Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




১ রাজাবলী 11:1 - Chakma Bible

1 রাজা শলোমনে ফরৌণর ঝিবো বাদে আরঅ ভালোক্কুন্ বিদেশী মিলেরে কোচ্‌পেদঅ। তারা জাদে অলাক্কে মোয়াবীয়, অম্মোনীয়, ইদোমীয়, সীদোনীয় আর হিত্তীয়।

အခန်းကိုကြည့်ပါ။ ကော်ပီ




১ রাজাবলী 11:1
20 ပူးပေါင်းရင်းမြစ်များ  

তার্‌ বেক্‌ বিদেশী মোক্কুনে যিগুনে নিজোর্ নিজোর্ দেবেদার নাঙে আগর্‌বাট্টি জ্বালেদাক্‌ আর য়েমান ডালি দিদাক্‌ তারার্‌ বেক্কুনোত্তে তে সিয়েন গুরিলো।


ইন্দি যিহূদা দেজত্‌ শলোমন পূঅবো রহবিয়ামে রাজাগিরি গোজ্যে। তে যেক্কে রাজা ওইয়্যে সেক্কে তার বয়স অলদে একচোল্লিশ বজর্‌। ইস্রায়েলর গুট্টিগুনোর্‌ বেক্‌ জাগানির্‌ ভিদিরেত্তুন্‌ যে শঅরান্‌ লগেপ্রভু নিজোর্‌ থেবারঘর্‌ ইজেবে বেই লোইয়্যে সে যিরূশালেম শঅরত্‌ রহবিয়ামে সতর বজর্‌ রাজাগিরি গোজ্যে। তা মাবোর্‌ নাঙান্‌ এলদে নয়মা; তে জাদন্দি এলদে ইক্কো অম্মোনীয়।


যেরেন্দি রহবিয়ামে তার্‌ পূরোণি মানুচ্চুনোর্‌ ইদু গেলগোই আর তারে দায়ূদ-শঅরত্‌ গোর্ দিয়্যে অলঅ। তা মাবোর্‌ নাঙান্‌ এলদে নয়মা; তে জাদন্দি এলদে ইক্কো অম্মোনীয়। রহবিয়ামর পরেন্দি তার্‌ পূঅবো অবিয়ামে তা জাগানত্‌ রাজা অলঅ।


নবাটর পূঅবো যারবিয়ামে যেদক্কানি পাপ গোজ্যে সিয়েনিরে তে সামান্য বেপার্‌ বিলিনে মনে গুরিদো। বানা সিয়েনি নয়, তে সীদোনীয়গুনোর রাজা ইৎবালর ঝি ঈষেবলরে লল আর বাল দেবেদার সেবা আর পূজো গরা ধুরিলো।


শলোমন মিসরর রাজা ফরৌণর ঝিবোরে মোক্‌ লোইনে তা লগে দাংগুত্ব গরানাগান্ থিদেবর্ গুরিলো। শলোমনর্ রাজঘর, লগেপ্রভুর ঘর আর যিরূশালেমর চেরোকিত্তে দেবাল্লোই ঘিজ্যে থুম্‌ ন-অনা সং তে তা মোক্কোরে দায়ূদ-শঅরত্‌ রাগেল।


ইক্কুনে বেক্কুনে অন্য জাদর্ মিলেরে লোইয়োন আর কনঅ কনঅ মোগোর্ পেদত্অ ঝি-পুয়ো এলাক্।


এ কামানি থুম্ ওই গেলে পরেদি নেতাগুনে মইধু এইনে কলাক্, “ইস্রায়েলীয়গুন আর তারার্ ধর্মগুরুগুন আহ্ লেবীয়গুনে তারার্ দেজত্ বজত্তিগুরিয়্যে অন্য জাদ্‌তুনো ইত্তুন্ নিজোরে যুদো গুরি ন রাগান্। তারা কনানীয়, মিসরীয় আর ইমোরীয়গুনো ধোক্ক্যেন জঘন্য কাম গোজ্যন্।


তারা নিজোরে আর তারার্ পুয়োগুনোত্যে মোক্ ইজেবে সেই জাদর্ মিলেগুনোরে মানি লোইয়োন, আর এবাবোত্যেগুরি তারার্‌ সুদ্ধো-সাংগ জাদরে সেই জাদ্‌‌তুনো সমারে মিজেই ফেল্যন্। এন্ কি, নেতাগুনে আর দাঙর্ পোজিশনর্ কামগুরিয়্যেগুনে পত্তমে এই অবিশ্বেজর্ পথ্‌‌তান্ দেখ্যন।”


ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।


জ্ঞানানে তরে রোক্ষ্যে গুরিবো বেশ্যে মিলেগুনোর আঢত্তুন্, মিদে কধালোই ভরা বজং পধেদি যেইয়্যে মিলেগুনো আঢত্তুন্।


বেশ্যেমিলের্ কধাবাত্তানি যেন গভিন্ গাদ ধোক্ক্যেন; যে মানুচ্চো লগেপ্রভুর রাগর্ মানুচ্ তে সে ভিদিরে পুরিবো।


তঅ চোগ্‌‌কুনে সেক্কে আমক্ অবার কান্ড দেগিবাক্ আর মনানে উগুদো যাবুদো কধা ভাবিবো।


মিলেগুনো উগুরে তর্ বলান্ ক্ষয় ন-গুরিচ্; রাজাগুনোরে যিয়েনিলোই ভস্ত গরে সিয়েনি ইদু নিজোরে ন-দিচ্।


ইয়েনি তরে বজং মিলেগুনো আঢত্তুন্ রোক্ষ্যে গুরিবো, রোক্ষ্যে গুরিবো ভান্ন্যেই পধেদি যেইয়্যে মিলেগুনোর মিদে মিদে কধানিত্তুন্।


যেনে তারা তরে বেশ্যেগুনো আঢত্তুন্ রোক্ষ্যে গরন্, রোক্ষ্যে গরন সেই মিদে কধালোই ভরা ভান্ন্যেই পধেদি যেইয়্যে মিলেগুনো আঢত্তুন্।


মোক্কো বাঁজি থাগদে মোগো বোন্নোরে সুদিন ইজেবে মোগ্‌ লনা ন-চলিবো।


তে যেনে ভালোক্কুন মোক্‌ ন-লয়; সেক্কে তার্‌ মনান ভান্ন্যেই পদেদি যেবঅ। তে যেনে নিজোত্তে বেশ্‌ সনা আর রূবো ন-থুবোই।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ