

১ রাজাবলী 21:29

“তুই কি খিয়েল্‌ গোজ্যস্‌ আহাবে মঅ মুজুঙোত্‌ নিজোরে কি বাবোত্যে চিগোন্‌ গোজ্যে? তে নিজোরে চিগোন্‌ গোজ্যে বিলিনে এ দযাগান্‌ মুই তা জিংকানিত্‌ ন-আনিম্‌, মাত্তর্‌ তা পূঅবো জিংকানিত্‌ তা বংশগুনো উগুরে আনিম্‌।”

২ রাজাবলী 19:34

মুই মর্‌ আর মঅ চাগর্‌ দায়ূদত্তে এ শঅরান্‌ ঘিরি রাগেইনে সিয়েন্‌ রোক্ষ্যে গুরিম্‌।’ ”

২ রাজাবলী 20:17

লগেপ্রভু কত্তে, এন্‌ দিন এবঅ যেক্কে তঅ রাজঘরর্‌ বেক্কানি আর তঅ পূরোণি মানুচ্চুনোর্‌ জোমেয়্যে যেদক্কানি এচ্ছে সং আঘে বেক্কানি বাবিলোত্‌ নেযা অবঅ, কিচ্ছু পুরি ন-থেবঅ।

২ রাজাবলী 20:19

জোবত্‌ হিষ্কিয় কলঅ, “লগেপ্রভু যে কধাগান্‌ তুই কোইয়োচ্‌ সিয়েন্‌ দোল্‌ কধা।” তে এ কধাগান কলঅ, কিত্তে তে মনে গোজ্যেদে তা জিংকানিত্‌ তে সুগে-শান্দিয়্যে আর গমেডালে থেই পারিবো।

২ রাজাবলী 8:19

তো লগেপ্রভু নিজোর্‌ চাগর্‌ দায়ূদো কধানি মনত্‌ গুরিনে যিহূদারে ভস্ত গুরিবাত্তে ন-চেলঅ, কিত্তে তে দায়ূদ আর তা বংশধরুনোরে জিংকানিবর্‌ এক্কো চেরাগ দিবো বিলিনে শমক্‌ খেইয়্যে।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।